ਕੀ WEਚੈਰਿਟੀ ਟਰੂਡੋ ਸਰਕਾਰ ਨੂੰ ਸੱਤਾ ਤੋਂ ਲਾਂਭੇ ਕਰਨ ਦਾ ਕਾਰਨ ਬਣੇਗਾ !
ਇਸ ਮੁੱਦੇ ਤੇ ਵਿਰੋਧੀ ਧਿਰਾਂ ਨੇ ਸਰਕਾਰ ਤੋਂ ਅਸਤੀਫ਼ੇ ਦੀ ਕੀਤੀ ਮੰਗ
ਵਿਰੋਧੀਆਂ ਨੇ ਲਗਾਏ ਪ੍ਰਧਾਨ ਮੰਤਰੀ ਟਰੂਡੋ ‘ਤੇ ਗੰਭੀਰ ਇਲਜ਼ਾਮ
‘ਵੀ ਚੈਰਿਟੀ’ ਮੁੱਦੇ ਕਾਰਨ ਕੋਰੋਨਾ ਨਾਲ ਨਜਿੱਠਣ ਵਿਚ ਨਾਕਾਮ ਰਹੀ ਸਰਕਾਰ :ਐਂਡਰੀਓ ਸ਼ਿਅਰ
ਓਟਾਵਾ : ਵੀ ਚੈਰਿਟੀ(We Charity) ਕੌਨਟਰੈਟ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਲਈ ਵੱਡੀ ਮੁਸੀਬਤ ਬਣ ਚੁੱਕਿਆ ਹੈ। ਇਸ ਮੁੱਦੇ ਤੇ ਰੋਜ਼ਾਨਾ ਹੀ ਤਿੱਖੇ ਵਿਰੋਧ ਦਾ ਸਾਹਮਣਾ ਕਰ ਰਹੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਤੋਂ ਹੁਣ ਉਹਦੇ ਤੋਂ ਲਾਂਭੇ ਕਰਨ ਦੀ ਮੰਗ ਜ਼ੋਰ ਫੜਦੀ ਜਾ ਰਹੀ ਹੈ।
ਉਧਰ ਹਾਊਸ ਔਫ ਕੌਮਨਜ਼ ‘ਚ ਵੀ ਚੈਰਿਟੀ ਦਾ ਮੁੱਦਾ ਕਈ ਵਾਰੀ ਉੱਠਿਆ ਹੈ। ਵਿਰੋਧੀਆਂ ਨੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੇ ਅਸਤੀਫੇ ਦੀ ਮੰਗ ਕੀਤੀ ਹੈ, ਤੇ ਇਲਜ਼ਾਮ ਹਨ ਕਿ ਟਰੂਡੋ ਨੇ ਇਸ ਸੰਸਥਾ ਨੂੰ ਫਾਇਦਾ ਪਹੁੰਚਾਉਣ ਲਈ ਕੌਨਟੈਰਕਟ ਦਿੱਤਾ।
ਇੰਨਾ ਹੀ ਨਹੀਂ ਲਿਬਰਲਜ਼ ਨੇ ਸਰਕਾਰ ਨੂੰ ਕੋਰੋਨਾ ਵਾਇਰਸ ਨਾਲ ਨਜਿਠਣ ‘ਚ ਵੀ ਫੇਲ ਕਰਾਰ ਦਿੱਤਾ ਗਿਆ ਹੈ।
ਪ੍ਰਧਾਨ ਮੰਤਰੀ ਟਰੂਡੋ ਸਮੇਤ ਵਿੱਤ ਮੰਤਰੀ ਬਿਲ ਮੌਰੂਨਿਓ ਨੂੰ ਚੇਤਾਵਨੀ ਦਿੱਤੀ ਗਈ ਹੈ ਕਿ ਜੇਕਰ ਉਨ੍ਹਾਂ ਅਸਤੀਫਾ ਨਾ ਦਿੱਤਾ ਤਾਂ ਫੈਡਰਲ ਸਰਕਾਰ ਚਲਦਾ ਕਰਨ ਲਈ ਮੋਸ਼ਨ ਔਫ ਨੌਨ ਕੌਨਫੀਡੈਂਸ ਲਿਆਂਦਾ ਜਾਵੇਗਾ।
“ਵੀ ਚੈਰਿਟੀ” ਦੇ ਮੁੱਦੇ ‘ਤੇ ਚਰਚਾ ਹਾਊਸ ਔਫ ਕੌਮਨਜ ‘ਚ ਰੱਖੀ ਗਈ ਪਰ ਬੈਠਕ ‘ਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਹੀ ਗੈਰ ਹਾਜ਼ਰ ਰਹੇ। ਟਰੂਡੋ ਦੀ ਗੈਰ ਹਾਜ਼ਰੀ ‘ਤੇ ਕੰਜ਼ਰਵੇਟਿਵ ਐਂਡਰੀਓ ਸ਼ਿਅਰ ਨੇ ਸਵਾਲ ਚੁੱਕੇ ਤੇ ਦਾਅਵਾ ਕੀਤਾ ਕਿ ਪ੍ਰਧਾਨ ਮਤੰਰੀ ਜਵਾਬ ਦੇਹੀ ਤੋਂ ਭੱਜ ਰਹੇ ਹਨ।
ਵਿਰੋਧੀ ਧਿਰ ਆਗੂ ਐਂਡਰੀਓ ਸ਼ਿਅਰ ਨੇ ਕੋਰੋਨਾ ਮਹਾਮਾਰੀ ਸਮੇਂ ਵੀ ਸਰਕਾਰ ਦੀ ਬਣਾਈ ਨੀਤੀ ‘ਤੇ ਸਵਾਲ ਚੁੱਕੇ ਹਨ। ਐਂਡਰੀਓ ਨੇ ਇਲਜ਼ਾਮ ਲਗਾਇਆ ਕਿ ਵੀ ਚੈਰਿਟੀ ਮੁੱਦੇ ਤੇ ਘਿਰੀ ਸਰਕਾਰ ਆਪਣੇ ਆਪ ਨੂੰ ਬਚਾਉਣ ਵਿੱਚ ਐਨੀ ਮਸਰੂਫ ਹੋ ਗਈ ਕਿ ਉਸਨੂੰ ਕੋਰੋਨਾ ਤੋਂ ਲੋਕਾਂ ਦੇ ਬਚਾਅ ਵਾਸਤੇ ਚੰਗੇ ਉਪਰਾਲੇ ਕਰਨ ਦੀ ਵੀ ਨਹੀਂ ਸੁੱਝੀ!
ਇਸ ਵਿਵਾਦਿਤ ਕੌਨਟਰੈਟ ‘ਤੇ ਜਾਂਚ ਲਈ ਵਿੱਤੀ ਕਮੇਟੀ ਬਣਾਈ ਗਈ ਹੈ, ਜੋ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਤੇ ਵਿੱਤ ਮੰਤਰੀ ਤੋਂ ਇਸ ਮਾਮਲੇ ਸਬੰਧੀ ਪੁੱਛ ਗਿੱਛ ਕਰ ਚੁੱਕੀ ਹੈ। ਕਮੇਟੀ ਦੀ ਪੁੱਛਗਿੱਛ ‘ਚ ਟਰੂਡੋ ਦਾਅਵਾ ਕਰ ਚੁੱਕੇ ਹਨ ਕਿ ਇਸ ਸੰਸਥਾ ਨਾਲ ਉਨ੍ਹਾਂ ਦਾ ਕੋਈ ਵੀ ਸਬੰਧ ਨਹੀਂ ਹੈ।
Justin Trudeau is skipping work again to avoid tough questions.
Every day we learn new details about his corrupt and scandal-plagued government.
Conservatives will keep fighting for the answers Canadians deserve. https://t.co/Lp7jOTdXXf
— Andrew Scheer (@AndrewScheer) August 12, 2020
ਇਸ ਤੋਂ ਪਹਿਲਾਂ ਵੀ ਚੈਰਿਟੀ ਦੇ ਸੰਸਥਾਪਕਾਂ ਤੋਂ ਵਿੱਤੀ ਕਮੇਟੀ ਨੇ ਪੁੱਛ ਗਿੱਛ ਕੀਤੀ ਸੀ, ਜਿਨ੍ਹਾਂ ਦਾਅਵਾ ਕੀਤਾ ਕਿ ਉਨ੍ਹਾਂ ਸਰਕਾਰ ਦੀ ਸਹਾਇਤਾ ਲਈ ਇਹ ਕੌਨਟਰੈਕਟ ਕੀਤਾ ਸੀ ਨਾ ਕਿ ਕੋਈ ਫਾਇਦਾ ਲੈਣ ਲਈ। ਉਧਰ ਸੰਸਥਾ ਨੇ ਦਾਅਵਾ ਕੀਤਾ ਕਿ ਨੌਜਵਾਨਾਂ ਦੀ ਸਹਾਇਤਾ ਕੀਤੀ ਗਈ ਹੈ।
