ਜਕਾਰਤਾ : ਬੁੱਧਵਾਰ ਦੀ ਸਵੇਰ ਇੰਡੋਨੇਸ਼ੀਆ ਦੀ ਸਮੁੰਦਰੀ ਸੈਨਾ ਦੇ ਲਈ ਭਾਰੀ ਸਾਬਤ ਹੋਈ । ਇੰਡੋਨੇਸ਼ੀਆ ਦੀ ਨੇਵੀ ਨੇ ਇਸ ਸਮੇਂ ਆਪਣੀ ਲਾਪਤਾ ਪਣਡੁੱਬੀ ਦੀ ਭਾਲ ਦੀ ਮੁਹਿੰਮ ਛੇੜੀ ਹੋਈ ਹੈ। ਇਹ ਪਣਡੁੱਬੀ ਬੁੱਧਵਾਰ ਸਵੇਰੇ ਅਭਿਆਸ ਦੌਰਾਨ ਲਾਪਤਾ ਹੋ ਗਈ । ਇਸ ‘ਚ 53 ਨੇਵੀ ਸੈਨਿਕ ਸਨ। ਇੰਡੋਨੇਸ਼ੀਆ ਨੇ ਗੁਆਂਢੀ ਆਸਟ੍ਰੇਲੀਆ ਅਤੇ ਸਿੰਗਾਪੁਰ ਤੋਂ ਪਣਡੁੱਬੀ ਦੀ ਭਾਲ ‘ਚ ਮਦਦ ਮੰਗੀ ਹੈ। ਜਰਮਨੀ ‘ਚ ਬਣੀ ਪਣਡੁੱਬੀ ਕੇਆਰਆਈ ਨਾਂਗਗਲਾ-402 (KRI NANGGALA-402) ਬਾਲੀ ਟਾਪੂ ਦੇ ਨੇੜੇ ਸਮੁੰਦਰ ‘ਚ ਤਾਰਪੀਡੋ ਛੱਡੇ ਜਾਣ ਤੇ ਉਸ ਤੋਂ ਬਚਣ ਦਾ ਅਭਿਆਸ ਕਰ ਰਹੀ ਸੀ।
Indonesian Navy (TNI AL) Type-209 /1300 class Submarine KRI Nanggala (402) is reported missing in waters north of Bali after it missed a radio check-in.https://t.co/6MsFaK0kBF
— Naval News (@navalnewscom) April 21, 2021
ਦੱਸਿਆ ਜਾ ਰਿਹਾ ਹੈ ਕਿ ਤਾਰਪੀਡੋ ਦੇ ਅਭਿਆਸ ਦੌਰਾਨ ਉਸ ਦਾ ਕੰਟਰੋਲ ਰੂਮ ਨਾਲ ਸੰਪਰਕ ਟੁੱਟ ਗਿਆ ਤੇ ਉਸ ਤੋਂ ਬਾਅਦ ਉਸ ਤਾ ਪਤਾ ਨਹੀਂ ਲੱਗਿਆ। ਇੰਡੋਨੇਸ਼ੀਆਈ ਫ਼ੌਜ ਦੇ ਮੁਖੀ ਹਾਦੀ ਜਾਹਜਾਂਤੋ ਨੇ ਦੱਸਿਆ ਕਿ ਪਣਡੁੱਬੀ ਬਾਲੀ ਟਾਪੂ ਤੋਂ ਕਰੀਬ 96 ਕਿਲੋਮੀਟਰ ਦੂਰ ਤੜਕੇ 4.30 ਵਜੇ ਲਾਪਤਾ ਹੋਈ। ਇਸ ‘ਚ 53 ਨੇਵੀ ਜਵਾਨ ਹਨ। ਫੌਜੀ ਸੂਤਰਾਂ ਅਨੁਸਾਰ 1978 ‘ਚ ਬਣੀ ਇਹ ਪਣਡੁੱਬੀ 1,395 ਟਨ ਵਜ਼ਨੀ ਹੈ। 2010 ‘ਚ ਇਸ ਨੂੰ ਮਰੰਮਤ ਆਦਿ ਕਾਰਜਾਂ ਲਈ ਦੱਖਣੀ ਕੋਰੀਆ ਭੇਜਿਆ ਗਿਆ ਸੀ। ਦੋ ਸਾਲ ਬਾਅਦ ਪਣਡੁੱਬੀ ਇੰਡੋਨੇਸ਼ੀਆਈ ਨੇਵੀ ਨੂੰ ਵਾਪਸ ਮਿਲੀ ਸੀ।
