channel punjabi
Canada News North America

BIG NEWS : PM ਟਰੂਡੋ ਨੇ ਯੂ.ਕੇ. ਲਈ ਕੈਨੇਡੀਅਨ ਹਾਈ ਕਮਿਸ਼ਨਰ ਦੇ ਨਾਂ ਦਾ ਕੀਤਾ ਐਲਾਨ, ਸਾਬਕਾ ਜਨਤਕ ਸੁੱਰਖਿਆ ਮੰਤਰੀ ਰਾਲਫ਼ ਗੁੱਡੇਲ ਨੂੰ ਦਿੱਤੀ ਜ਼ਿੰਮੇਵਾਰੀ

ਓਟਾਵਾ : ਪ੍ਰਧਾਨਮੰਤਰੀ ਜਸਟਿਨ ਟਰੂਡੋ ਨੇ ਯੂ.ਕੇ. ਲਈ ਕੈਨੇਡੀਅਨ ਹਾਈ ਕਮਿਸ਼ਨਰ ਦੇ ਨਾਂ ਦਾ ਐਲਾਨ ਕਰ ਦਿੱਤਾ ਹੈ। ਸਾਬਕਾ ਜਨਤਕ ਸੁੱਰਖਿਆ ਮੰਤਰੀ ਰਾਲਫ਼ ਗੁੱਡੇਲ ਯੂਨਾਈਟਿਡ ਕਿੰਗਡਮ ਵਿੱਚ ਕੈਨੇਡਾ ਦੇ ਨਵੇਂ ਹਾਈ ਕਮਿਸ਼ਨਰ ਦਾ ਅਹੁਦਾ ਸੰਭਾਲਣਗੇ । ਅਜਿਹਾ ਉਸ ਸਮੇਂ ਹੋਣ ਜਾ ਰਿਹਾ ਹੈ ਜਦੋਂ ਬ੍ਰੇਕਸਿਟ ਤਣਾਅ ਉੱਤਰੀ ਆਇਰਲੈਂਡ ਵਿੱਚ ਪੁਰਾਣੀਆਂ ਸ਼ਿਕਾਇਤਾਂ ਨੂੰ ਵਧਾ ਰਿਹਾ ਹੈ ।

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਬੁੱਧਵਾਰ ਨੂੰ ਇਸ ਫੈਸਲੇ ਦੀ ਘੋਸ਼ਣਾ ਕਰਦਿਆਂ ਕਿਹਾ ਕਿ ਨਵੀਂ ਭੂਮਿਕਾ ਵਿੱਚ ਗੁੱਡੇਲ ਉਹਨਾਂ ਨੂੰ “ਰਣਨੀਤਕ ਸਲਾਹ” ਦਿੰਦੇ ਹੋਏ ਦਿਖਾਈ ਦੇਣਗੇ । ਇਸ ਸਮੇਂ ਕੈਨੇਡਾ ਅਤੇ ਬ੍ਰਿਟੇਨ ਦੋਹਾਂ ਨੂੰ ਕੋਵਿਡ-19 ਮਹਾਂਮਾਰੀ ਅਤੇ ਬ੍ਰੈਕਸਿਟ ਦੇ ਫੈਸਲੇ ਤੋਂ ਬਾਅਦ ਦੇ ਮਸਲਿਆਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਟਰੂਡੋ ਨੇ ਕਿਹਾ ਕਿ ਸਾਡੇ ਲੋਕਾਂ ਲਈ ਨੌਕਰੀਆਂ ਤੇ ਮੌਕਾ ਅਤੇ ਸਾਰਿਆਂ ਲਈ ਬਿਹਤਰ ਦੁਨੀਆ ਦੀ ਸਿਰਜਣਾ ਅਹਿਮ ਹੈ ।
“ਉਸਦਾ ਦਹਾਕਿਆਂ ਦਾ ਤਜ਼ੁਰਬਾ ਸਾਡੇ ਦੋਵਾਂ ਦੇਸ਼ਾਂ ਦਰਮਿਆਨ ਸਬੰਧਾਂ ਨੂੰ ਹੋਰ ਪੱਕਾ ਕਰੇਗਾ ਕਿਉਂਕਿ ਅਸੀਂ ਅੱਜ ਅਤੇ ਕੱਲ ਦੀਆਂ ਵੱਡੀਆਂ ਚੁਣੌਤੀਆਂ ਨਾਲ ਨਜਿੱਠਣ ਲਈ ਮਿਲ ਕੇ ਕੰਮ ਕਰਨਾ ਜਾਰੀ ਰੱਖਦੇ ਹਾਂ, ਜਿਸ ਵਿੱਚ ਵਿਸ਼ਵਵਿਆਪੀ COVID-19 ਮਹਾਂਮਾਰੀ ਨੂੰ ਹਰਾਉਣਾ, ਮੌਸਮ ਵਿੱਚ ਤਬਦੀਲੀ ਨਾਲ ਲੜਨਾ, ਬਰੈਕਸਿਟ ਤੋਂ ਬਾਅਦ ਦੇ ਵਪਾਰ ਨੂੰ ਅੱਗੇ ਵਧਾਉਣਾ, ਪੈਦਾ ਕਰਨਾ ਸ਼ਾਮਲ ਹੈ।

ਨਵੀਂ ਜ਼ਿੰਮੇਵਾਰੀ ਸੰਭਾਲਣ ਦਾ ਰਹੇ ਰਾਲਫ ਗੁੱਡੇਲ ਨੇ ਕਿਹਾ ਕਿ ਉਹ ਨਵੀਂ ਭੂਮਿਕਾ ਨੂੰ ਵਿਸ਼ੇਸ਼ ਅਧਿਕਾਰ ਸਮਝਦੇ ਹਨ ਅਤੇ ਅੱਗੇ ਕਿਹਾ ਕਿ ਉਹ ਇਸ ਅਹੁਦੇ ‘ਤੇ ਰਹਿਣ ਵਾਲਾ ਸਸਕੈਚਵਨ ਤੋਂ ਪਹਿਲਾ ਕੈਨੇਡੀਅਨ ਹੋਵੇਗਾ।

ਗੁੱਡੇਲ ਇਕ ਸਾਬਕਾ ਲਿਬਰਲ ਸੰਸਦ ਮੈਂਬਰ ਹਨ ਜਿਸ ਨੇ 1993 ਤੋਂ ਰੇਜੀਨਾ-ਵਾਸਕਾਣਾ ਦੀ ਰਾਈਡਿੰਗ ਦੀ ਪ੍ਰਤੀਨਿਧਤਾ ਕੀਤੀ ।

ਜ਼ਿਕਰਯੋਗ ਹੈ ਕਿ ਗੁੱਡੇਲ ਸਾਲ 2019 ਵਿਚ ਸੰਘੀ ਚੋਣ ਵਿਚ ਹਾਰ ਗਿਆ ਸੀ ਅਤੇ ਮਾਰਚ 2020 ਵਿਚ ਉਹਨਾਂ ਨੂੰ ਟਰੂਡੋ ਦੁਆਰਾ ਸਰਕਾਰ ਦਾ ਇਕ ਵਿਸ਼ੇਸ਼ ਸਲਾਹਕਾਰ ਦੇ ਰੂਪ ਵਿਚ ਨਾਮਜ਼ਦ ਕੀਤਾ ਗਿਆ ਸੀ । ਹਾਲਾਂਕਿ ਅਹੁਦਾ ਗੁਆਉਣ ਤੋਂ ਪਹਿਲਾਂ, ਉਸਨੇ ਜਨਤਕ ਸੁਰੱਖਿਆ ਮੰਤਰੀ ਵਜੋਂ ਚਾਰ ਸਾਲ ਸੇਵਾ ਕੀਤੀ।

Related News

ਮੁੱਖ ਜੱਜ ਨੇ ਮਹਾਂਮਾਰੀ ਨੂੰ ਫੈਲਣ ਤੋਂ ਰੋਕਣ ਲਈ ਲਿਆ ਅਹਿਮ ਫੈਸਲਾ, ਕੋਰੋਨਾ ਸੰਕਟ ਵਿਚਾਲੇ ਅਦਾਲਤ ਦਾ ਵੱਡਾ ਐਲਾਨ

Vivek Sharma

ਟੋਰਾਂਟੋ ‘ਚ ਸੋਮਵਾਰ ਨੂੰ ਦੋ ਜ਼ਿਮਨੀ ਚੋਣਾਂ ਲਈ ਹੋਵੇਗੀ ਵੋਟਿੰਗ

Rajneet Kaur

ਕੈਨੇਡਾ ਦੇ ਸੂਬਿਆਂ ਨੇ ਠੰਡ ਦੇ ਮੌਸਮ ਲਈ ਜ਼ਰੂਰਤਮੰਦਾਂ ਵਾਸਤੇ ਤਿਆਰੀਆਂ ਕੀਤੀਆਂ ਸ਼ੁਰੂ, ਮਦਦ ਲਈ ਸਮਾਜਿਕ ਸੰਸਥਾਵਾਂ ਵੀ ਆਈਆਂ ਅੱਗੇ

Vivek Sharma

Leave a Comment