ਲਾਪਤਾ ਹੋਈਆਂ 2 ਨਾਬਾਲਿਗ ਕੁੜੀਆਂ ਦਾ ਮਾਮਲਾ
ਦੋਹਾਂ ਕੁੜੀਆਂ ਨੂੰ ਬਰਬਰੀ ਪੁਲਿਸ ਨੇ ਸੁਰੱਖਿਅਤ ਭਾਲ ਲਿਆ
ਪੁਲਿਸ ਨੇ ਟਵਿੱਟਰ ਅਕਾਊਂਟ ਰਾਹੀਂ ਜਾਣਕਾਰੀ ਕੀਤੀ ਸਾਂਝੀ
ਵੈਨਕੁਵਰ : ਕੈਨੇਡਾ ਦੇ ਸ਼ਹਿਰ ਬਰਨਬੀ ਵਿਚ 14 ਸਾਲਦੀਆਂ ਲਾਪਤਾ ਹੋਈਆਂ ਦੋ ਸਹੇਲੀਆਂ ਨੂੰ ਪੁਲਿਸ ਨੇ ਭਾਲ ਲਿਆ ਹੈ। ਇਹ ਦੋਵੇਂ ਕੁੜੀਆਂ ਪੂਰੀ ਤਰ੍ਹਾਂ ਸੁਰੱਖਿਅਤ ਅਤੇ ਠੀਕ-ਠਾਕ ਹਨ । ਇਸ ਸੰਬੰਧ ਵਿੱਚ ਬਰਨਬੀ ਪੁਲਿਸ ਨੇ ਟਵਿਟਰ ਰਾਹੀਂ ਜਾਣਕਾਰੀ ਸਾਂਝੀ ਕੀਤੀ ਹੈ ।
Thank you for helping us spread the word @GlobalBC @CTVVancouver @NEWS1130 @cbcnewsbc @DanBurritt
The two missing 14-year-old girls have been located.
— Burnaby RCMP (@BurnabyRCMP) September 3, 2020
ਬਰਨਬੀ ਆਰਸੀਐਮਪੀ ਨੇ ਬੁੱਧਵਾਰ ਰਾਤ ਟਵਿੱਟਰ ‘ਤੇ ਕਿਹਾ, “ਸਾਨੂੰ ਇਹ ਜਾਣਕਾਰੀ ਸਾਂਝੀ ਕਰਦੇ ਹੋਏ ਖੁਸ਼ੀ ਹੋ ਰਹੀ ਹੈ ਕਿ ਦੋ 14 ਸਾਲਾ ਲੜਕੀਆਂ ਜੋ ਅੱਜ ਲਾਪਤਾ ਹੋ ਗਈਆਂ ਸਨ ਉਹਨਾਂ ਨੂੰ ਭਾਲ ਲਿਆ ਗਿਆ ਹੈ ।” ਇਸਦੇ ਨਾਲ ਹੀ ਉਨਾਂ ਲਿਖਿਆ “ਤੁਹਾਡੇ ਸਾਰਿਆਂ ਦਾ ਧੰਨਵਾਦ ਜਿਹਨਾਂ ਨੇ ਇਸ ਸਬੰਧੀ ਜਾਣਕਾਰੀ ਸਾਡੀ ਸਹਾਇਤਾ ਲਈ ਮੀਡੀਆ ਅਤੇ ਜਨਤਾ ਨਾਲ ਸਾਂਝਾ ਕੀਤੀ।”
We are pleased to advise that the two 14-year-old girls who were the subject of a missing persons appeal earlier today have been located and are safe and sound.
Thank you to everyone who shared information, the media and the public for your assistance.https://t.co/cJoFSJQVGY
— Burnaby RCMP (@BurnabyRCMP) September 3, 2020
ਇਥੇ ਦੱਸਣਯੋਗ ਹੈ ਕਿ ਮੰਗਲਵਾਰ ਰਾਤ ਤੋਂ ਹੀ ਪੁਲਿਸ ਨੂੰ ਭਾਜੜਾਂ ਪਾਈਆਂ ਹੋਈਆਂ ਸਨ । ਦਰਅਸਲ ਮੈਟਰੋਟਾਉਨ ਮਾਲ ਤੋਂ ਮੰਗਲਵਾਰ ਰਾਤ ਨੂੰ 2 ਲੜਕੀਆਂ ਦੇ ਅਚਾਨਕ ਲਾਪਤਾ ਹੋਣ ਤੋਂ ਬਾਅਦ ਹੜਕੰਪ ਮਚ ਗਿਆ । ਦੋਵੇਂ ਕੁੜੀਆਂ ਏਸ਼ਿਆਈ ਮੂਲ ਦੀਆਂ ਹਨ । ਕੇਸਾਬ ਅਤੇ ਫਾਹਿਮੀ ਨਾਮਕ ਦੋਵੇਂ ਕੁੜੀਆਂ ਦੇ ਅਚਾਨਕ ਲਾਪਤਾ ਹੋਣ ਦੀ ਸੂਚਨਾ ਮਿਲਣ ਤੋਂ ਬਾਅਦ ਪੁਲਿਸ ਨੇ ਤੁਰੰਤ ਹਰਕਤ ਵਿਚ ਆਉਂਦੇ ਹੋਏ, ਇਹਨਾਂ ਕੁੜੀਆਂ ਦੀ ਭਾਲ ਕੀਤੀ, ਉਨ੍ਹਾਂ ਦੇ ਪਰਿਵਾਰਕ ਮੈਂਬਰ ਨਾਲ ਲਗਾਤਾਰ ਸੰਪਰਕ ਵਿੱਚ ਰਹੇ ।
ਪੁਲਿਸ ਦਾ ਕਹਿਣਾ ਹੈ ਕਿ ਕੁੜੀਆਂ ਦੇ ਲਾਪਤਾ ਹੋਣ ਬਾਰੇ ਪਰਿਵਾਰ ਵਾਲਿਆਂ ਨੇ ਦੱਸਿਆ ਸੀ ਕਿ ਲੰਬੇ ਸਮੇਂ ਤੋਂ ਸੰਪਰਕ ਤੋਂ ਬਾਹਰ ਰਹਿਣਾ, ਉਨ੍ਹਾਂ ਕੁੜੀਆਂ ਦੇ ਚਰਿੱਤਰ ਦਾ ਹਿੱਸਾ ਨਹੀਂ ਕਿਉਂਕਿ ਪਹਿਲਾਂ ਕਦੇ ਅਜਿਹਾ ਨਹੀਂ ਹੋਇਆ।
ਫ਼ਿਲਹਾਲ ਬੁੱਧਵਾਰ ਨੂੰ ਪੁਲਿਸ ਨੇ ਇਨ੍ਹਾਂ ਦੋਹਾਂ ਦੀ ਭਾਲ ਕਰ ਲਈ ਅਤੇ ਇਸ ਦੀ ਸੂਚਨਾ ਸਾਂਝੀ ਕਰਦਿਆਂ ਦੱਸਿਆ ਕਿ ਦੋਵੇਂ ਸੁਰੱਖਿਅਤ ਹਨ ।