ਓਟਾਵਾ : ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅਤੇ ਉਨ੍ਹਾਂ ਦੀ ਪਤਨੀ ਸੋਫੀਆ ਟਰੂਡੋ ਨੇ ਸ਼ੁੱਕਰਵਾਰ ਨੂੰ ਕੋਵਿਡ-19 ਵੈਕਸੀਨ ਦੀ ਆਪਣੀ ਪਹਿਲੀ ਡੋਜ਼ ਹਾਸਲ ਕੀਤੀ । ਪੀ.ਐੱਮ. ਟਰੂਡੋ ਅਤੇ ਸੋਫੀਆ ਨੇ ਓਟਾਵਾ ਵਿੱਚ ਦੁਪਹਿਰੇ ਕਰੀਬ 12:45 ਵਜੇ ਐਸਟ੍ਰਾਜ਼ੈਨੇਕਾ ਵੈਕਸੀਨ ਦੀ ਪਹਿਲੀ ਡੋਜ਼ ਲਈ। ਵੈਕਸੀਨ ਦੀ ਪਹਿਲੀ ਖ਼ੁਰਾਕ ਲੈਣ ਤੋਂ ਬਾਅਦ ਟਰੂਡੋ ਨੇ ਇਸ ਬਾਰੇ ਜਾਣਕਾਰੀ ਟਵਿੱਟਰ ਰਾਹੀਂ ਸ਼ੇਅਰ ਕੀਤੀ।
ਵੈਕਸੀਨ ਲੈਣ ਸਬੰਧੀ ਟਵੀਟ ਕਰਦਿਆਂ ਟਰੂਡੋ ਨੇ ਲਿਖਿਆ, “ਅੱਜ ਸਾਡੀ ਟੀਕਾ ਲਗਾਉਣ ਦੀ ਵਾਰੀ ਸੀ, ਇਸ ਲਈ ਸੋਫੀ ਅਤੇ ਮੈਂ ਵੈਕਸੀਨ ਦੀ ਪਹਿਲੀ ਖ਼ੁਰਾਕ ਹਾਸਲ ਕਰ ਲਈ ਹੈ। ਸਾਨੂੰ ਖੁਸ਼ੀ ਹੈ ਕਿ ਅਸੀਂ ਇਸ ਨੂੰ ਕੀਤਾ! ਤੁਸੀਂ ਵੀ ਜਾਣੋ, ਵੈਕਸੀਨ ਨੂੰ ਤੁਸੀਂ ਕਿੱਦਾਂ, ਕਦੋਂ ਅਤੇ ਕਿੱਥੇ ਲੈ ਸਕਦੇ ਹੋ .. ”
It was our turn to get vaccinated today, so that’s what Sophie and I did – and we’re glad we did it! Find out how, when, and where you can get your shot: https://t.co/3UJJt9jpqz pic.twitter.com/HgO2GTZheN
— Justin Trudeau (@JustinTrudeau) April 23, 2021
ਇਸ ਦੇ ਨਾਲ ਹੀ ਟਰੂਡੋ ਨੇ ਦੇਸ਼ ਦੇ ਸਮੂਹ ਡਾਕਟਰੀ ਅਮਲੇ ਦਾ ਧੰਨਵਾਦ ਕਰਦਿਆਂ ਕਿਹਾ ਕਿ ਤੁਸੀਂ ਲੋਕ ਜੋ ਕੁਝ ਕਰ ਰਹੇ ਹੋ ਉਸਦੀ ਜਿੰਨੀ ਵੀ ਸ਼ਲਾਘਾ ਕੀਤੀ ਜਾਵੇ ਘੱਟ ਹੈ ।
To the workers who vaccinated us this afternoon, and to those who are helping vaccinate people right across the country: thank you. The work you’re doing couldn’t be more important or more appreciated – and it certainly won’t be forgotten.
— Justin Trudeau (@JustinTrudeau) April 23, 2021
ਆਪਣੇ ਇੱਕ ਹੋਰ ਟਵੀਟ ਵਿੱਚ ਟਰੂਡੋ ਨੇ ਲਿਖਿਆ, “ਉਨ੍ਹਾਂ ਕਰਮਚਾਰੀਆਂ ਲਈ ਜਿਨ੍ਹਾਂ ਨੇ ਅੱਜ ਦੁਪਹਿਰ ਸਾਨੂੰ ਟੀਕਾ ਲਗਾਇਆ ਅਤੇ ਉਨ੍ਹਾਂ ਲਈ, ਜੋ ਦੇਸ਼ ਭਰ ਵਿੱਚ ਲੋਕਾਂ ਨੂੰ ਟੀਕਾਕਰਣ ਵਿੱਚ ਸਹਾਇਤਾ ਕਰ ਰਹੇ ਹਨ : ਧੰਨਵਾਦ ! ਉਹ ਕੰਮ ਜੋ ਤੁਸੀਂ ਕਰ ਰਹੇ ਹੋ ਇਸ ਤੋਂ ਵਧੇਰੇ ਮਹੱਤਵਪੂਰਣ ਜਾਂ ਵਧੇਰੇ ਪ੍ਰਸੰਸਾਯੋਗ ਕੁਝ ਵੀ ਨਹੀਂ ਹੋ ਸਕਦਾ ਅਤੇ ਤੁਹਾਡੇ ਇਸ ਸਹਿਯੋਗ ਨੂੰ ਯਕੀਨਨ ਭੁਲਾਇਆ ਨਹੀਂ ਜਾਏਗਾ ।”
ਸ਼ੁੱਕਰਵਾਰ ਨੂੰ ਵੈਕਸੀਨ ਲੈਣ ਤੋਂ ਬਾਅਦ ਟਰੂਡੋ ਵੀ ਕੈਨੇਡਾ ਦੇ ਉਨ੍ਹਾਂ ਸਿਆਸਤਦਾਨਾਂ ਵਿੱਚ ਸ਼ਾਮਲ ਹੋ ਗਏ ਹਨ ਜਿਹੜੇ ਵੈਕਸੀਨ ਦੀ ਆਪਣੀ ਪਹਿਲੀ ਖੁਰਾਕ ਲੈ ਚੁੱਕੇ ਹਨ ।
ਦੱਸ ਦਈਏ ਕਿ ਬੀਤੇ ਦਿਨ ਅਲਬਰਟਾ ਦੇ ਪ੍ਰੀਮੀਅਰ ਜੈਸਨ ਕੈਨੀ ਨੇ ਆਪਣੀ ਪਹਿਲੀ ਵੈਕਸੀਨ ਖੁਰਾਕ ਹਾਸਲ ਕੀਤੀ ਸੀ। ਇਸ ਤੋਂ ਪਹਿਲਾਂ ਫੈਡਰਲ ਇਨੋਵੇਸ਼ਨ, ਸਾਇੰਸ ਅਤੇ ਇੰਡਸਟਰੀ ਮੰਤਰੀ ਫ੍ਰੈਂਕੋਇਸ ਫਿਲਿਪ ਵੀ ਵੈਕਸੀਨ ਲਗਵਾ ਚੁੱਕੇ ਹਨ। ਐਨ.ਡੀ.ਪੀ. ਆਗੂ ਜਗਮੀਤ ਸਿੰਘ ਨੇ ਵੈਕਸੀਨ ਦੀ ਆਪਣੀ ਪਹਿਲੀ ਡੋਜ਼ ਬੁੱਧਵਾਰ ਨੂੰ ਲਈ ਸੀ ਜਦਕਿ ਕੰਜ਼ਰਵੇਟਿਵ ਆਗੂ ਐਰਿਨ ‘ਓ ਟੂਲੇ ਨੂੰ ਇਸ ਵੀਕੈਂਡ ਉੱਤੇ ਵੈਕਸੀਨ ਲਾਈ ਜਾਵੇਗੀ।