channel punjabi
Canada International News North America WEBSITE NEWS

AIR CANADA ਨੇ 1500 ਨੌਕਰੀਆਂ ‘ਚ ਕਟੌਤੀ ਦਾ ਕੀਤਾ ਐਲਾਨ, ਅੰਤਰਰਾਸ਼ਟਰੀ ਉਡਾਨਾਂ ਵੀ ਕੀਤੀਆਂ ਰੱਦ

ਓਟਾਵਾ : ਕੈਨੇਡਾ ਵਿੱਚ ਕੋਰੋਨਾ ਵਾਇਰਸ ਕਾਰਨ ਸਖ਼ਤ ਪਾਬੰਦੀਆਂ ਲਾਗੂ ਕੀਤੀਆਂ ਗਈਆਂ ਹਨ । ਪਾਬੰਦੀਆਂ ਕਾਰਨ ਕੈਨੇਡਾ ਦੀਆਂ ਸਾਰੀਆਂ ਏਅਰਲਾਈਨਜ਼ ਕੰਪਨੀਆਂ ਸਭ ਤੋਂ ਵੱਧ ਪ੍ਰਭਾਵਿਤ ਹੋਈਆਂ ਹਨ। ਕੁਝ ਏਅਰਲਾਈਨਜ਼ ਕੰਪਨੀਆਂ ਨੇ ਆਪਣੀਆਂ ਸੇਵਾਵਾਂ ਹੀ ਮੁਅੱਤਲ ਕਰ ਦਿੱਤੀਆਂ ਹਨ। ਕੋਰੋਨਾ ਪਾਬੰਦੀਆਂ ਦੇ ਚਲਦਿਆਂ ਏਅਰ ਕੈਨੇਡਾ ਨੇ ਹੁਣ 1500 ਨੌਕਰੀਆਂ ‘ਚ ਫਿਲਹਾਲ ਲਈ ਕਟੌਤੀ ਕਰਨ ਦਾ ਐਲਾਨ ਕੀਤਾ ਹੈ। ਇਸਦੇ ਨਾਲ ਏਅਰ ਕੈਨੇਡਾ ਵਲੋਂ ਆਪਣੀਆਂ ਅੰਤਰਰਾਸ਼ਟਰੀ ਉਡਾਨਾਂ ਨੂੰ ਵੀ ਰੱਦ ਕਰਨ ਦਾ ਫੈਸਲਾ ਕੀਤਾ ਗਿਆ ਹੈ।

ਏਅਰ ਕੈਨੇਡਾ ਨੇ 18 ਫਰਵਰੀ ਤੋਂ ਅਮਰੀਕਾ ਅਤੇ ਵਿਦੇਸ਼ ਜਾਣ ਵਾਲੇ 17 ਫਲਾਈਟ ਰੂਟਾਂ ਨੂੰ ਘੱਟੋ ਘੱਟ 30 ਅਪ੍ਰੈਲ ਤੱਕ ਅਸਥਾਈ ਤੌਰ ‘ਤੇ ਮੁਅੱਤਲ ਕਰ ਦਿੱਤਾ ਹੈ।

ਏਅਰ ਕਨੇਡਾ ਅਨੁਸਾਰ, ‘ਬੁਕਿੰਗ ਵਾਲੇ ਪ੍ਰਭਾਵਿਤ ਗ੍ਰਾਹਕਾਂ ਨਾਲ ਵਿਕਲਪਾਂ ਸਮੇਤ ਸੰਪਰਕ ਕੀਤਾ ਜਾਏਗਾ, ਜਿਸ ਵਿੱਚ ਉਹਨਾਂ ਨੂੰ ਬਦਲਵੇਂ ਰੂਟਾਂ ਰਾਹੀਂ ਸੇਵਾਵਾਂ ਪ੍ਰਦਾਨ ਕੀਤੀਆਂ ਜਾਣਗੀਆਂ।’

ਏਅਰ ਕੈਨੇਡਾ ਦੇ ਪੂਰੇ ਅਮਰੀਕਾ ਦੇ ਪ੍ਰਭਾਵਿਤ ਰੂਟਾਂ ਵਿੱਚ ਸ਼ਾਮਲ ਹਨ:

ਟੋਰਾਂਟੋ ਤੋਂ: ਫੋਰਟ ਮਾਇਅਰਜ਼ (14 ਫਰਵਰੀ),
ਬੋਸਟਨ (16 ਫਰਵਰੀ),
ਵਾਸ਼ਿੰਗਟਨ-ਰੀਗਨ (17 ਫਰਵਰੀ),
ਡੇਨਵਰ (17 ਫਰਵਰੀ) ਅਤੇ
ਨਿਊ ਯਾਰਕ ਲਾਗੁਆਰਡੀਆ ਏਅਰਪੋਰਟ (17 ਫਰਵਰੀ)

ਮਾਂਟਰੀਅਲ ਤੋਂ: ਬੋਸਟਨ (17 ਫਰਵਰੀ),
ਨਿਊ ਯਾਰਕ ਲਾਗੁਆਰਡੀਆ ਏਅਰਪੋਰਟ (17 ਫਰਵਰੀ)
ਵੈਨਕੂਵਰ ਤੋਂ: ਸੀਏਟਲ (16 ਫਰਵਰੀ)

ਪ੍ਰਭਾਵਿਤ ਹੋਰ ਅੰਤਰਰਾਸ਼ਟਰੀ ਉਡਾਣਾਂ ਵਿੱਚ ਸ਼ਾਮਲ ਹਨ:-

ਟੋਰਾਂਟੋ ਤੋਂ: ਬੋਗੋਟਾ (16 ਫਰਵਰੀ),
ਡਬਲਿਨ (12 ਫਰਵਰੀ),
ਦੁਬਈ (ਸ਼ੁਰੂਆਤ ਮੁਲਤਵੀ),
ਸਾਓ ਪੌਲੋ (16 ਫਰਵਰੀ),
ਹਾਂਗ ਕਾਂਗ (ਸ਼ੁਰੂਆਤ ਮੁਲਤਵੀ),
ਤੇਲ ਅਵੀਵ (ਨਿਰੰਤਰ ਮੁਅੱਤਲ)

ਮਾਂਟਰੀਅਲ ਤੋਂ: ਬੋਗੋਟਾ (13 ਫਰਵਰੀ)
ਵੈਨਕੂਵਰ ਤੋਂ: ਲੰਡਨ, ਇੰਗਲੈਂਡ (14 ਫਰਵਰੀ), ਟੋਕਿਓ-ਨਰੀਤਾ, ਜਪਾਨ (15 ਫਰਵਰੀ)

ਪ੍ਰਧਾਨਮੰਤਰੀ ਜਸਟਿਨ ਟਰੂਡੋ ਦੇ ਅਨੁਸਾਰ, ਗੈਰ-ਜ਼ਰੂਰੀ ਯਾਤਰਾ ਵਾਲੇ ਲਗਭਗ 15 ਪ੍ਰਤੀਸ਼ਤ ਯਾਤਰੀ ਹਨ ਜੋ ਹਵਾਈ ਜਹਾਜ਼ ਰਾਹੀਂ ਕੈਨੇਡਾ ਵਾਪਸ ਪਰਤ ਰਹੇ ਹਨ।

ਸੀਯੂਪੀਈ ਦੀ ਏਅਰ ਲਾਈਨ ਡਵੀਜ਼ਨ ਦੇ ਪ੍ਰਧਾਨ ਵੇਸਲੇ ਲੈਸੋਸਕੀ, ਜੋ ਕਿ ਏਅਰ ਕੈਨੇਡਾ ਅਤੇ ਏਅਰ ਕੈਨੇਡਾ ਰੂਜ ਵਿਖੇ ਉਡਾਣ ਸੇਵਾਦਾਰਾਂ ਦੀ ਨੁਮਾਇੰਦਗੀ ਕਰਦੇ ਹਨ, ਨੇ ਕੈਨੇਡੀਅਨ ਪ੍ਰੈੱਸ ਨੂੰ ਦੱਸਿਆ ਕਿ ਕੋਵਿਡ-19 ਮਹਾਂਮਾਰੀ ਤੋਂ ਜੇ ਦੇਸ਼ ਦੇ ਹਵਾਬਾਜ਼ੀ ਉਦਯੋਗ ਨੂੰ ਬਚਿਆ ਜਾ ਰਿਹਾ ਹੈ ਤਾਂ ਹੋਰ ਬਹੁਤ ਕੁਝ ਕਰਨ ਦੀ ਵੀ ਜ਼ਰੂਰਤ ਹੈ ।

ਲੈਸੋਸਕੀ ਨੇ ਕਿਹਾ ਕਿ ਅਸੀੱ ਕੋਵਿਡ-19 ਦੇ ਨਵੇਂ ਰੂਪਾਂ ਨੂੰ ਫੈਲਣ ਤੋਂ ਰੋਕਣ ਲਈ ਸਰਕਾਰ ਦੇ ਉਪਾਵਾਂ ਦੀ ਜ਼ਰੂਰਤ ਦੀ ਸ਼ਲਾਘਾ ਕਰਦੇ ਹਾਂ ਪਰ ਬੰਦਿਸ਼ਾਂ ਦੇ ਨਾਲ ਹੱਲ ਵੀ ਹੋਣੇ ਚਾਹੀਦੇ ਹਨ।

Related News

ਕੈਲਗਰੀ ਸਰਕਾਰ ਨੇ ਚੁੱਕੇ ਸਖ਼ਤ ਕਦਮ, 1 ਅਗਸਤ ਤੋਂ ਸ਼ੁਰੂ ਹੋਵੇਗਾ ਨਵਾ ਨਿਯਮ

Rajneet Kaur

ਅਮਰੀਕਾ ‘ਚ ਕੋਰੋਨਾ ਦਾ ਕਹਿਰ ਜਾਰੀ, ਦੋ ਦਿਨਾਂ ‘ਚ ਹਜ਼ਾਰ ਤੋਂ ਵੱਧ ਲੋਕਾਂ ਦੀ ਗਈ ਜਾਨ

Vivek Sharma

ਐਬਸਫੋਰਡ ਦੇ ਘਰ ਦੇ ਬਾਹਰ ਚੱਲੀਆਂ ਗੋਲੀਆਂ, ਪੰਜਾਬੀ ਵਿਅਕਤੀ ਦੀ ਮੌਤ !

Vivek Sharma

Leave a Comment