ਵੈਨਕੂਵਰ : ਕੈਨੇਡਾ ਦੇ ਕੋਰੋਨਾ ਪ੍ਰਭਾਵਿਤ ਸੂਬਿਆਂ ਵਿੱਚ ਸਖ਼ਤ ਪਾਬੰਦੀਆਂ ਲਗਾਈਆਂ ਜਾ ਰਹੀਆਂ ਹਨ ਪਰ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਦੇ ਵੈਨਕੂਵਰ ਵਿੱਚ ਲੋਕਾਂ ਨੂੰ ਸ਼ਾਇਦ ਮਹਾਂਮਾਰੀ ਦੀ ਕੋਈ ਪ੍ਰਵਾਹ ਹੀ ਨਹੀਂ । ਦਰਅਸਲ ਅਜਿਹਾ ਇੱਥੋਂ ਦੇ ‘ਕਿਟਸਿਲਾਨੋ ਬੀਚ’ ਨੂੰ ਦੇਖ ਕੇ ਤੁਸੀਂ ਵੀ ਸ਼ਾਇਦ ਇਹ ਹੀ ਮਹਿਸੂਸ ਕਰੋਗੇ। ਬੀਤੇ ਰੋਜ਼ ‘ਕਿੱਟਸ ਬੀਚ’ ‘ਤੇ ਲੋਕਾਂ ਦੇ ਜਮਾਵੜੇ ਨੂੰ ਵੇਖ ਕੇ ਕੋਈ ਕਹਿ ਹੀ ਨਹੀਂ ਸਕਦਾ ਕਿ ਇੱਥੇ ਜਾਨਲੇਵਾ ਮਹਾਂਮਾਰੀ ਦਾ ਖਤਰਾ ਮੰਡਰਾ ਰਿਹਾ ਹੈ।
ਮੌਸਮ ਦੀ ਗਰਮੀ ਤੋਂ ਨਿਜਾਤ ਪਾਉਣ ਲਈ ਇਸ ਬੀਚ ‘ਤੇ ਲੋਕਾਂ ਦੀ ਨਾ ਸਿਰਫ਼ ਵੱਡੀ ਭੀੜ ਦਿਖਾਈ ਦਿੱਤੀ ਸਗੋਂ ਇੱਥੇ ਬੀਚ ਡਾਂਸ ਪਾਰਟੀ ਦਾ ਵੀ ਇੰਤਜ਼ਾਮ ਕੀਤਾ ਗਿਆ।
ਕਈ ਪ੍ਰਤੱਖਦਰਸ਼ੀਆਂ ਨੇ ਕਿੱਟਸ ਬੀਚ ‘ਤੇ ਸ਼ੁੱਕਰਵਾਰ ਰਾਤ ਨੂੰ ਵੱਡੀ ਬੀਚ ਡਾਂਸ ਪਾਰਟੀ ਦੇ ਨਜ਼ਾਰੇ ਵੇਖੇ । ਇਹਨਾਂ ਲੋਕਾਂ ਨੇ ਬੀਚ ਤੇ ਹੋਏ ਵੱਡੇ ਇਕੱਠ ਦੀਆਂ ਤਸਵੀਰਾਂ ਖਿੱਚੀਆਂ ਤਾਂ ਦੂਜੇ ਪਾਸੇ ਬੀਚ ਪਾਰਟੀ ਵਿਚ ਸ਼ਾਮਲ ਹੋਏ ਨੌਜਵਾਨਾਂ ਨੇ instagram ‘ਤੇ videos ਅਤੇ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ। ਇਸ ਮਾਮਲੇ ਨੇ ਬੀ.ਸੀ. ਦੀਆਂ COVID-19 ਪਾਬੰਦੀਆਂ ਬਾਰੇ ਨਵੀਂ ਬਹਿਸ ਨੂੰ ਫਿਰ ਤੋਂ ਛੇੜ ਦਿੱਤਾ ਹੈ ।
ਇਲਾਕੇ ਦੀ ਵਸਨੀਕ ਅਤੇ ਪ੍ਰਤੱਖਦਰਸ਼ੀ ਬੈਰਲ ਪਾਇ ਨੇ ਕਿਹਾ ਕਿ ਉਹ ਸ਼ੁੱਕਰਵਾਰ ਰਾਤ 8 ਵਜੇ ਤੋਂ ਪਹਿਲਾਂ ਆਪਣੇ ਦੋਸਤ ਨਾਲ ਸਾਈਕਲ ਤੇ ਸਵਾਰ ਹੋ ਕੇ ਬੀਚ ਤੇ ਪੁੱਜੀ ਸੀ ਪਰ ਸਮੁੰਦਰ ਕੰਢੇ ‘ਤੇ ਇਕੱਠੇ ਹੋਏ ਵੱਡੀ ਗਿਣਤੀ ਲੋਕਾਂ ਨੂੰ ਵੇਖ ਕੇ ਉਹ ਸੰਨ ਰਹਿ ਗਈ ।
ਦਰਅਸਲ ਪਬਲਿਕ ਹੈਲਥ ਆਰਡਰ ਦੇ ਤਹਿਤ 10 ਤੋਂ ਵੱਧ ਲੋਕਾਂ ਨੂੰ ਬਾਹਰ ਇਕੱਠੇ ਹੋਣ ਦੀ ਆਗਿਆ ਨਹੀਂ ਹੈ ਅਤੇ ਉਨ੍ਹਾਂ ਨੂੰ ਦੋ ਮੀਟਰ ਦੀ ਦੂਰੀ ‘ਤੇ ਰੱਖਿਆ ਜਾਣਾ ਚਾਹੀਦਾ ਹੈ ਜਦ ਤੱਕ ਕਿ ਉਹ ਇੱਕੋ ਪਰਿਵਾਰ ਦੇ ਨਾ ਹੋਣ । ਪਰ ਬੀਚ ‘ਤੇ ਅਜਿਹਾ ਕੁਝ ਵੀ ਨਹੀਂ ਸੀ ।
ਇਸ ਡਾਂਸ ਪਾਰਟੀ ਅਤੇ ਲੋਕਾਂ ਦੇ ਹਜ਼ੂਮ ਦੀਆਂ ਤਸਵੀਰਾਂ ਲੋਕਾਂ ਵੱਲੋਂ ਸੋਸ਼ਲ ਮੀਡੀਆ ‘ਤੇ ਸਾਂਝੀਆਂ ਕਰਦੇ ਹੋਏ ਬੀ.ਸੀ. ਸਰਕਾਰ ਅਤੇ ਵੈਨਕੂਵਰ ਪ੍ਰਸ਼ਾਸਨ ਤੇ ਸਵਾਲ ਖੜੇ ਕੀਤੇ ਜਾ ਰਹੇ ਹਨ।
This isn't going to end well @adriandix, @jjhorgan and @DrBonnieHenry … Thanks for letting COVID grow out of control, that will definitely ensure spring will be the worst season! Congrats! pic.twitter.com/4eunzEDRDI
— frossard (@frossard) April 17, 2021
ਇਕ ਹੋਰ ਪ੍ਰਤੱਖਦਰਸ਼ੀ ਨੇ ਬੀਚ ਦੀਆਂ ਤਸਵੀਰਾਂ ਸਾਂਝੇ ਕਰਦੇ ਹੋਏ ਦੱਸਿਆ ਕਿ ਏਥੇ ਲੋਕਾਂ ਨੇ ਨਾ ਤਾਂ ਚਿਹਰਿਆਂ ਤੇ ਮਾਸਕ ਪਹਿਨੇ ਹੋਏ ਸਨ ਅਤੇ ਨਾ ਹੀ ਸੋਸ਼ਲ ਡਿਸਟੈਂਸਿੰਗ ਦਾ ਧਿਆਨ ਰੱਖਿਆ ਗਿਆ।
@jjhorgan @adriandix @DrBonnieHenry @DailyHiveVan
tonight at kits beach: hardly any masks. heaps of large groups, very obviously not from the same households, zero social distancing. cool cool. pic.twitter.com/CWUuWNKHjL— vera 🐍 (@karmaclapsback) April 17, 2021
ਇੱਕ ਹੋਰ ਵਿਅਕਤੀ ਵਾਲਟਰ ਨੇ ਬੀਚ ‘ਤੇ ਹੋਏ ਇਕੱਠ ਅਤੇ ਡਾਂਸ ਲਈ ਚੱਲ ਰਹੇ ਸੰਗੀਤ ਦੀ ਵੀਡੀਓ ਸ਼ੇਅਰ ਕੀਤੀ।
Dance party at Kits Beach yesterday sigh… @LizaYuzda @CBCtanya @keithbaldrey pic.twitter.com/uCF41fmFU2
— Walter Wells (@WalterWellsRltr) April 17, 2021
ਉਧਰ ਇਸ ਸਬੰਧ ਵਿੱਚ ਸਥਾਨਕ ਪ੍ਰਸ਼ਾਸਨ ਨੇ ਚੁੱਪ ਵੱਟੀ ਹੋਈ ਹੈ । ਇਸ ਮਾਮਲੇ ਤੋਂ ਬਾਅਦ ਬ੍ਰਿਟਿਸ਼ ਕੋਲੰਬੀਆ ਦੇ ਪ੍ਰੀਮੀਅਰ ਜੋਹਨ ਹਾਰਗਨ ਦੀ ਸਖ਼ਤ ਨੁਕਤਾਚੀਨੀ ਕੀਤੀ ਜਾ ਰਹੀ ਹੈ । ਲੋਕ ਸਵਾਲ ਕਰ ਰਹੇ ਹਨ ਕਿ ਕਿਵੇਂ ਵੈਨਕੂਵਰ ਦੇ ਕਿੱਟਸ ਬੀਚ ‘ਤੇ ਪਾਬੰਦੀਆਂ ਦੀਆਂ ਸ਼ਰੇਆਮ ਧੱਜੀਆਂ ਉਡਾਈਆਂ ਜਾ ਰਹੀਆਂ ਹਨ । ਕੀ ਇੱਥੇ ਕੋਰੋਨਾ ਮਹਾਂਮਾਰੀ ਦੇ ਫੈਲਣ ਦਾ ਕੋਈ ਖ਼ਤਰਾ ਨਹੀਂ ।