ਓਟਾਵਾ: ਜਨਤਕ ਸੁਰੱਖਿਆ ਮੰਤਰੀ ਬਿਲ ਬਲੇਅਰ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਸੰਘੀ ਸਰਕਾਰ ਕੈਨੇਡਾ-ਅਮਰੀਕਾ ਦੀ ਸਰਹੱਦ ਬੰਦ ਕਰਨ ਨੂੰ 21 ਸਤੰਬਰ ਤੱਕ ਯਾਨੀ ਕਿ ਹੋਰ 30 ਦਿਨਾਂ ਲਈ ਬੰਦ ਰਖਣ ਦਾ ਫੈਸਲਾ ਕੀਤਾ ਹੈ। ਮੌਜੂਦਾ ਸਮਝੌਤੇ ਤਹਿਤ ਸਰਹੱਦ ਬੰਦੀ 21 ਅਗਸਤ ਨੂੰ ਖਤਮ ਹੋਣ ਵਾਲੀ ਸੀ। ਹੁਣ 21 ਸਤੰਬਰ ਤੱਕ ਸਰਹੱਦ ਪਾਰ ਗੈਰ ਜ਼ਰੂਰੀ ਯਾਤਰਾ ਬੰਦ ਰਹੇਗੀ।
ਗੈਰ-ਜ਼ਰੂਰੀ ਯਾਤਰਾ ਨੂੰ ਬੰਦ ਕਰਨਾ ਮਹੀਨਿਆਂ ਤੋਂ ਜਾਰੀ ਹੈ, ਪਰ ਬਹੁਤ ਸਾਰੇ ਸੰਯੁਕਤ ਰਾਜ ਦੇ ਰਾਜਾਂ ਵਿੱਚ ਕੋਰੋਨਾ ਵਾਇਰਸ ਦੀ ਗਿਣਤੀ ਵਧ ਦੀ ਜਾ ਰਹੀ ਹੈ , ਜਿਸਨੂੰ ਦੇਖਦਿਆਂ ਦੋਵਾਂ ਸਰਕਾਰਾਂ ਨੇ ਦੁਨੀਆ ਦੀ ਸਭ ਤੋਂ ਲੰਬੀ ਅੰਤਰ ਰਾਸ਼ਟਰੀ ਸਰਹੱਦ ਦੇ ਪਾਰ ਚੱਲਣ ‘ਤੇ ਰੋਕ ਨੂੰ ਜਾਰੀ ਰੱਖਣ ਲਈ ਆਪਸੀ ਸਹਿਮਤੀ ਦਿੱਤੀ ਹੈ।
ਬਲੇਅਰ ਨੇ ਇੱਕ ਟਵੀਟ ਵਿੱਚ ਕਿਹਾ ਕਿ “ਅਸੀਂ ਆਪਣੇ ਕਮਿਉਨਿਟੀਆਂ ਨੂੰ ਸੁਰੱਖਿਅਤ ਰੱਖਣ ਲਈ ਜੋ ਵੀ ਹੋ ਸਕਿਆ ਜ਼ਰੂਰ ਕਰਾਂਗੇ। ਬੰਦ ਹੋਣ ਨਾਲ ਦੋਵਾਂ ਦੇਸ਼ਾਂ ਵਿਚਾਲੇ ਆਵਾਜਾਈ ਵਿਚ ਗਿਰਾਵਟ ਆਈ ਹੈ ਹਾਲਾਂਕਿ ਜ਼ਰੂਰੀ ਕਰਮਚਾਰੀ – ਜਿਵੇਂ ਟਰੱਕ ਡਰਾਈਵਰ ਅਤੇ ਸਿਹਤ ਸੰਭਾਲ ਪੇਸ਼ੇਵਰ – ਪਾਬੰਦੀਆਂ ਦੇ ਬਾਵਜੂਦ ਅਜੇ ਵੀ ਜ਼ਮੀਨ ਪਾਰ ਕਰ ਸਕਦੇ ਹਨ।
We are extending the reciprocal restrictions at the Canada-US border for another 30 days, till Sept. 21, 2020. We will continue to do what’s necessary to keep our communities safe.
— Bill Blair (@BillBlair) August 14, 2020