ਓਟਾਵਾ : ਹੈਲਥ ਕੈਨੇਡਾ ਨੇ ਓਟਾਵਾ-ਅਧਾਰਤ ‘ਸਪਾਰਟਨ ਬਾਇਓਸਾਇੰਸ’ ਦੁਆਰਾ ਵਿਕਸਤ ਕੀਤੇ ‘ਸਾਈਟ ਪੀਸੀਆਰ ਕੋਰੋਨਵਾਇਰਸ ਟੈਸਟ’ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਸਿਹਤ ਵਿਭਾਗ ਦੇ ਬਿਆਨ ਵਿੱਚ, ਉਨ੍ਹਾਂ ਨੇ ਸਪਸ਼ਟ ਕੀਤਾ ਹੈ ਕਿ ਸਪਾਰਟਨ ਕੋਵਿਡ-19 ਪੀ.ਸੀ.ਆਰ. ਟੈਸਟ ਕਿੱਟ ਸਿਹਤ-ਦੇਖਭਾਲ ਪੇਸ਼ੇਵਰ ਦੁਆਰਾ ਚਲਾਉਣ ਲਈ “ਪੁਆਇੰਟ-ਆਫ਼-ਕੇਅਰ ਟੈਸਟ” ਹੈ । ਹੈਲਥ ਕੈਨੇਡਾ ਨੇ ਅੱਗੇ ਕਿਹਾ ਕਿ ਅਧਿਕਾਰ ਇੱਕ “ਨਵੇਂ ਡਿਵਾਈਸ ਡਿਜ਼ਾਈਨ” ਲਈ ਹਨ।
ਸ਼ਨੀਵਾਰ ਨੂੰ ਜਾਰੀ ਕੀਤੇ ਇੱਕ ਪ੍ਰੈਸ ਬਿਆਨ ਵਿੱਚ, ਸਪਾਰਟਨ ਬਾਇਓਸਾਇੰਸ ਨੇ ਕਿਹਾ ਕਿ, ‘ਇਹ ਟੈਸਟ ਕੈਨੇਡੀਅਨ ਮਾਰਕੀਟ ਲਈ ਕੋਵਿਡ-19 ਵਾਸਤੇ ਪਹਿਲਾ “ਅਸਲ ਮੋਬਾਈਲ, ਤੇਜ਼ ਪੀਸੀਆਰ ਟੈਸਟ ਹੈ।”
ਇੱਕ ਪੀਸੀਆਰ ਟੈਸਟ ਨਾਵਲ ਕੋਰੋਨਾਵਾਇਰਸ ਬਾਰੇ ਮਿੰਟਾਂ ‘ਚ ਪਤਾ ਲਗਾਉਣ ਲਈ ਤਿਆਰ ਕੀਤਾ ਗਿਆ ਹੈ ਜਿਸ ਨਾਲ ਕੋਵਿਡ-19 ਦਾ ਟੈਸਟ ਲੈਣ ਤੋਂ ਕੁਝ ਮਿੰਟਾਂ ਬਾਅਦ ਹੀ ਨਤੀਜਾ ਪ੍ਰਾਪਤ ਕੀਤਾ ਜਾ ਸਕਦਾ ਹੈ । ਇਹ ਟੈਸਟ ਆਮ ਤੌਰ ‘ਤੇ ਨੱਕ ਦੇ ਉੱਪਰ ਜਾਂ ਮੂੰਹ ਵਿੱਚ ਤੌਹਣੀ ਦੁਆਰਾ ਕੀਤਾ ਜਾਂਦਾ ਹੈ।
ਕੰਪਨੀ ਵਲੋਂ ਜਾਰੀ ਕੀਤੇ ਆਪਣੇ ਬਿਆਨ ਵਿੱਚ ਲਿਖਿਆ ਗਿਆ ਹੈ, “ਸਪਾਰਟਨ ਕੋਵਿਡ-19 ਸਿਸਟਮ ਲੈਬ-ਅਧਾਰਤ ਕੋਵਿਡ ਟੈਸਟਿੰਗ ਹੱਲਾਂ ਦੀ ਟੈਕਨਾਲੋਜੀ ਦੀ ਵਰਤੋਂ ਕਰਦੇ ਹੋਏ, ਇੱਕ ਆਸਾਨ ਤੇਜ਼ ਟੈਸਟ ਦੀ ਗਤੀ ਅਤੇ ਵਰਤੋਂ ਦੀ ਆਸਾਨੀ ਦੀ ਪੇਸ਼ਕਸ਼ ਕਰਦਾ ਹੈ।
ਕੰਪਨੀ ਨੇ ਉਮੀਦ ਜਤਾਈ ਹੈ ਕਿ ਇਹ ਟੈਸਟ ਦੂਰ-ਦੁਰਾਡੇ ਭਾਈਚਾਰਿਆਂ, ਉਦਯੋਗਾਂ ਅਤੇ ਸੈਟਿੰਗਜ਼ ਨੂੰ ਪ੍ਰਯੋਗਸ਼ਾਲਾਵਾਂ ਤੱਕ ਸੀਮਤ ਪਹੁੰਚ ਨਾਲ “ਕੁਆਲਟੀ ਨਤੀਜੇ” ਪ੍ਰਦਾਨ ਕਰ ਸਕੇਗਾ, ਜਿਸ ਨਾਲ “ਸਿਹਤ ਸਹੂਲਤਾਂ ‘ਤੇ ਭਾਰੀ ਬੋਝ ਦੂਰ ਕਰਨ ਵਿਚ ਸਹਾਇਤਾ ਮਿਲੇਗੀ।”