ਓਂਟਾਰੀਓ: ਸੋਮਵਾਰ ਸਵੇਰੇ ਗਾਰਡੀਨਰ ਐਕਸਪ੍ਰੈਸਵੇਅ ਉੱਤੇ ਗੋਲੀਆਂ ਚੱਲਣ ਦੀਆਂ ਮਿਲ ਰਹੀਆਂ ਰਿਪੋਰਟਾਂ ਤੋਂ ਬਾਅਦ ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਹ ਘਟਨਾ ਸਪੈਡੀਨਾ ਐਵਨਿਊ ਨੇੜੇ ਸਵੇਰੇ 6:00 ਵਜੇ ਵਾਪਰੀ |
ਪੁਲਿਸ ਨੇ ਦੱਸਿਆ ਕਿ ਇਹ ਗੋਲੀਆਂ ਕਿਸੇ ਗੱਡੀ ਵਿੱਚੋਂ ਚਲਾਈਆਂ ਦੱਸੀਆਂ ਜਾਂਦੀਆਂ ਹਨ। ਕਿਸੇ ਦੇ ਜ਼ਖ਼ਮੀ ਹੋਣ ਦੀ ਖਬਰ ਨਹੀਂ ਹੈ। ਕਈ ਘੰਟਿਆਂ ਤੱਕ ਸਪੈਡੀਨਾ ਉੱਤੇ ਗਾਰਡੀਨਰ ਲਾਗੇ ਟਰੈਫਿਕ ਬੰਦ ਰਿਹਾ ਜਦਕਿ ਪੁਲਿਸ ਅਜੇ ਵੀ ਮਾਮਲੇ ਦੀ ਜਾਂਚ ਕਰ ਰਹੀ ਹੈ| ਲੇਨਜ਼ ਸਵੇਰੇ 10:30 ਵਜੇ ਖੁੱਲ੍ਹੀਆਂ।
ਪੁਲਿਸ ਵਲੋਂ ਨੰਬਰ 416-808-2222 ਜਾਰੀ ਕੀਤਾ ਗਿਆ ਹੈ ਜਿਸ ਵਿਅਕਤੀ ਨੂੰ ਵੀ ਜਾਣਕਾਰੀ ਹੋਵੇ ਕਾਲ ਕਰਕੇ ਦਸ ਸਕਦੇ ਹਨ।
