ਅਲਬਰਟਾ : ਪਾਰਕਲੈਂਡ ਕਾਉਂਟੀ ਦੇ ਇਕ ਘਰ ‘ਚ ਭਿਸ਼ਣ ਅੱਗ ਲੱਗਣ ਦੀ ਖਬਰ ਸਾਹਮਣੇ ਆਈ ਹੈ। ਅੱਗ ਬੁਝਾਉਣ ਵਾਲਾ ਅਮਲਾ ਇਹ ਨਿਰਧਾਰਿਤ ਕਰਨ ਦੀ ਕੋਸ਼ਿਸ਼ ਕਰ ਰਿਹਾ ਹੈ ਕਿ ਐਤਵਾਰ ਸ਼ਾਮ ਨੂੰ ਉਸ ਖੇਤਰ ‘ਚ ਆਇਆ ਤੂਫਾਨ ਘਰ ‘ਚ ਅੱਗ ਲੱਗਣ ਲਈ ਜ਼ਿੰਮੇਵਾਰ ਹੈ ਜਾਂ ਨਹੀਂ।
ਇਹ ਹਾਦਸਾ ਗ੍ਰੇਮੀਨੀਆ ਕੰਟਰੀ ਅਸਟੇਟ (Graminia Country Estates) ‘ਚ ਟਾਊਨਸ਼ਿਪ ਰੋਡ 511 ਦੇ ਉਤਰ ‘ਚ ਰੇਂਜ ਰੋਡ 271 ਦੇ ਬਿਲਕੁਲ ਨੇੜੇ ਵਾਪਿਰਆ ਹੈ।
ਪਾਰਕਲੈਂਡ ਕਾਉਂਟੀ ਦੇ ਮੁੱਖ ਫਾਇਰ ਮਾਰਸ਼ਲ ਸੀਨ ਕਨਿੰਘਮ (Chief Fire Marshall Sean Cunningham) ਨੇ ਕਿਹਾ ਕਿ ਅਚੇਸਨ,ਡੋਵੇਨ (Acheson, Devon) ਅਤੇ ਪਾਰਕਲੈਂਡ ਵਿਲੇਜ ਤੋਂ ਸ਼ਾਮ 8.26 ਵਜੇ ਚਾਲੀ (forty firefighters) ਅੱਗ ਬੁਝਾਉਣ ਵਾਲੇ ਚਾਲਕਾਂ ਨੂੰ ਬੁਲਾਇਆ ਗਿਆ ਸੀ।
ਜਦੋਂ ਉਹ ਪਹੁੰਚੇ ਉਸ ਸਮੇਂ ਘਰ ਅੱਗ ਦੀਆਂ ਲਪਟਾਂ ‘ਚ ਘਿਰਿਆ ਹੋਇਆ ਸੀ । ਜਿਸ ਕਾਰਨ ਘਰ ਦਾ ਬਹੁਤ ਨੁਕਸਾਨ ਹੋ ਗਿਆ ਹੈ।
ਤਸਵੀਰਾਂ ‘ਚ ਅੱਗ ਬੁਝਾਉਣ ਵਾਲੇ ਕੁਤਿਆਂ ਦਾ ਇਲਾਜ ਕਰਦੇ ਦੇਖੇ ਜਾ ਸਕਦੇ ਹਨ।
ਜਾਂਚਕਰਤਾ ਅਜੇ ਤੱਕ ਇਹ ਨਿਰਧਾਰਿਤ ਨਹੀਂ ਕਰ ਸਕੇ ਅੱਗ ਲੱਗਣ ਦੇ ਕੀ ਕਾਰਨ ਹੋ ਸਕਦੇ ਹਨ, ਪਰ ਉਨ੍ਹਾਂ ਦੱਸਿਆ ਕਿ ਕਾਲ ਆਉਣ ਤੋਂ ਪਹਿਲਾਂ ਇਸ ਖੇਤਰ ‘ਚ ਭਾਰੀ ਗਰਜ ਅਤੇ ਬਿਜਲੀ ਗਿਰੀ ਸੀ।