ਨਵੀਂ ਦਿੱਲੀ : ਭਾਰਤੀ ਸ਼ਾਸਤਰੀ ਸੰਗੀਤ ਜਗਤ ਨੂੰ ਉਸ ਸਮੇਂ ਵੱਡਾ ਝਟਕਾ ਲੱਗਾ ਜਦੋਂ ਬਨਾਰਸ ਘਰਾਣੇ ਦੇ ਉੱਘੇ ਗਾਇਕ ਪੰਡਿਤ ਰਾਜਨ ਮਿਸ਼ਰ ਇਸ ਫ਼ਾਨੀ ਸੰਸਾਰ ਤੋਂ ਰੁਖ਼ਸਤ ਹੋ ਗਏ। ਰਾਜਨ ਅਤੇ ਸਾਜਨ ਮਿਸ਼ਰ ਜੋੜੀ ਦੇ ਵੱਡੇ ਭਰਾ ਰਾਜਨ ਮਿਸ਼ਰ ਕੋਰੋਨਾ ਨਾਲ ਪੀੜਤ ਸਨ, ਉਨ੍ਹਾਂ ਨੂੰ ਗੰਭੀਰ ਹਾਲਤ ਵਿੱਚ ਹਸਪਤਾਲ ਦਾਖਲ ਕਰਵਾਇਆ ਗਿਆ ਸੀ। ਪੰਡਿਤ ਰਾਜਨ ਮਿਸ਼ਰ ਨੂੰ ਪਹਿਲਾਂ ਰਾਜਧਾਨੀ ਦਿੱਲੀ ਦੇ ਸੇਂਟ ਸਟੀਫਨਸ ਹਸਪਤਾਲ ਵਿੱਚ ਲੈ ਜਾਇਆ ਗਿਆ ਸੀ, ਪਰ ਵੈਂਟੀਲੇਟਰ ਨਾ ਮਿਲਣ ਕਾਰਨ ਉਨ੍ਹਾਂ ਨੂੰ ਸਰ ਗੰਗਾ ਰਾਮ ਹਸਪਤਾਲ ਵਿੱਚ ਦਾਖ਼ਲ ਕਰਵਾਇਆ ਗਿਆ, ਜਿੱਥੇ ਉਹਨਾਂ ਨੇ ਆਖਰੀ ਸਾਹ ਲਏ । ਦੱਸਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਨੂੰ ਹਸਪਤਾਲ ਵਿੱਚ ਦਿਲ ਦਾ ਦੌਰਾ ਪੈ ਗਿਆ, ਜਿਸ ਤੋਂ ਬਾਅਦ ਉਹਨਾਂ ਦੀ ਤਬੀਅਤ ਸੰਭਲ ਨਹੀਂ ਸਕੀ।
Extremely saddened to learn about unfortunate demise of Indian Classical Vocalist, Padma Bhushan #PanditRajanMisra Ji. Heartfelt Condolences to the departed soul and strength to the family members in this hour of bereavement. pic.twitter.com/GfsMlmu6En
— Ministry of Culture (@MinOfCultureGoI) April 25, 2021
ਭਾਰਤ ਦੀ ਲੀਵਿੰਗ ਲੀਜੇਂਡ ਗਾਇਕਾ ਲਤਾ ਮੰਗੇਸ਼ਕਰ ਨੇ ਪੰਡਿਤ ਰਾਜਨ ਮਿਸ਼ਰ ਦੇ ਅਕਾਲ ਚਲਾਣੇ ਤੇ ਡੂੰਘਾ ਦੁੱਖ ਪ੍ਰਗਟ ਕੀਤਾ ਹੈ।
Mujhe abhi pata chala ki bahut guni shastriya gayak Padma Bhushan Sangeet Natak Akademi puraskar se sammanit Pandit Rajan Mishra ji Ka nidhan hua hai. Ye sunke mujhe bahut dukh hua. Ishwar unki aatma ko shanti pradan kare. Meri samvedanaayein unke pariwar ke saath hai.
— Lata Mangeshkar (@mangeshkarlata) April 25, 2021
ਸ਼ਾਸਤਰੀ ਸੰਗੀਤ ਜਗਤ ਵਿਚ ਪੰਡਿਤ ਰਾਜਨ ਅਤੇ ਸਾਜਨ ਮਿਸ਼ਰ ਦੀ ਜੋੜੀ ਨੇ ਭਾਰਤੀ ਸੰਗੀਤ ਦੇ ਬਨਾਰਸ ਘਰਾਣੇ ਦੀ ਗਾਇਕੀ ਨੂੰ ਨਵੀਆਂ ਬੁਲੰਦੀਆਂ ਤੇ ਪਹੁੰਚਾਇਆ। ਇਹ ਜੋੜੀ ਆਪਣੀ ‘ਖਿਆਲ ਗਾਇਕੀ’ ਲਈ ਪ੍ਰਸਿੱਧ ਸੀ। ਇਸ ਜੋੜੀ ਨੂੰ ਭਾਰਤ ਸਰਕਾਰ ਨੇ 1971 ਵਿੱਚ ਸੰਸਕ੍ਰਿਤ ਅਵਾਰਡ ਦੇ ਨਾਲ ਨਵਾਜਿਆ । 1994-95 ਦੌਰਾਨ ਇਹਨਾਂ ਨੂੰ ਗੰਧਰਵ ਸਨਮਾਨ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਭਾਰਤੀ ਕਲਾ ਜਗਤ ਦੇ ਵੱਕਾਰੀ ਸਨਮਾਨ ‘ਸੰਗੀਤ ਨਾਟਕ ਅਕਾਦਮੀ ਪੁਰਸਕਾਰ’ ਨਾਲ ਇਸ ਜੋੜੀ ਨੂੰ ਸਾਲ ਸਾਲ 1998 ‘ਚ ਨਵਾਜਿਆ ਗਿਆ। ਸਾਲ 2007 ਵਿੱਚ ਭਾਰਤ ਦੇ ਸਰਬ ਉੱਚ ਸਨਮਾਨਾਂ ਵਿੱਚੋ ਇੱਕ ‘ਪਦਮ ਭੂਸ਼ਣ’ ਨਾਲ ਇਸ ਜੋੜੀ ਨੂੰ ਸਨਮਾਨਿਤ ਕੀਤਾ ਗਿਆ।
ਇਹ ਨਾਮਚੀਨ ਜੋੜੀ ਪੰਜਾਬ ਦੀ ਧਰਤੀ ਤੇ ਵੀ ਆਪਣੀ ਗਾਇਕੀ ਦੀ ਪੇਸ਼ਕਾਰੀ ਤਕਰੀਬਨ ਹਰ ਸਾਲ ਜਲੰਧਰ ਵਿਖੇ ਹੁੰਦੇ ਹਰਿਵੱਲਭ ਸੰਗੀਤ ਸੰਮੇਲਨ ਦੌਰਾਨ ਕਰਦੀ ਰਹੀ ਹੈ। ਕਲਾ ਜਗਤ ਦੀਆਂ ਉੱਘੀਆਂ ਹਸਤੀਆਂ ਨੇ ਪੰਡਿਤ ਰਾਜਨ ਮਿਸ਼ਰ ਦੇ ਅਚਾਨਕ ਦੇਹਾਂਤ ਤੇ ਡੂੰਘੇ ਦੁੱਖ ਦਾ ਇਜ਼ਹਾਰ ਕੀਤਾ ਹੈ।