channel punjabi
Canada International News North America

BIG NEWS : ਕੋਲੰਬੀਆ ਆਈਸਲੈਂਡ ਖੇਤਰ ‘ਚ ਵੱਡਾ ਹਾਦਸਾ

ਹਾਦਸਾ !

ਕੋਲੰਬੀਆ ਆਈਸਲੈਂਡ ਖੇਤਰ ‘ਚ ਵਾਪਰਿਆ ਹਾਦਸਾ

17 ਲੋਕਾਂ ਦੇ ਜ਼ਖਮੀ ਹੋਣ ਦਾ ਖਦਸ਼ਾ

ਬਚਾਅ ਅਤੇ ਰਾਹਤ ਕਾਰਜ ਜਾਰੀ

ਐਲਬਰਟਾ: ਵੱਡੀ ਖਬਰ ਕੋਲੰਬੀਆ ਆਈਸਲੈਂਡ ਖੇਤਰ ਤੋਂ ਸਾਹਮਣੇ ਆ ਰਹੀ ਹੈ, ਜਿੱਥੇ ਇੱਕ ਵਾਹਨ ਪਲਟਣ ਕਾਰਨ ਰਾਹਤ ਅਤੇ ਬਚਾਅ ਕਾਰਜ ਜਾਰੀ ਕੀਤੇ ਗਏ ਹਨ। ਆਰਸੀਐਮਪੀ ਵੱਲੋਂ ਉਪਲਬਧ ਕਰਵਾਈ ਗਈ ਜਾਣਕਾਰੀ ਅਨੁਸਾਰ ਸ਼ਨੀਵਾਰ ਨੂੰ ਇੱਕ ਕੋਚ ਵਾਹਨ ਜੈਸਪਰ ਨੈਸ਼ਨਲ ਪਾਰਕ, ਕੋਲੰਬੀਆ ਆਈਸਫੀਲਡ ਡਿਸਕਵਰੀ ਸੈਂਟਰ ਨੇੜੇ ਹਾਈਵੇਅ-93 ‘ਤੇ ਅਚਾਨਕ ਪਲਟ ਗਿਆ।

ਤਸਵੀਰ : ਹਾਦਸੇ ਦਾ ਸ਼ਿਕਾਰ ਹੋਇਆ ਵਾਹਨ

ਹਾਦਸੇ ਦੇ ਸਮੇਂ ਇਸ ਵਿੱਚ 17 ਵਿਅਕਤੀ ਸਵਾਰ ਸਨ ਅਤੇ ਪੁਲਿਸ ਦੇ ਅਨੁਸਾਰ ਕਈਆਂ ਦੇ ਜ਼ਖਮੀ ਹੋਣ ਦੀ ਖਬਰ ਹੈ। ਸੱਟਾਂ ਕਿਸ ਹੱਦ ਤਕ ਗੰਭੀਰ ਹਨ, ਇਸਦੇ ਵੇਰਵੇ ਅਜੇ ਜਾਰੀ ਨਹੀਂ ਕੀਤੇ ਗਏ।

ਉਧਰ ਘਟਨਾ ਤੋਂ ਬਾਅਦ ਏਅਰ ਐਂਬੂਲੈਂਸ ਅਤੇ ਸੜਕੀ ਐਂਬੂਲੈਂਸ ਰਾਹੀਂ ਜ਼ਖ਼ਮੀਆਂ ਨੂੰ ਨੇੜੇ ਦੇ ਹਸਪਤਾਲਾਂ ਵਿਚ ਪਹੁੰਚਾਇਆ ਗਿਆ ਹੈ। ਏਅਰ ਐਂਬੂਲੈਂਸ ਦੇ ਹੈਲੀਕਾਪਟਰ ਘਟਨਾ ਵਾਲੀ ਥਾਂ ‘ਤੇ ਚੱਕਰ ਲਗਾਉਂਦੇ ਵੇਖੇ ਗਏ ਹਨ।

ਤਸਵੀਰਾਂ : ਹਾਦਸੇ ਤੋਂ ਬਾਅਦ ਮੌਕੇ ਤੇ ਪਹੁੰਚੀ ਏਅਰ ਐਂਬੂਲੈਂਸ ਅਤੇ ਸੜਕੀ ਐਂਬੂਲੈਂਸ

ਆਰਸੀਐਮਪੀ ਨੇ ਕਿਹਾ ਕਿ ਕਈ ਅੱਗ ਬੁਝਾਉਣ ਵਾਲੇ ਅਤੇ ਈਐਮਐਸ ਚਾਲਕਾਂ ਦੇ ਨਾਲ ਨਾਲ ਇਕ ਹੈਲੀਕਾਪਟਰ ਨੂੰ ਵੀ ਘਟਨਾ ਸਥਾਨ ‘ਤੇ ਬੁਲਾਇਆ ਗਿਆ ਹੈ। ਸਟਾਰਸ ਏਅਰ ਐਂਬੂਲੈਂਸ ਨੇ ਕਿਹਾ ਕਿ ਕੈਲਗਰੀ, ਐਡਮਿੰਟਨ ਅਤੇ ਗ੍ਰੈਂਡ ਪ੍ਰੈਰੀ ਦੇ ਇਸਦੇ ਤਿੰਨੋਂ ਬੇਸ ਇਸ ਘਟਨਾ ਤੋਂ ਬਾਅਦ ਤੁਰੰਤ ਹਰਕਤ ਵਿਚ ਆ ਚੁੱਕੇ ਹਨ।

ਲੋਕਾਂ ਨੂੰ ਘਟਨਾ ਵਾਲੀ ਥਾਂ ‘ਤੇ ਐਮਰਜੈਂਸੀ ਸੇਵਾਵਾਂ ਦੀ ਪਹੁੰਚ ਦੇਣ ਲਈ ਖੇਤਰ ਤੋਂ ਦੂਰ ਰਹਿਣ ਲਈ ਕਿਹਾ ਗਿਆ ਹੈ।

ਆਰਸੀਐਮਪੀ ਨੇ ਕਿਹਾ ਕਿ ਜਾਂਚ ਫਿਲਹਾਲ ਮੁੱਢਲੇ ਪੜਾਅ ਵਿਚ ਹੈ ਅਤੇ ਅਪਡੇਟਸ ਉਪਲਬਧ ਹੋਣ ‘ਤੇ ਹੋਰ ਜਾਣਕਾਰੀ ਮੁਹੱਈਆ ਕਰਵਾਈ ਜਾਵੇਗੀ ।

Related News

ਟਰੂਡੋ ਨੇ ਕਿਸਾਨਾਂ ਲਈ ਜਤਾਈ ਚਿੰਤਾ, ਜਿਸ ਤੋਂ ਬਾਅਦ ਰਾਜਨਾਥ ਸਿੰਘ ਦੀ ਪ੍ਰਕਿਰਿਆ ਆਈ ਸਾਹਮਣੇ

Rajneet Kaur

ਐਡਮਿੰਟਨ ‘ਚ ਸਿੱਖ ਨੌਜਵਾਨ ‘ਤੇ ਕੀਤੀ ਨਸਲੀ ਟਿੱਪਣੀ, ਸਿੱਖ ਭਾਈਚਾਰੇ ਵਿੱਚ ਰੋਸ ਦੀ ਲਹਿਰ

Vivek Sharma

ਕੌਂਸਲਰ ਗੁਰਪ੍ਰੀਤ ਢਿੱਲੋਂ ‘ਤੇ ਅਸਤੀਫਾ ਦੇਣ ਦੀ ਲਟਕੀ ਤਲਵਾਰ !

Vivek Sharma

Leave a Comment