ਵਿਨੀਪੈਗ : ਕੋਰੋਨਾ ਵਾਇਰਸ ਦੀ ਵੈਕਸੀਨ ਦੇ ਮੁੱਦੇ ‘ਤੇ ਕੈਨੇਡਾ ਦੀ ਫੈਡਰਲ ਸਰਕਾਰ ਅਤੇ ਸੂਬਾ ਸਰਕਾਰ ਆਹਮੋ-ਸਾਹਮਣੇ ਆ ਗਏ ਹਨ। ਵੈਕਸੀਨ ਦੀ ਸਪਲਾਈ ਅਤੇ ਵੰਡ ਨੂੰ ਲੈ ਕੇ ਸੂਬਾ ਸਰਕਾਰਾਂ ਪਹਿਲਾਂ ਹੀ ਪੱਖਪਾਤ ਦਾ ਇਲਜਾਮ ਟਰੂਡੋ ਸਰਕਾਰ ‘ਤੇ ਲਗਾਉਂਦੀਆਂ ਰਹੀਆਂ ਹਨ। ਇਸ ਵਾਰ ਮੈਨੀਟੋਬਾ ਦੇ ਪ੍ਰੀਮੀਅਰ ਬ੍ਰਾਇਨ ਪੈਲਿਸਟਰ ਨੇ ਫੈਡਰਲ ਸਰਕਾਰ ਵੱਲੋਂ ਵੈਕਸੀਨ ਸਪਲਾਈ ਕਰ ਰਹੀਆਂ ਦਵਾ ਕੰਪਨੀਆਂ ਨਾਲ ਕੀਤੇ ਸਮਝੌਤਿਆਂ ਤੇ ਸਵਾਲ ਖੜ੍ਹੇ ਕੀਤੇ ਹਨ। ਪੈਲਿਸਟਰ ਨੇ ਕਿਹਾ ਕਿ ਫਾਇਜਰ ਅਤੇ ਮੋਡਰਨਾ ਵਰਗੇ ਮੁੱਖ ਕੋਰੋਨਾਵਾਇਰਸ ਦੀ ਵੈਕਸੀਨ ਦੇ ਟੀਕੇ ਸਪਲਾਈ ਕਰਨ ਵਾਲਿਆਂ ਕੰਪਨੀਆਂ ਨਾਲ ਸੰਘੀ ਸਰਕਾਰ ਦੇ ਸਮਝੌਤੇ ਉਨ੍ਹਾਂ ਕੰਪਨੀਆਂ ਨੂੰ ਪ੍ਰਾਂਤਾਂ ਨੂੰ ਵੱਖਰੇ ਸੌਦੇ ਵਿੱਚ ਵੈਕਸੀਨ ਦੇਣ ਜਾਂ ਵੇਚਣ ਤੋਂ ਵਰਜਦੇ ਹਨ । ਇਹ ਇਕ ਤਰ੍ਹਾਂ ਨਾਲ ਸੂਬਾ ਸਰਕਾਰਾਂ ਦੇ ਰਾਹ ਵਿੱਚ ਅੜਿਕੇ ਖੜ੍ਹੇ ਕਰਨ ਵਾਂਗ ਹੈ ਕਿ ਅਸੀਂ ਆਪਣੇ ਪੱਧਰ ਤੇ ਚਾਹ ਕੇ ਵੀ ਕੁੱਝ ਨਹੀ ਕਰ ਸਕਦੇ।
ਇਕ ਮੀਡੀਆ ਗਰੁੱਪ ਨਾਲ ਗੱਲਬਾਤ ਕਰਦਿਆਂ ਪ੍ਰੀਮੀਅਰ ਪੈਲਿਸਟਰ ਨੇ ਖਰੀਦ ਮੰਤਰੀ ਅਨੀਤਾ ਆਨੰਦ ਦੀ ਤਾਜ਼ਾ ਟਿੱਪਣੀਆਂ ਤੇ ਪ੍ਰਤੀਕਰਮ ਦਿੰਦਿਆਂ ਕਿਹਾ ਕਿ ਉਹ ਸਰਾਸਰ ਝੂਠ ਬੋਲ ਰਹੇ ਹਨ ਕਿ ਸੂਬਾ ਸਰਕਾਰਾਂ ਆਪਣੇ ਪੱਧਰ ‘ਤੇ ਵੈਕਸੀਨ ਸਪਲਾਇਰਾਂ ਨਾਲ ਆਪਣੇ ਸੌਦੇ ਨੂੰ ਅੱਗੇ ਵਧਾਉਣ ਲਈ ਸੁਤੰਤਰ ਹਨ ।
ਪੈਲਿਸਟਰ ਨੇ ਫਾਈਜ਼ਰ, ਮੋਡੇਰਨਾ, ਐਸਟਰਾਜ਼ੇਨੇਕਾ ਅਤੇ ਜੌਨਸਨ ਐਂਡ ਜੌਨਸਨ ਵੱਲ ਇਸ਼ਾਰਾ ਕਰਦਿਆਂ ਕਿਹਾ,
‘ਮੇਰਾ ਜਵਾਬ ਇਹ ਹੈ ਕਿ ਮੰਤਰੀ ਪੂਰੀ ਤਰ੍ਹਾਂ ਗਲਤ ਹੈ ਅਤੇ ਅਸੀਂ ਨਿਸ਼ਚਤ ਤੌਰ ‘ਤੇ ਫੈਡਰਲ ਸਰਕਾਰ ਦੁਆਰਾ ਵੱਖ-ਵੱਖ ਕੰਪਨੀਆਂ ਨਾਲ ਹਸਤਾਖਰ ਕੀਤੇ ਗਏ ਸਮਝੌਤਿਆਂ ਬਾਰੇ ਇਹਨਾਂ ਕੰਪਨੀਆਂ ਤਕ ਪਹੁੰਚਣ ਲਈ ਸਾਡੇ ਕੰਮ ਦੇ ਪੁਖਤਾ ਸਬੂਤ ਪ੍ਰਦਾਨ ਕਰ ਸਕਦੇ ਹਾਂ । ਇਹਨਾਂ ਸਾਰੀਆਂ ਕੰਪਨੀਆਂ ਨੇ ਸਾਨੂੰ ਦੱਸਿਆ ਹੈ ਕਿ ਉਹ ਸਾਨੂੰ ਵੈਕਸੀਨ ਨਹੀਂ ਵੇਚਣਗੇ ਕਿਉਂਕਿ ਇਹ ਉਸ ਸੌਦੇ ਦਾ ਹਿੱਸਾ ਹੈ ਜੋ ਉਨ੍ਹਾਂ ਨੇ ਸੰਘੀ ਸਰਕਾਰ ਨਾਲ ਕੀਤਾ ਹੋਇਆ ਹੈ।
We must take every possible step to ensure Manitobans and Canadians can access #COVID19 vaccines. We cannot rely on supply from Ottawa, so our government is investing in a made-in-Canada, manufactured-in-Manitoba vaccine to help protect Manitobans. pic.twitter.com/7rRombUS1x
— Brian Pallister (@BrianPallister) February 11, 2021
ਇਸ ਤੋਂ ਪਹਿਲਾਂ ਵੀ ਅਲਬਰਟਾ ਦੇ ਪ੍ਰੀਮੀਅਰ ਜੇਸਨ ਕੇਨੀ ਨੇ ਖਰੀਦ ਮੰਤਰੀ ਅਨੀਤਾ ਆਨੰਦ ਦੇ ਬਿਆਨ ‘ਤੇ ਸਵਾਲ ਚੁੱਕੇ ਸਨ । ਪ੍ਰੀਮੀਅਰ ਕੇਨੀ ਨੇ ਕਿਹਾ ਸੀ ਕਿ ਜੇਕਰ ਫੈਡਰਲ ਸਰਕਾਰ ਵੱਲੋਂ ਵੈਕਸੀਨ ਦੀ ਸਪਲਾਈ ਨਿਰੰਤਰ ਨਾ ਰਹੀ ਤਾਂ ਸੂਬਾ ਸਰਕਾਰਾਂ ਵਲੋਂ ਟੀਕੇ ਸਪਲਾਇਰਾਂ ਨਾਲ ਆਪਣੇ ਸੌਦੇ ਸੁਰੱਖਿਅਤ ਕਰਨ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।
ਆਨੰਦ ਨੇ ਇੱਕ ਪ੍ਰੈਸ ਕਾਨਫਰੰਸ ਵਿੱਚ ਕਿਹਾ ਕਿ ‘ਪ੍ਰਾਂਤ ਅਜਿਹਾ ਸਮਝੌਤਾ ਕਰਨ ਲਈ ਸੁਤੰਤਰ ਹਨ ਅਤੇ ਇਹ ਵੀ ਕਿਹਾ ਕਿ ਅਸੀਂ, ਇੱਕ ਸੰਘੀ ਸਰਕਾਰ ਹੋਣ ਦੇ ਨਾਤੇ, ਉਨ੍ਹਾਂ ਨੂੰ ਅਜਿਹਾ ਕਰਨ ਵਿੱਚ ਕੋਈ ਰੁਕਾਵਟ ਜਾਂ ਰੁਕਾਵਟ ਨਹੀਂ ਹਾਂ।’
ਮੈਨੀਟੋਬਾ ਦੇ ਪ੍ਰੀਮੀਅਰ ਬ੍ਰਾਇਨ ਪੈਲਿਸਟਰ ਨੇ ਕਿਹਾ ਕਿ ਉਹ ਸਮਝਦਾ ਹੈ ਕਿ ਫੈਡਰਲ ਸਰਕਾਰ ਟੀਕਿਆਂ ਲਈ ਇਕਲੌਤੀ ਖਰੀਦ ਸੰਸਥਾ ਬਣਨਾ ਚਾਹੁੰਦੀ ਹੈ, ਅਤੇ ਉਹ ਅਜਿਹਾ ਕਰਨ ਲਈ ਹੋਰ ਵੀ ਦਲੀਲਾਂ ਦੇ ਸਕਦੇ ਹਨ।
ਫਿਲਹਾਲ ਕੋਰੋਨਾ ਵੈਕਸੀਨ ਦੀ ਸਪਲਾਈ ਅਤੇ ਵੰਡ ਨੂੰ ਲੈ ਕੇ ਸੂਬਾ ਸਰਕਾਰਾਂ ਵੱਲੋਂ ਫੈਡਰਲ ਸਰਕਾਰ ‘ਤੇ ਲਗਾਏ ਜਾ ਰਹੇ ਇਲਜ਼ਾਮ ਗੰਭੀਰ ਹਨ।
