ਓਟਾਵਾ : ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫਸਰ ਡਾ. ਥੇਰੇਸਾ ਟਾਮ ਨੇ ਕਿਹਾ ਕਿ ਕੈਨੇਡਾ ਵਿੱਚ ਕੋਰੋਨਾ ਮਹਾਂਮਾਰੀ ਹੁਣ ਇੱਕ ‘ਚੁਣੌਤੀਪੂਰਨ’ ਪੜਾਅ ਵਿੱਚ ਦਾਖਲ ਹੋ ਚੁੱਕੀ ਹੈ । ਉਹਨਾਂ ਸਲਾਹ ਦਿੱਤੀ ਕਿ ਕੈਨੇਡੀਅਨ ਜਨਤਕ ਸਿਹਤ ਦੇ ਉਪਾਵਾਂ ਦੀ ਪਾਲਣਾ ਕਰਨ ਅਤੇ ਵੈਕਸੀਨ ਲਈ ਵੀ ਤਿਆਰ ਰਹਿਣ । ਫੇਸਬੁੱਕ ‘ਤੇ ਪ੍ਰਸ਼ਨ-ਉੱਤਰ ਸੈਸ਼ਨ ਵਿਚ ਹਿੱਸਾ ਲੈਂਦੇ ਹੋਏ, ਡਾ਼. ਟਾਮ ਨੇ ਕਿਹਾ ਕਿ ਹੁਣ ਕੈਨੇਡੀਅਨਾਂ ਲਈ ਵਿਸ਼ਾਲ ਇਕੱਠ ਕਰਨ ਦਾ ਸਮਾਂ ਨਹੀਂ ਹੈ – ਦੇਸ਼ ਕੋਰੋਨਾ ਦੀ ਤੀਸਰੀ ਲਹਿਰ ਵੱਲ ਵਧ ਚੁੱਕਾ ਹੈ। ਇਸ ਤੋਂ ਵੀ ਵਧ ਕੇ ਹਸਪਤਾਲਾਂ ਦੇ ਆਈ.ਸੀ.ਯੂ. ਕੋਰੋਨਾ ਪੀੜਤਾਂ ਨਾਲ ਲਗਾਤਾਰ ਭਰ ਰਹੇ ਹਨ।
2/3 Over the past week, on average, 2,302 people (↑7%) with #COVID19 were being treated in our hospitals each day, incl. 673 (↑14%) in intensive care units, which is placing renewed strain on the health system & #healthcare workforce.
— Dr. Theresa Tam (@CPHO_Canada) March 31, 2021
ਡਾ. ਥੇਰੇਸਾ ਟਾਮ ਅਨੁਸਾਰ “ਸਾਨੂੰ ਇਸ ਸਮੇਂ ਪੂਰੀ ਸਾਵਧਾਨੀ ਰੱਖਣ ਦੀ ਜ਼ਰੂਰਤ ਹੈ ਕਿਉਂਕਿ ਕੈਨੇਡਾ ਵਿੱਚ ਵੱਡੀ ਗਿਣਤੀ ਲੋਕ ਹਨ ਜਿਨ੍ਹਾਂ ਨੂੰ ਇਸ ਵੇਲੇ ਟੀਕੇ ਨਹੀਂ ਲਗਾਏ ਗਏ ਹਨ, ਇਸ ਲਈ ਮੈਂ ਕਹਾਂਗੀ ਕਿ ਇਹ ਅਵਧੀ ਸਭ ਤੋਂ ਚੁਣੌਤੀ ਭਰਪੂਰ ਦੌਰ ਹੈ।”
3/3 In this situation, and as we’re still early in expanding vaccination coverage, it’s vitally important that we all continue to follow local public health advice & maintain individual protective practices. #CrushCOVID refresher here:https://t.co/w27G7rpZu4
— Dr. Theresa Tam (@CPHO_Canada) March 31, 2021
“ਇਹ ਸਮਝਨਾ ਵੀ ਜ਼ਰੂਰੀ ਹੈ ਕਿ ਕੋਰੈਨਾ ਵਾਇਰਸ ਦੇ ਨਵੇਂ ਰੂਪ ਵੀ ਵੱਡੀ ਗਿਣਤੀ ‘ਚ ਸਾਹਮਣੇ ਆ ਰਹੇ ਹਨ। ਸਾਡੇ ਕੋਲ ਹੁਣ ਵਾਇਰਸ ਦੇ ਰੂਪ ਬਦਲ ਗਏ ਹਨ ਜੋ ਵਧੇਰੇ ਤੇਜ਼ੀ ਨਾਲ ਪ੍ਰਸਾਰਣਯੋਗ ਹਨ, ਇਸ ਲਈ ਇੱਥੇ ਗਲਤੀਆਂ ਲਈ ਘੱਟ ਜਗ੍ਹਾ ਹੈ। ”
ਡਾ. ਟਾਮ ਨੇ ਇਸ ਦੇ ਨਾਲ ਹੀ ਇਹ ਵੀ ਕਿਹਾ ਕਿ ਇਸ ਵਾਰ ਦੀ ਗਰਮੀ ਰੁੱਤ ‘ਉਮੀਦ’ ਵਾਲੀ ਦਿਖਾਈ ਦੇ ਰਹੀ ਹਨ, ਕਿਉਂਕਿ ਵੈਕਸੀਨ ਟੀਕਿਆਂ ਦੀ ਸਪੁਰਦਗੀ ਦੇ ਅਨੁਮਾਨਾਂ ਤੋਂ ਇਹ ਸੰਕੇਤ ਮਿਲਦਾ ਹੈ ਕਿ ਹਰ ਕੈਨੇਡੀਅਨ ਜੋ ਟੀਕਾ ਲਗਵਾਉਣਾ ਚਾਹੁੰਦਾ ਹੈ, ਨੂੰ ਵੈਕਸੀਨ ਦੀ ਪਹਿਲੀ ਖ਼ੁਰਾਕ ਜੂਨ ਦੇ ਆਸਪਾਸ ਜਾਂ ਜੂਨ ਦੇ ਅੰਤ ਤੱਕ ਹੋ ਜਾਵੇਗੀ ।
ਇੱਥੇ ਦੱਸਣਯੋਗ ਹੈ ਕਿ ਕੈਨੇਡਾ ਵੱਲੋਂ ਚਾਰ ਦਵਾ ਕੰਪਨੀਆਂ ਦੀ ਵੈਕਸੀਨਾਂ ਨੂੰ ਪ੍ਰਵਾਨਗੀ ਦਿੱਤੀ ਗਈ ਹੈ, ਇਹ ਚਾਰੇ ਕੰਪਨੀਆਂ ਮਈ ਅਤੇ ਜੂਨ ਮਹੀਨੇ ਵਿੱਚ ਵੱਡੀ ਮਾਤਰਾ ਵਿੱਚ ਵੈਕਸੀਨ ਖੁਰਾਕਾਂ ਦੀ ਕੈਨੇਡਾ ਨੂੰ ਸਪੁਰਦਗੀ ਕਰਨਗੇ। ਇਹਨਾਂ ‘ਚ ਮੋਡੇਰਨਾ, ਫਾਇਜ਼ਰ, ਐਸਟ੍ਰਾਜ਼ੇਨੇਕਾ ਅਤੇ ਜਾਨਸਨ ਐਂਡ ਜਾਨਸਨ ਸ਼ਾਮਲ ਹਨ। ਜਾਨਸਨ ਐਂਡ ਜਾਨਸਨ ਦੀ ਵੈਕਸੀਨ ਸਿੰਗਲ ਡੋਜ਼ ਵੈਕਸੀਨ ਹੈ।
