ਵੁਡਸਟਾਕ : ਅਮਰੀਕਾ ਦੇ ਇਲੀਨੋਇਸ ਤੋਂ ਇਕ ਦਿਲ ਦਹਿਲਾ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਜਿਥੇ ਇਕ ਔਰਤ ਨੇ ਆਪਣੇ ਹੀ ਬੱਚੇ ਦੀ ਕੁੱਟ-ਕੁੱਟ ਕੇ ਹੱਤਿਆ ਕਰ ਦਿੱਤੀ। ਇਲੀਨੋਇਸ ‘ਚ ਔਰਤ ਨੂੰ ਆਪਣੇ ਬੱਚੇ ਦਾ ਸਰੀਰਕ ਅਤੇ ਮਾਨਸਿਕ ਸ਼ੋਸ਼ਣ ਕਰਨ ਅਤੇ ਕੁੱਟਮਾਰ ਕਰਨ ਦੇ ਦੋਸ਼ ‘ਚ 35 ਸਾਲ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ।
ਜਾਇਨ ਕਨਿੰਘਮ ਨੇ ਆਪਣੇ 5 ਸਾਲਾਂ ਬੱਚੇ ਐਂਡਰਿਊਜ਼ ਦਾ ਕਤਲ ਕਰਨ ਦਾ ਦੋਸ਼ ਦਸੰਬਰ ‘ਚ ਕਬੂਲ ਕੀਤਾ ਸੀ । ਪੁਲਿਸ ਨੂੰ ਬੱਚੇ ਦੀ ਲਾਸ਼ ਔਰਤ ਦੇ ਘਰ ਕੋਲ ਪਲਾਸਟਿਕ ‘ਚ ਲਪੇਟੀ ਮਿਲੀ ਸੀ, ਜਿਸ ਨੂੰ ਜ਼ਮੀਨ ‘ਚ ਟੋਇਆ ਪੁੱਟ ‘ਚ ਦੱਬਿਆ ਹੋਇਆ ਸੀ।
ਮੈਕਹੈਨਰੀ ਕਾਉਂਟੀ ਜੱਜ ਰੌਬਰਟ ਬਿਲਬ੍ਰਾਂਡ ਨੇ ਸ਼ੁੱਕਰਵਾਰ ਨੂੰ ਔਰਤ ਨੂੰ 35 ਸਾਲ ਕੈਦ ਦੀ ਸਜ਼ਾ ਸੁਣਾਈ ਹੈ ।
ਅਦਾਲਤ ਨੇ ਇਸ ਗੱਲ ‘ਤੇ ਗੌਰ ਕੀਤਾ ਕਿ ਔਰਤ ਨਸ਼ੇ ਦੀ ਆਦੀ ਸੀ। ਪਰ ਇਸਦੇ ਨਾਲ ਹੀ ਕਿਹਾ ਕਿ ਉਸ ਦਾ ਨਸ਼ੇ ਦਾ ਆਦੀ ਹੋਣਾ ਉਸ ਦੇ ਆਪਣੇ ਪੁੱਤ ਪ੍ਰਤੀ ਉਸ ਦੇ ਵਿਵਹਾਰ ਨੂੰ ਸਹੀ ਨਹੀਂ ਠਹਿਰਾਇਆ ਜਾ ਸਕਦਾ।” ਐਂਡਰਿਊਜ਼ ਦੇ ਪਿਤਾ ‘ਤੇ ਵੀ ਕਤਲ ਦਾ ਦੋਸ਼ ਲਾਇਆ ਗਿਆ ਸੀ ਪਰ ਉਸ ਨੇ ਆਪਣੇ ਆਪ ਨੂੰ ਬੇਕਸੂਰ ਦੱਸਿਆ ਹੈ । ਇਸ ਸਾਰੇ ਮਾਮਲੇ ਦੀ ਸੁਣਵਾਈ ਵਿਚਾਰ ਅਧੀਨ ਹੈ।
