ਨੈਸ਼ਵਿਲ,USA : ਕ੍ਰਿਸਮਸ ਦੀ ਸਵੇਰ ਅਮਰੀਕਾ ਦੇ ਸ਼ਹਿਰ ਨੈਸ਼ਵਿਲ ਵਿੱਚ ਇੱਕ ਮਨੋਰੰਜਨਕ ਵਾਹਨ ਵਿੱਚ ਧਮਾਕਾ ਹੋਇਆ ਜਿਸ ਤੋਂ ਬਾਅਦ ਸਥਾਨਕ ਲੋਕਾਂ ਵਿੱਚ ਸਹਿਮ ਦਾ ਮਾਹੌਲ ਪਾਇਆ ਜਾ ਰਿਹਾ ਹੈ। ਇਸ ਧਮਾਕੇ ਦੌਰਾਨ ਕੁਝ ਵਿਅਕਤੀ ਫੱਟੜ ਵੀ ਹੋਏ ਹਨ । ਪੁਲਿਸ ਇਸ ਧਮਾਕੇ ਨੂੰ ਸੋਚੀ ਸਮਝੀ ਸਾਜ਼ਿਸ਼ ਅਤੇ ‘ਜਾਣ ਬੁੱਝ ਕੇ ਕੀਤਾ ਕੰਮ’ ਦੱਸ ਰਹੀ ਹੈ ।
ਧਮਾਕੇ ਦੇ ਕੁਝ ਘੰਟਿਆਂ ਬਾਅਦ ਪੁਲਿਸ ਨੇ ਇੱਕ ਵਾਹਨ ਦੀ ਤਸਵੀਰ ਜਾਰੀ ਕਰਦੇ ਹੋਏ ਲੋਕਾਂ ਤੋਂ ਸਹਿਯੋਗ ਦੀ ਮੰਗ ਕੀਤੀ ਹੈ।
BREAKING: This is the RV that exploded on 2nd Ave N this morning. It arrived on 2nd Ave at 1:22 a.m. Have you seen this vehicle in our area or do you have information about it? Please contact us via Crime Stoppers at 615-742-7463 or online via https://t.co/dVGS7o0m4v. @ATFHQ pic.twitter.com/JNx9sDinAH
— Metro Nashville PD (@MNPDNashville) December 25, 2020
ਧਮਾਕੇ ਤੋਂ ਬਾਅਦ ਮੌਕੇ ਤੇ ਪੁੱਜੇ ਅੱਗ ਬੁਝਾਉ ਦਸਤੇ ਦੇ ਅਧਿਕਾਰੀਆਂ ਨੇ ਤਿੰਨ ਲੋਕਾਂ ਨੂੰ ਹਸਪਤਾਲ ਲਿਜਾਣ ਦੀ ਖ਼ਬਰ ਦਿੱਤੀ ਹੈ, ਪਰ ਉਨ੍ਹਾਂ ਵਿੱਚੋਂ ਕੋਈ ਵੀ ਗੰਭੀਰ ਜ਼ਖਮੀ ਨਹੀਂ ਹੋਇਆ।
ਨੈਸ਼ਵਿਲ ਵਿਸਫੋਟ ਬਾਰੇ ਮੇਅਰ ਜੌਹਨ ਕੂਪਰ ਦਾ ਕਹਿਣਾ ਹੈ ਕਿ ਪ੍ਰਭਾਵਿਤ ਖੇਤਰ ਵਿਚ ਕਰਫਿਊ ਲਗਾਇਆ ਗਿਆ ਹੈ,ਹਰ ਤਰ੍ਹਾਂ ਦੀ ਸਾਵਧਾਨੀ ਵਰਤੀ ਜਾ ਰਹੀ ਹੈ। ਕਰਫ਼ਿਊ 27 ਦਸੰਬਰ ਐਤਵਾਰ ਸ਼ਾਮ 4:30 ਤੱਕ ਜਾਰੀ ਰਹੇਗਾ।
I have signed Executive Order 12 to issue a state of civil emergency proclaimed within the area bounded by James Robertson Parkway, 4th Ave north, Broadway and the Cumberland River. A curfew will start at 4:30pm, Friday Dec 25. and be lifted Sunday, December 27 at 4:30pm. pic.twitter.com/jZ484LrHZ7
— Mayor John Cooper (@JohnCooper4Nash) December 25, 2020
ਨੈਸ਼ਵਿਲ ਪੁਲਿਸ ਦੇ ਬੁਲਾਰੇ ਡੌਨ ਆਰੋਨ ਨੇ ਧਮਾਕੇ ਦੀ ਸੀਸੀਟੀਵੀ ਫੁਟੇਜ ਜਾਰੀ ਕਰਦਿਆਂ ਕਿਹਾ,’ਧਮਾਕਾ ਕਾਫੀ ਜ਼ੋਰਦਾਰ ਸੀ, ਜਿਵੇਂ ਕਿ ਤੁਸੀਂ ਵੇਖ ਸਕਦੇ ਹੋ । ਸਾਡਾ ਮੰਨਣਾ ਹੈ ਕਿ ਧਮਾਕਾ ਕਰਨਾ ਜਾਣ ਬੁੱਝ ਕੇ ਕੀਤਾ ਗਿਆ ਕੰਮ ਹੈ।’ ਉਹਨਾਂ ਕਿਹਾ ਕਿ ਪੁਲਿਸ ਵਿਭਾਗ, ਇਸਦੇ ਸੰਘੀ ਭਾਈਵਾਲ – ਐਫਬੀਆਈ ਅਤੇ ਏਟੀਐਫ (ਬਿਊਰੋ ਆਫ ਅਲਕੋਹਲ, ਤੰਬਾਕੂ, ਹਥਿਆਰ ਅਤੇ ਵਿਸਫੋਟਕ) – ਇਸ ਮੁੱਦੇ ‘ਤੇ ਵੱਡੇ ਪੱਧਰ’ ਤੇ ਜਾਂਚ ਕਰ ਰਹੇ ਹਨ।’
MNPD, FBI & ATF investigating the 6:30 a.m. explosion on 2nd Ave N linked to a vehicle. This appears to have been an intentional act. Law enforcement is closing downtown streets as investigation continues. pic.twitter.com/YOfMTaKmTH
— Metro Nashville PD (@MNPDNashville) December 25, 2020
ਵੀਡੀਓ ਵਿੱਚ ‘ਨੈਸ਼ਵਿਲ ਵਿਖੇ ਕ੍ਰਿਸਮਿਸ ਦੀ ਸਵੇਰ ਦਾ ਧਮਾਕਾ, ਇਮਾਰਤ ਢਹਿ-ਢੇਰੀ ਹੁੰਦੇ ਦਿਖਾਈ ਦਿੰਦੀ ਹੈ।’
ਇਸ ਧਮਾਕੇ ਕਾਰਨ ਵਿਆਪਕ ਸੰਚਾਰ ਦੀ ਪ੍ਰੇਸ਼ਾਨੀ ਵੀ ਹੋਈ ਜਿਸ ਨੇ ਪੁਲਿਸ ਐਮਰਜੈਂਸੀ ਪ੍ਰਣਾਲੀਆਂ ਨੂੰ ਆਫ਼ਲਾਈਨ ਕਰ ਦਿੱਤਾ ਅਤੇ ਨਾਲ ਹੀ ਸ਼ਹਿਰ ਦੇ ਹਵਾਈ ਅੱਡੇ ‘ਤੇ ਉਡਾਣ ਭਰਨ ਵਾਲੀਆਂ ਉਡਾਣਾਂ ਵੀ ਕੁਝ ਹੱਦ ਤੱਕ ਪ੍ਰਭਾਵਿਤ ਹੋਈਆਂ।
ਫਿਲਹਾਲ ਪੁਲਿਸ ਹਰ ਪੱਖੋਂ ਇਸ ਧਮਾਕੇ ਦੀ ਜਾਂਚ ਕਰ ਰਹੀ ਹੈ, ਇਸ ਬਾਰੇ ਛੇਤੀ ਹੀ ਕੋਈ ਸੁਰਾਗ ਮਿਲਣ ਦਾ ਦਾਅਵਾ ਵੀ ਕੀਤਾ ਜਾ ਰਿਹਾ ਹੈ।