ਲੇਬਨਾਨ ਦੀ ਰਾਜਧਾਨੀ ਬੇਰੂਤ ਦੇ ਵਿੱਚ ਹੋਏ ਵੱਡੇ ਧਮਾਕਿਆਂ ਚ ਹੁਣ ਤੱਕ ਘਟੋ-ਘੱਟ 30 ਲੋਕਾਂ ਦੀ ਮੌਤ ਹੋ ਗਈ ਹੈ ਤੇ ਹੋਰ 2,500 ਦੇ ਨੇੜੇ ਲੋਕ ਜਖਮੀ ਹੋ ਗਏ ਹਨ। ਅਜੇ ਵੀ ਧਮਾਕੇ ‘ਚ ਹੋਰ ਲੋਕਾਂ ਦੇ ਮਲਬੇ ਚ ਫਸੇ ਹੋਣ ਦੀ ਖੋਜ ਕੀਤੀ ਜਾ ਰਹੀ ਹੈ। ਇਸ ਧਮਾਕੇ ਤੋਂ ਬਾਅਦ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟੀਨ ਟਰੂਡੋ ਨੇ ਵੀ ਪੀੜਤਾਂ ਲਈ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।
ਪ੍ਰਧਾਨ ਮੰਤਰੀ ਟਰੂਡੋ ਨੇ ਟਵੀਟ ਕਰਕੇ ਕਿਹਾ ਹੈ ਕਿ ਬੇਰੂਤ ਤੋਂ ਇੱਕ ਦੁਖ ਭਰੀ ਖਬਰ ਮਿਲੀ ਹੈ। ਉਨ੍ਹਾਂ ਲਿਖਿਆ ਕਿ ਕੈਨੇਡੀਅਨ ਉਨ੍ਹਾਂ ਸਾਰਿਆਂ ਬਾਰੇ ਸੋਚ ਰਹੇ ਨੇ ਜੋ ਜਖਮੀ ਹੋਏ ਹਨ ਤੇ ਜੋ ਆਪਣੇ ਪਿਆਰਿਆਂ ਨੂੰ ਲੱਭ ਰਹੇ ਨੇ ਤੇ ਆਪਣੇ ਪਿਆਰਿਆਂ ਨੂੰ ਗੁਆ ਚੁਕੇ ਹਨ। ਅਸੀ ਤੁਹਾਨੂੰ ਆਪਣੇ ਵਿਚਾਰਾਂ ਵਿਚ ਯਾਦ ਰਖਾਂਗੇ ਤੇ ਅਸੀ ਹਰ ਮੁਮਕਿਨ ਮਦਦ ਲਈ ਤਿਆਰ ਹਾਂ।
Absolutely tragic news coming out of Beirut. Canadians are thinking of everyone who has been injured and all those who are trying to locate a friend or family member or have lost a loved one. We’re keeping you in our thoughts and we stand ready to assist in any way we can.
— Justin Trudeau (@JustinTrudeau) August 4, 2020
ਦੱਸ ਦਈਏ ਕਿ ਧਮਾਕੇ ਕਾਰਣ ਬੇਰੂਤ ਦੀ ਬੰਦਰਗਾਹ ਤੇ ਮੌਜੂਦ ਕਈ ਇਮਾਰਤਾਂ ਨੂੰ ਭਾਰੀ ਨੁਕਸਾਨ ਪਹੁੰਚਿਆ ਹੈ ਤੇ ਕੁਝ ਦਾ ਤਾਂ ਨਾਮੋ ਨਿਸ਼ਾਨ ਤੱਕ ਮਿਟ ਗਿਆ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਧਮਾਕੇ ਤੋਂ ਘੰਟਿਆਂ ਬਾਅਦ ਵੀ ਐਬੁਲੈਂਸਾਂ ਜਖਮੀਆਂ ਨੂੰ ਹਸਪਤਾਲ ਪਹੁੰਚਾ ਰਹੀਆਂ ਹਨ । ਇਸ ਦੌਰਾਨ ਅਧਿਕਾਰੀਆਂ ਨੇ ਕਿਹਾ ਕਿ ਬੇਰੂਤ ਦੇ ਕਈ ਹਸਪਤਾਲ ਜਖਮੀ ਲੋਕਾਂ ਨਾਲ ਭਰ ਗਏ ਹਨ । ਲੇਬਨਾਨ ਦੇ ਜਨਰਲ ਸਕੱਤਰ ਅੱਬਾਸ ਇਬਰਾਹਿਮ ਨੇ ਕਿਹਾ ਕਿ ਇਨਾਂ ਵੱਡਾ ਧਮਾਕਾ ਕਿਸੇ ਧਮਾਕੇਖੇਜ ਸਮਗਰੀ ਕਾਰਣ ਹੋਇਆ ਹੈ। ਲੇਬਨਾਨ ਦੇ ਜਨਰਲ ਸਕੱਤਰ ਨੇ ਕਿਹਾ ਕਿ ਸ਼ਹਿਰ ਪੂਰੀ ਤਰਾਂ ਨੁਕਸਾਨਿਆ ਗਿਆ ਹੈ, ਤੇ ਬੁੱਧਵਾਰ ਨੂੰ ਰਾਸ਼ਟਰੀ ਸੋਗ ਦਿਨ ਐਲਾਨ ਦਿਤਾ ਗਿਆ ਹੈ, ਤਾਂ ਕੀ ਪੀੜਿਤਾਂ ਨੂੰ ਸ਼ਰਧਾਂਜਲੀ ਦਿਤੀ ਜਾ ਸਕੇ। ਬਾਕੀ ਧਮਾਕੇ ਦੇ ਕਾਰਨਾਂ ਦੀ ਜਾਂਚ ਵੱਡੇ ਪੱਧਰ ਤੇ ਕੀਤੀ ਜਾ ਰਹੀ ਹੈ।
