channel punjabi
Canada International News North America

ਟੋਰਾਂਟੋ ‘ਚ 2 ਸਾਲਾ ਬੱਚਾ 14ਵੀਂ ਇਮਾਰਤ ਤੋਂ ਗਿਰਿਆ, ਹਸਪਤਾਲ ‘ਚ ਹੋਈ ਮੌਤ

ਟੋਰਾਂਟੋ: ਟੋਰਾਂਟੋ ਦੇ ਜੇਨ ਐਂਡ ਫਿਚ ਇਲਾਕੇ ‘ਚੋਂ ਇੱਕ ਦੁਖਦਾਈ ਖਬਰ ਸਾਹਮਣੇ ਆਈ ਹੈ। ਜਿਥੇ ਇਕ ਦੋ ਸਾਲਾ ਬੱਚਾ 14ਵੀਂ ਮੰਜ਼ਲ ਤੋਂ ਹੇਠਾਂ ਡਿੱਗ ਗਿਆ ਤੇ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਿਆ।

ਟੋਰਾਂਟੋ ਪੁਲਿਸ ਦਾ ਕਹਿਣਾ ਹੈ ਕਿ ਡਰਿਫਟਵੁੱਡ ਐਵੇਨਿਊ ਤੋਂ ਸ਼ਾਮ 5.25 ਤੋਂ ਪਹਿਲਾਂ ਫੋਨ ਤੇ ਜਾਣਕਾਰੀ ਦਿੱਤੀ ਗਈ ਕਿ 2 ਸਾਲਾ ਬੱਚਾ 14ਵੀਂ ਮੰਜ਼ਿਲ ਤੋਂ ਹੇਠਾਂ ਗਿਰ ਗਿਆ ਹੈ। ਉਨ੍ਹਾਂ ਕਿਹਾ ਕਿ ਬੱਚੇ ਨੂੰ ਤੁਰੰਤ ਜ਼ਖਮੀ ਹਾਲਤ ‘ਚ ਟਰੌਮਾ ਸੈਂਟਰ ਲਿਜਾਇਆ ਗਿਆ,ਪਰ ਬਾਅਦ ‘ਚ ਉਸਦੀ ਮੌਤ ਹੋ ਗਈ।ਨਾਲ ਹੀ ਉਨ੍ਹਾਂ ਦੱਸਿਆ  ਬੱਚੇ ਨੇ ਜਿਸ ਸਮੇਂ ਹਸਪਤਾਲ ‘ਚ ਦਮ ਤੋੜ੍ਹਿਆ ਉਸ ਸਮੇਂ ਉਸਦੀ ਮਾਂ ਵੀ ਉਥੇ ਹੀ ਮੌਜੂਦ ਸੀ।

ਪੁਲਿਸ ਇੰਸਪੈਕਟਰ ਡਾਰਨ ਅਲਡਰਿਟ ਨੇ ਕਿਹਾ ਕਿ ਅਜੇ ਇਹ ਸਪਸ਼ਟ ਨਹੀਂ ਹੈ ਕਿ ਬੱਚਾ ਜ਼ਮੀਨ ‘ਤੇ ਕਿੰਨਾ ਸਮਾਂ ਡਿੱਗਿਆ ਰਿਹਾ। ਉਨ੍ਹਾਂ ਕਿਹਾ ਇਮਾਰਤ ਦੀ ਜਾਂਚ ਕੀਤੀ ਜਾ ਰਹੀ ਹੈ ਤੇ ਲੋਕਾਂ ਤੋਂ ਵੀ ਪੁੱਛ-ਗਿੱਛ ਜਾਰੀ ਹੈ। ਲੋਕਾਂ ਤੋਂ ਪੁਛਿਆ ਜਾ ਰਿਹਾ ਹੈ ਕਿ ਕਿਸੇ ਨੇ ਇਸ ਹਾਦਸੇ ਨੂੰ ਵਾਪਰਦਿਆਂ ਦੇਖਿਆ ਹੈ?

ਪੁਲਿਸ ਨੇ ਇਕ ਨੰਬਰ 416-808-3100 ਜਾਰੀ ਕਰਦਿਆਂ ਕਿਹਾ ਹੈ ਕਿ ਜੇਕਰ ਕਿਸੇ ਵਿਅਕਤੀ ਕੋਲ ਕੋਈ ਜਾਣਕਾਰੀ ਹੈ ਤਾਂ ਕਾਲ ਕਰ ਸਕਦਾ ਹੈ।

ਦੱਸ ਦਈਏ ਇਥੇ ਰਹਿਣ ਵਾਲੇ ਲੋਕਾਂ ਨੇ ਬੱਚੇ ਦੀ ਆਤਮਾ ਦੀ ਸ਼ਾਂਤੀ ਲਈ ਪ੍ਰਾਥਨਾ ਕੀਤੀ।

Related News

ਕੈਨੇਡਾ ਲਈ ਵੈਕਸੀਨ ਦੀ ਨਹੀਂ ਆਵੇਗੀ ਕਮੀ, ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦਿੱਤਾ ਭਰੋਸਾ

Vivek Sharma

ਬਿਸ਼ਪ ਮੌਰੇ ਹਾਈ ਸਕੂਲ ‘ਚ ਇਕ ਸਕਾਰਾਤਮਕ ਕੋਰੋਨਾ ਵਾਇਰਸ ਦਾ ਮਾਮਲਾ ਆਇਆ ਸਾਹਮਣੇ

Rajneet Kaur

2021 ਦੀ ਸ਼ੁਰੂਆਤ ਤੱਕ ਹੀ ਹੋ ਸਕੇਗਾ ਕੋਰੋਨਾ ਵੈਕਸੀਨ ਦਾ ਉਪਯੋਗ : WHO

Vivek Sharma

Leave a Comment