ਓਟਾਵਾ : ਕੈਨੇਡਾ ਵਿੱਚ ਕੋਰੋਨਾ ਮਹਾਂਮਾਰੀ ਦੇ ਵੱਖ-ਵੱਖ ਰੂਪ ਵਾਲੇ ਵਾਇਰਸ ਨੇ ਪੂਰੇ ਕੈਨੇਡਾ ਵਿੱਚ ਪਹੁੰਚ ਕਰ ਲਈ ਹੈ। ਹਲਾਂਕਿ ਕੋਰੋਨਾ ਦੇ ਮਾਮਲਿਆਂ ਵਿੱਚ ਪਹਿਲਾਂ ਨਾਲੋਂ ਕੁਝ ਕਮੀ ਜ਼ਰੂਰ ਆਈ ਹੈ । ਚਿੰਤਾ ਵਾਲੀ ਗੱਲ ਇਹ ਹੈ ਕਿ UK ਵਾਲੇ ਕੋਰੋਨਾ ਵਾਇਰਸ ਦਾ ਪਸਾਰ ਹੁਣ ਕੈਨੇਡਾ ਦੇ ਸਾਰੇ 10 ਸੂਬਿਆਂ ਵਿੱਚ ਹੋ ਚੁੱਕਿਆ ਹੈ । ਅਧਿਕਾਰੀਆਂ ਨੇ ਸ਼ਨੀਵਾਰ ਨੂੰ ਐਲਾਨ ਕੀਤਾ ਕਿ ਦੇਸ਼ ਦੇ ਚੋਟੀ ਦੇ ਡਾਕਟਰ ਨੇ ਮਹਾਂਮਾਰੀ ਦੇ ਇਸ ਪੜਾਅ ‘ਤੇ ਜਨਤਕ ਸਿਹਤ ਦੀਆਂ ਪਾਬੰਦੀਆਂ ਹਟਾਉਣ ਦੇ ਖ਼ਤਰਿਆਂ ਬਾਰੇ ਫਿਰ ਤੋਂ ਚੇਤਾਵਨੀ ਦਿੱਤੀ ਹੈ।
ਪ੍ਰਿੰਸ ਐਡਵਰਡ ਆਈਲੈਂਡ (PEI) ਸੂਬੇ ਨੇ ਸ਼ਨੀਵਾਰ ਨੂੰ ਯੂ.ਕੇ. ਵਾਲੇ ਪਹਿਲੇ ਮਾਮਲੇ ਦੀ ਪੁਸ਼ਟੀ ਕੀਤੀ । ਇਸ ਦੇ ਵੇਰਵੇ ਜਾਰੀ ਕਰਕੇ ਦੱਸਿਆ ਗਿਆ ਕਿ ਯੂਨਾਈਟਿਡ ਕਿੰਗਡਮ ਵਾਇਰਸ ਵਾਲਾ ਇੱਕ ਮਰੀਜ਼ ਪਹਿਲੀ ਵਾਰ 4 ਫਰਵਰੀ ਨੂੰ ਪਛਾਣਿਆ ਗਿਆ ਸੀ, ਜਿਸਦਾ ਅੰਤਰਰਾਸ਼ਟਰੀ ਯਾਤਰਾ ਦਾ ਇਤਿਹਾਸ ਹੈ। ਸੂਬੇ ਦੇ ਪ੍ਰੀਮੀਅਰ ਡੈਨਿਸ ਕਿੰਗ ਨੇ ਕਿਹਾ,’ਅਸੀਂ ਇਸ ਹਕੀਕਤ ਨੂੰ ਵੇਖ ਰਹੇ ਹਾਂ। ਇਹ ਖ਼ਬਰ ਅਚਾਨਕ ਨਹੀਂ ਹੈ। ਦਰਅਸਲ ਅਸੀਂ ਯੂਕੇ ਵਾਲੇ ਵਾਇਰਸ ਦੇ ਕਈ ਵੇਰਵਿਆਂ ਦਾ ਕੇਸ ਦਰਜ ਕਰਨ ਵਾਲਾ ਆਖਰੀ ਸੂਬਾ ਹਾਂ।’
While the news today of the UK #COVID19 variant has been detected on #PEI isn’t surprising, we must remain on our toes
Here are two important reminders for Islanders👇 pic.twitter.com/Unh7qw66hq
— Dennis King (@dennyking) February 13, 2021
ਉਨ੍ਹਾਂ ਨੋਟ ਕੀਤਾ ਕਿ ਯੂ.ਕੇ. ਵਾਇਰਸ ਵਾਲੇ ਸਰਗਰਮ ਕੇਸ ਸੂਬੇ ਵਿੱਚ ਸਿਰਫ ਦੋ ਹਨ, ਇਹ ਇਹਨਾਂ ਵਿੱਚੋਂ ਇੱਕ ਹੈ ।
ਪ੍ਰੀਮੀਅਰ ਕਿੰਗ ਨੇ ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥੇਰੇਸਾ ਟਾਮ ਦੁਆਰਾ ਦਿੱਤੀ ਕੋਰੋਨਾ ਨੂੰ ਹਲਕੇ ਵਿੱਚ ਨਾ ਲੈਣ ਦੀ ਸਲਾਹ ਦੀ ਜ਼ੋਰਦਾਰ ਹਮਾਇਤ ਕੀਤੀ। ਡਾ. ਥੇਰੇਸਾ ਟਾਮ ਕਈ ਹਫ਼ਤਿਆਂ ਤੋਂ ਸੂਬਿਆਂ ਨੂੰ ਜ਼ੋਰ ਦੇ ਰਹੇ ਹਨ ਕਿ ਉਹ ਸਖਤ ਜਨਤਕ ਸਿਹਤ ਦੀਆਂ ਪਾਬੰਦੀਆਂ ਨੂੰ ਆਪਣੀ ਜਗ੍ਹਾ ‘ਤੇ ਬਣਾਈ ਰੱਖਣ, ਭਾਵੇਂ ਕਿ ਕੋਵਿਡ -19 ਦਾ ਫੈਲਣ ਦੇਸ਼ ਭਰ ਵਿਚ ਹੁਣ ਹੌਲੀ ਹੋ ਗਿਆ ਹੈ ।
ਡਾ਼. ਟਾਮ ਨੇ ਆਪਣੇ ਸੰਦੇਸ਼ ਨੂੰ ਸ਼ਨੀਵਾਰ ਨੂੰ ਇੱਕ ਲਿਖਤੀ ਬਿਆਨ ਵਿੱਚ ਦੁਹਰਾਉਂਦੇ ਹੋਏ, ਚਿੰਤਾਵਾਂ ਦੇ ਰੂਪਾਂ ਦੀ ਮੌਜੂਦਗੀ ਦਾ ਹਵਾਲਾ ਦਿੰਦੇ ਹੋਏ ਕਿਹਾ, ਹੁਣ ਐਕਟਿਵ ਹੋ ਰਹੇ ਵਾਇਰਸ ਸਭ ਤੋਂ ਪਹਿਲਾਂ ਯੂਕੇ, ਬ੍ਰਾਜ਼ੀਲ ਅਤੇ ਦੱਖਣੀ ਅਫਰੀਕਾ ਵਿੱਚ ਪਾਏ ਗਏ ਸਨ।
3/3 YOU (hyper vigilant) + #PublicHealth are needed to #VanquishTheVariants #WashMaskSpace #AVOID3Cs & aim for the fewest interactions, with the fewest number of people, for the shortest time at the greatest distance in the best-fitting mask.https://t.co/w27G7rHASE
— Dr. Theresa Tam (@CPHO_Canada) February 13, 2021
ਟਾਮ ਨੇ ਕਿਹਾ, ‘ਸਾਨੂੰ ਆਪਣੇ ਜਨਤਕ ਸਿਹਤ ਦੇ ਉਪਾਵਾਂ ਅਤੇ ਵਿਅਕਤੀਗਤ ਅਭਿਆਸਾਂ ਵਿਚ ਸਖਤ ਚੌਕਸੀ ਬਣਾਈ ਰੱਖਣ ਦੀ ਲੋੜ ਹੈ। ਇਹ ਇਨ੍ਹਾਂ ਰੂਪਾਂ ਨੂੰ ਮਹਾਂਮਾਰੀ ਨੂੰ ਮੁੜ ਵਧਾਉਣ ਅਤੇ ਇਸ ਨੂੰ ਕਾਬੂ ਵਿਚ ਰੱਖਣਾ ਹੋਰ ਵੀ ਮੁਸ਼ਕਲ ਬਣਾਉਣ ਤੋਂ ਬਚਾਏਗਾ।’
ਟਾਮ ਦਾ ਸੰਦੇਸ਼ ਦੇਸ਼ ਵਿਚ ਕੋਵਿਡ-19 ਦੇ 3,046 ਮਾਮਲਿਆਂ ਦੇ ਨਾਲ-ਨਾਲ ਹੋਰ 66 ਮੌਤਾਂ ਦੇ ਵਿਚਕਾਰ ਆਇਆ ਹੈ। ਦੇਸ਼ ਦਾ ਕੁਲ ਕੇਸਾਂ ਦਾ ਭਾਰ ਹੁਣ 823,358 ਹੈ ਅਤੇ ਇਸ ਦੀ ਮੌਤ ਦੀ ਸੰਖਿਆ 21,228 ਹੈ।