ਅਮਰੀਕਾ ਤੇ ਈਰਾਨ ਵਿਚਾਲੇ ਤਣਾਅ ਦੀ ਸਥਿਤੀ ਲਗਾਤਾਰ ਗੰਭੀਰ ਹੁੰਦੀ ਜਾ ਰਹੀ ਹੈ । ਬੁੱਧਵਾਰ ਨੂੰ ਫਾਰਸ ਦੀ ਖਾੜੀ ’ਚ ਗਸ਼ਤ ਕਰ ਰਹੇ ਅਮਰੀਕੀ ਜੰਗੀ ਬੇੜੇ ਦੇ ਨੇੜੇ ਈਰਾਨੀ ਸੈਨਾ ਦੇ ਤਿੰਨ ਜਹਾਜ਼ ਆ ਗਏ। ਚਿਤਾਵਨੀ ਨੂੰ ਨਜ਼ਰਅੰਦਾਜ਼ ਕਰਨ ’ਤੇ ਅਮਰੀਕੀ ਜੰਗੀ ਬੇੜੇ ਤੋਂ ਇਹਨਾਂ ਤੇ ਫਾਇਰਿੰਗ ਕੀਤੀ ਗਈ।
ਅਮਰੀਕੀ ਜਲ ਸੈਨਿਕ ਤਰਜਮਾਨ ਨੇ ਕਿਹਾ ਕਿ ਫਾਰਸ ਦੀ ਖਾੜੀ ’ਚ ਉਨ੍ਹਾਂ ਦਾ ਜੰਗੀ ਬੇੜੇ ਯੂਐੱਸਸੀਜੀਸੀ ਬਾਰਾਨਾਫ ਗਸ਼ਤ ’ਤੇ ਸੀ, ਤਦੇ ਈਰਾਨ ਦੇ ਤਿੰਨ ਜਹਾਜ਼ 62 ਮੀਟਰ ਦੀ ਦੂਰੀ ’ਤੇ ਆ ਗਏ। ਇਹ ਜਹਾਜ਼ ਈਰਾਨ ਦੀ ਪੈਰਾਮਿਲਟਰੀ ਰੈਵੋਲਿਊਸ਼ਨਰੀ ਗਾਰਡ ਦੇ ਸਨ। ਅਮਰੀਕਾ ਨੇ ਇਨ੍ਹਾਂ ਨੂੰ ਰੋਕਣ ਲਈ ਚਿਤਾਵਨੀ ਫਾਇਰ ਕੀਤੇ।
ਅਮਰੀਕੀ ਜਲ ਸੈਨਾ ਦੀ ਤਰਜਮਾਨ ਕਮਾਂਡਰ ਰੈਬੇਕਾ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਉਨ੍ਹਾਂ ਦੇ ਜੰਗੀ ਬੇੜੇ ਨੇ ਰੇਡੀਓ ਤੇ ਹੋਰ ਤਰੀਕਿਆਂ ਨਾਲ ਚਿਤਾਵਨੀ ਵੀ ਜਾਰੀ ਕੀਤੀ, ਪਰ ਈਰਾਨ ਦੇ ਜਹਾਜ਼ਾਂ ਨੇ ਚਿਤਾਵਨੀ ਵੀ ਜਾਰੀ ਕੀਤੀ, ਪਰ ਈਰਾਨ ਦੇ ਜਹਾਜ਼ਾਂ ਨੇ ਚਿਤਾਵਨੀ ਅਣਸੁਣੀ ਕਰ ਦਿੱਤੀ ਤੇ ਨਜ਼ਦੀਕ ਆਉਣ ਲੱਗੇ।
(2/6) The IRGCN armed speed boats rapidly approached @USNavy patrol coastal ship USS Firebolt (PC 10) & @USCG patrol boat USCGC Baranof (WPB 1318) to an unnecessarily close range with unknown intent, including a closest point of approach (CPA) of 68 yards to both U.S. ships.
— U.S. 5th Fleet (@US5thFleet) April 27, 2021
ਫਾਇਰਿੰਗ ਤੋਂ ਬਾਅਦ ਈਰਾਨ ਦੇ ਜਹਾਜ਼ਾਂ ਨੇ ਸੁਰੱਖਿਅਤ ਦੂਰੀ ਬਣਾ ਲਈ। ਤਰਜਮਾਨ ਨੇ ਕਿਹਾ ਕਿ ਈਰਾਨ ਦੀ ਜਲ ਸੈਨਾ ਨੂੰ ਅੰਤਰਰਾਸ਼ਟਰੀ ਨਿਯਮਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ ਤੇ ਸੁਰੱਖਿਅਤ ਦੂਰੀ ਬਣਾ ਕੇ ਚੱਲਣਾ ਚਾਹੀਦਾ ਹੈ।।
ਈਰਾਨ ਨੇ ਇਸ ਮਾਮਲੇ ’ਚ ਕੋਈ ਟਿੱਪਣੀ ਨਹੀਂ ਕੀਤੀ ਹੈ। ਇਹ ਇਸ ਮਹੀਨੇ ’ਚ ਦੂਜਾ ਮੌਕਾ ਹੈ, ਜਦੋਂ ਈਰਾਨ ਤੇ ਅਮਰੀਕਾ ਦੀ ਜਲ ਸੈਨਾ ਆਹਮੋ ਸਾਹਮਣੇ ਆਏ ਹਨ।
