ਟੋਰਾਂਟੋ : ਕੋਰੋਨਾ ਨਾਲ ਜੂਝਦੇ ਓਂਟਾਰੀਓ ਸੂਬੇ ਨੇ ਮੰਗਲਵਾਰ ਨੂੰ ਕੁਝ ਅਹਿਮ ਐਲਾਨ ਕੀਤੇ । ਪ੍ਰੋਵਿੰਸ਼ੀਅਲ ਬੁਕਿੰਗ ਸਿਸਟਮ ਰਾਹੀਂ ਓਂਟਾਰੀਓ ਦੇ ਹੌਟ ਸਪੌਟਸ ਵਿੱਚ ਕੋਵਿਡ-19 ਦੀ ਵੈਕਸੀਨੇਸ਼ਨ ਲਈ ਬੁਕਿੰਗ ਵਾਸਤੇ ਉਮਰ ਦੀ ਹੱਦ ਘਟਾ ਦਿੱਤੀ ਗਈ ਹੈ। ਪ੍ਰੋਵਿੰਸ਼ੀਅਲ ਸਰਕਾਰ ਅਨੁਸਾਰ ਮੰਗਲਵਾਰ ਸਵੇਰ ਤੋਂ 45 ਸਾਲ ਤੇ ਇਸ ਤੋਂ ਵੱਧ ਉਮਰ ਦੇ ਲੋਕ ਓਂਟਾਰੀਓ ਦੇ 114 ਹਾਈ ਰਿਸਕ ਇਲਾਕਿਆਂ ਵਿੱਚੋਂ ਇੱਕ ਵਿੱਚ ਮਾਸ ਇਮਿਊਨਾਈਜ਼ੇਸ਼ਨ ਕਲੀਨਿਕ ਉੱਤੇ ਵੈਕਸੀਨ ਬੁੱਕ ਕਰਵਾਉਣ ਲਈ ਯੋਗ ਐਲਾਨ ਦਿੱਤੇ ਗਏ ਹਨ । ਇਸ ਤੋਂ ਪਹਿਲਾਂ ਹਾਈ ਰਿਸਕ ਇਲਾਕਿਆਂ ਲਈ ਉਮਰ ਦੀ ਹੱਦ 50 ਸਾਲ ਸੀ। ਇਸ ਦੇ ਨਾਲ ਹੀ ਹੁਣ ਚਾਈਲਡ ਕੇਅਰ ਵਰਕਰਜ਼ ਨੂੰ ਵੀ ਕੋਵਿਡ-19 ਵੈਕਸੀਨੇਸ਼ਨ ਲਈ ਯੋਗ ਕਰਾਰ ਦੇ ਦਿੱਤਾ ਗਿਆ ਹੈ।
ਇਸ ਸਬੰਧ ਵਿੱਚ ਸਿਹਤ ਮੰਤਰੀ ਕ੍ਰਿਸਟੀਨ ਐਲੀਅਟ ਨੇ ਆਖਿਆ ਕਿ ਸਾਡੇ ਵੈਕਸੀਨ ਵੰਡ ਸਬੰਧੀ ਫੇਜ਼ ਟੂ ਵਿੱਚ ਹਾਈ ਰਿਸਕ ਕਮਿਊਨਿਟੀਜ਼ ਤੇ ਲੋਕਾਂ ਦੀ ਹਿਫਾਜ਼ਤ ਲਈ ਚੁੱਕਿਆ ਗਿਆ ਇਹ ਵੱਡਾ ਅਤੇ ਅਹਿਮ ਕਦਮ ਹੈ। ਉਨ੍ਹਾਂ ਆਖਿਆ ਕਿ ਵੈਕਸੀਨਜ਼ ਡਿਲਿਵਰ ਕਰਨ ਲਈ ਆਪਣਾ ਹਰ ਹੀਲਾ ਵਰਤਣ ਨਾਲ ਅਸੀੰ ਇਹ ਯਕੀਨੀ ਬਣਾਉਣਾ ਚਾਹੁੰਦੇ ਹਾਂ ਕਿ ਜਲਦ ਤੋਂ ਜਲਦ ਓਂਟਾਰੀਓ ਵਾਸੀਆਂ ਨੂੰ ਵੈਕਸੀਨੇਟ ਕੀਤਾ ਜਾ ਸਕੇ ਤੇ ਸਾਡੀਆਂ ਕਮਿਊਨਿਟੀਜ਼ ਵਿੱਚ ਕੋਵਿਡ-19 ਸੰਕ੍ਰਮਣ ਆਪਣੇ ਪੈਰ ਹੁਣ ਹੋਰ ਨਾ ਪਸਾਰ ਸਕੇ। ਉਨ੍ਹਾਂ ਆਖਿਆ ਕਿ ਇਨ੍ਹਾਂ ਹੌਟ ਸਪੌਟਸ ਉੱਤੇ ਮੌਜੂਦ ਤੇ ਇਸ ਉਮਰ ਵਰਗ ਦੇ ਲੋਕਾਂ ਨੂੰ ਆਨਲਾਈਨ ਪ੍ਰੋਵਿੰਸ਼ੀਅਲ ਬੁਕਿੰਗ ਸਿਸਟਮ ਜਾਂ ਕਾਲ ਸੈਂਟਰ ਦੀ ਵਰਤੋਂ ਕਰਨੀ ਚਾਹੀਦੀ ਹੈ।
Our government is working with public health units and businesses to set up workplace vaccination clinics in hot spot communities.
These clinics will vaccinate essential workers aged 18+ and members of the surrounding community.
Learn more: https://t.co/IxfJE5iYgT https://t.co/HFsjmhdTMk
— Christine Elliott (@celliottability) April 27, 2021
ਵੈਕਸੀਨੇਸ਼ਨ ਸਬੰਧੀ ਬਰੈਂਪਟਨ ਸਾਊਥ ਦੇ ਐਮਪੀਪੀ ਪ੍ਰਬਮੀਤ ਸਰਕਾਰੀਆ ਨੇ ਦੱਸਿਆ ਕਿ ਬਰੈਂਮਪਟਨ ਅਤੇ ਪੀਲ ਦੇ ਕੰਮਕਾਜ ਦੇ ਖੇਤਰਾਂ ਵਿਚ ਪੌਪ-ਅੱਪ ਕਲੀਨਿਕ ਚੱਲ ਰਹੇ ਹਨ। ਅੱਜ ਮੈਪਲ ਲੌਜ਼ ਫ਼ਾਰਮ ਦੇ ਮੁਲਾਜ਼ਮਾਂ ਨੂੰ ਵੈਕਸੀਨ ਦੀ ਖ਼ੁਰਾਕ ਦਿੱਤੀ ਗਈ।
Workplace pop-up clinics in #Brampton and Peel are up and running!
Today, @MapleLodgeFarms begun vaccinating workers at their #COVID19 vaccination site.
Rick was the first member to get his vaccine at this new workplace clinic! #onpoli pic.twitter.com/CIZMb4CwnQ
— Prabmeet Sarkaria (@PrabSarkaria) April 27, 2021
ਇਨ੍ਹਾਂ ਹੌਟ ਸਪੌਟਸ ਉੱਤੇ 18 ਸਾਲ ਤੇ ਇਸ ਤੋਂ ਵੱਧ ਉਮਰ ਦੇ ਬਾਲਗ ਵੀ ਵੈਕਸੀਨ ਲਵਾ ਸਕਦੇ ਹਨ ਪਰ ਅਜਿਹਾ ਲੋਕਲ ਪਬਲਿਕ ਹੈਲਥ ਯੂਨਿਟਸ ਤੇ ਕਮਿਊਨਿਟੀ ਗਰੁੱਪਜ਼ ਵੱਲੋਂ ਆਯੋਜਿਤ ਮੋਬਾਈਲ ਤੇ ਪੌਪ ਅੱਪ ਕਲੀਨਿਕਸ ਰਾਹੀਂ ਹੀ ਹੋ ਸਕਦਾ ਹੈ।
We are also launching 18+ Community and Mobile Pop-Up clinics across Peel.
Starting April 30 to May 11, residents 18+ within hot spot postal codes will be able to get the vaccine at these Peel Vaxx Pop Ups:
💉 Brampton Islamic Centre
💉 MAC Islamic Community Centre5/6 pic.twitter.com/zYxM39ffhe
— Prabmeet Sarkaria (@PrabSarkaria) April 27, 2021
ਦੱਸਣਯੋਗ ਹੈ ਕਿ ਸਪੈਸ਼ਲ ਨੀਡਜ਼ ਵਾਲੇ ਵਿਦਿਆਰਥੀਆਂ ਦੀ ਰੋਜ਼ ਮਦਦ ਕਰਨ ਵਾਲੇ ਐਜੂਕੇਸ਼ਨ ਵਰਕਰਜ਼ ਨੂੰ ਅਪ੍ਰੈਲ ਦੇ ਮੱਧ ਵਿੱਚ ਹੀ ਵੈਕਸੀਨੇਸ਼ਨ ਲਈ ਯੋਗ ਕਰਾਰ ਦੇ ਦਿੱਤਾ ਗਿਆ ਸੀ।ਹਾਈ ਰਿਸਕ ਏਰੀਆ ਵਿੱਚ ਰਹਿਣ ਵਾਲੇ ਤੇ ਕੰਮ ਕਰਨ ਵਾਲੇ ਸਾਰੇ ਐਜੂਕੇਸ਼ਨ ਵਰਕਰਜ਼ ਵੀ ਸ਼ੌਟ ਲਈ ਯੋਗ ਹਨ।
ਸਰਕਾਰ ਵੱਲੋਂ ਇਹ ਵੀ ਆਖਿਆ ਗਿਆ ਹੈ ਕਿ ਲਾਇਸੰਸਸੁ਼ਦਾ ਸੈਟਿੰਗਜ਼ ਵਿੱਚ ਚਾਈਲਡ ਕੇਅਰ ਵਰਕਰਜ਼ ਵੀ ਪ੍ਰੋਵਿੰਸ਼ੀਅਲ ਕਾਲ ਸੈਂਟਰ ਦੇ ਨੰਬਰ 1-833-943-3900 ਦੀ ਵਰਤੋਂ ਕਰਕੇ ਅਪੁਆਇੰਟਮੈਂਟ ਬੁੱਕ ਕਰਵਾ ਸਕਣਗੇ।
