ਕੋਵਿਡ 19 ਮਹਾਂਮਾਰੀ ਤੇ ਮੈਟਰੋ ਵੈਨਕੂਵਰ ਦੇ ਆਲੇ ਦੁਆਲੇ ਦੀ ਹਵਾ ਦੀ ਮਾੜੀ ਗੁਣਵਤਾ ਦੇ ਵਿਚਕਾਰ ਵਿਦਿਆਰਥੀਆਂ ਤੇ ਸਟਾਫ ਦੀ ਸੁਰਖਿਆ ਨੂੰ ਲੈ ਕੇ ਚਿੰਤਾਵਾ ਵਧੀਆਂ ਹੋਈਆਂ ਹਨ। ਅਧਿਆਪਕਾਂ ਨੂੰ ਕੰਮ ਕਰਨ ਤੋਂ ਰੋਕਿਆ ਜਾ ਰਿਹਾ ਹੈ ਜੇ ਉਹ ਥੋੜਾ ਜਿਹਾ ਵੀ ਬੀਮਾਰ ਮਹਿਸੂਸ ਕਰ ਰਹੇ ਹਨ। ਇਹ ਫੁਰਮਾਨ ਉਦੋਂ ਸਾਹਮਣੇ ਆਇਆ ਜਦੋਂ ਕੁਝ ਜਿਲੇ ਕਹਿ ਰਹੇ ਹਨ ਕਿ ਉਹ ਸਾਵਧਾਨੀ ਵਰਤ ਰਹੇ ਹਨ। ਕੁਝ ਬੋਰਡਾਂ ਦਾ ਕਹਿਣਾ ਹੈ ਕਿ ਸਕੂਲਾਂ ਵਿਚ ਖਿੜਕੀਆਂ ਤੇ ਦਰਵਾਜ਼ੇ ਬੰਦ ਕਰ ਦਿਤੇ ਜਾਣੇ ਚਾਹੀਦੇ ਹਨ ਤਾਂ ਜੋ ਗੰਦਲੀ ਹਵਾ ਦੇ ਪ੍ਰਭਾਵ ਨੂੰ ਸੀਮਿਤ ਕੀਤਾ ਜਾ ਸਕੇ। ਜੋ ਜੰਗਲੀ ਅੱਗ ਕਾਰਨ ਖੇਤਰ ਵਲ ਨੂੰ ਵਧ ਰਹੀ ਹੈ।
ਸਰੀ,ਵੈਨਕੂਵਰ ਤੇ ਡੈਲਟਾ ਸਕੂਲ ਜਿਲੇ ਉਨਾਂ ਵਿਚੋਂ ਇੱਕ ਨੇ ਜਿਹੜੇ ਕਹਿ ਰਹੇ ਹਨ ਕਿ ਜੇ ਲੋੜ ਪਈ ਤਾਂ ਉਹ ਦੁਪਹਿਰ ਦੇ ਖਾਣੇ ਦੀ ਛੁਟੀ ਦੌਰਾਨ ਅੰਦਰ ਹੀ ਰਹਿ ਸਕਦੇ ਹਨ। ਉਹ ਅਧਿਆਪਕਾਂ ਨੂੰ ਸਿਕ ਡੇਅ ਲੈਣ ਲਈ ਵੀ ਕਹਿ ਰਹੇ ਹਨ ਜੇ ਹਵਾ ਦੀ ਮਾੜੀ ਕੁਆਲਿਟੀ ਜਾਂ ਧੂੰਏ ਦੇ ਲਛਣ ਹੋਣ, ਕਿਉਕਿ ਇਹ ਕੋਵਿਡ 19 ਦੇ ਲਛਣਾਂ ਨਾਲ ਮੇਲ ਖਾਂਦੇ ਹਨ।
ਬੀਸੀ ਨੇ ਐਤਵਾਰ ਨੂੰ ਫੇਸਬੁਕ ਤੇ ਵੀ ਪੋਸਟ ਕੀਤਾ ਕਿ ਜੇ ਤੁਸੀ ਕੰਮ ਤੇ ਹੋ ਤੇ ਤੁਹਾਡੀ ਸਿਹਤ ਤੇ ਸੁਰਖਿਆ ਦੀ ਕੋਈ ਚਿੰਤਾ ਹੈ ਤਾਂ ਪਹਿਲਾਂ ਆਪਣੇ ਸੁਪਰਵਾਈਜ਼ਰ ਤੇ ਆਪਣੇ ਸਥਾਨਕ ਯੂਨੀਅਨ ਦੇ ਸਿਹਤ ਤੇ ਸੁਰਖਿਆ ਪ੍ਰਤਿਨਿਧੀ ਨੂੰ ਸੂਚਿਤ ਕਰਨਾ ਚਾਹੀਦਾ ਹੈ। ਉਹ ਤੁਹਾਡੀ ਮਦਦ ਕਰਨਗੇ। ਕੁਝ ਸੁਧਾਰਾਂ ਦੇ ਬਾਵਜੂਦ ਲੋਅਰ ਮੇਨਲੈਂਡ ਦੇ ਬਹੁਤ ਸਾਰੇ ਹਿਸਿਆਂ ਵਿਚ ਹਵਾ ਦੀ ਗੁਣਵਤਾ ਬਹੁਤ ਮਾੜੀ ਹੈ। ਹਲਾਤ ਐਨੇ ਭਿਆਨਕ ਹਨ ਕਿ ਵਿਕਟੋਰੀਆ ਟੀਚਰਜ਼ ਐਸੋਸੀਏਸ਼ਨ ਵਿਕਟੋਰੀਆ ਸਕੂਲ ਡਿਸਟਰਿਕਟ ਨੂੰ ਸਕੂਲ ਬੰਦ ਕਰਨ ਦੀ ਮੰਗ ਕਰ ਰਹੀ ਹੈ ਜਦੋਂ ਤੱਕ ਹਵਾ ਦੀ ਗੁਣਵਤਾ ਸੁਰਖਿਅਤ ਪੱਧਰ ਤੇ ਵਾਪਿਸ ਨਹੀਂ ਆ ਜਾਂਦੀ।
