ਵਾਸ਼ਿੰਗਟਨ : ਕਈ ਹਫ਼ਤਿਆਂ ਦੀ ਵਿਚਾਰ ਚਰਚਾ ਤੋਂ ਬਾਅਦ ਆਖ਼ਰਕਾਰ ਅਮਰੀਕਾ ਦੇ ਨਾਗਰਿਕਾਂ ਨੂੰ ਰਾਹਤ ਸਹਾਇਤਾ ਮਿਲਣ ਦਾ ਰਾਹ ਪੱਧਰਾ ਹੋ ਗਿਆ ਹੈ । ਅਮਰੀਕਾ ਦੇ Joe Biden ਪ੍ਰਸ਼ਾਸਨ ਨੇ ਮਹੱਤਵਪੂਰਣ ਕੋਰੋਨਾ ਰਾਹਤ ਬਿੱਲ ਨੂੰ ਸੰਸਦ ਵਿਚ ਪਾਸ ਕਰ ਦਿੱਤਾ ਹੈ। ਬੁੱਧਵਾਰ ਨੂੰ ਸੰਸਦ ਨੇ ਸਾਂਝੇ ਇਜਲਾਸ ਵਿਚ 1.9 ਖਰਬ ਦੇ ਇਸ ਬਿੱਲ ਨੂੰ ਪਾਸ ਕੀਤਾ ਗਿਆ। ਬਿੱਲ ਦੇ ਪਾਸ ਹੋਣ ਨਾਲ ਅਮਰੀਕਾ ਦੇ ਰਾਸ਼ਟਰਪਤੀ Joe Biden ਨੇ ਇਸ ਸਬੰਧ ਵਿਚ ਟਵੀਟ ਵੀ ਕੀਤਾ।
Before I took office, I promised you that help was on the way. Today, I signed the American Rescue Plan into law, and can officially say: help is here. pic.twitter.com/uuEZAkGloz
— President Biden (@POTUS) March 11, 2021
ਅਮਰੀਕਾ ਦੀ ਉਪ-ਰਾਸ਼ਟਰਪਤੀ ਕਮਲਾ ਹੈਰਿਸ ਨੇ ਕੋਰੋਨਾ ਰਾਹਤ ਬਿਲ ਪਾਸ ਹੋਣ ਤੋਂ ਬਾਅਦ ਮਿਲਣ ਵਾਲੀ ਰਾਹਤ ਬਾਰੇ ਵਿਸਥਾਰ ਪੂਰਬਕ ਜਾਣਕਾਰੀ ਦਿੰਦੇ ਹੋਏ ਟਵੀਟ ਕੀਤਾ।
The American Rescue Plan has passed, but what does that mean for you? Find out here: https://t.co/jksYhDbWc1
— Vice President Kamala Harris (@VP) March 11, 2021
ਹੁਣ ਇਸ ਕੋਰੋਨਾ ਰਾਹਤ ਬਿੱਲ ਦੇ ਸੰਸਦ ਦੇ ਦੋਵਾਂ ਸਦਨਾਂ ਦੇ ਸਾਂਝੇ ਇਜਲਾਸ ਵਿਚ ਪਾਸ ਹੋਣ ਪਿੱਛੋਂ ਆਮ ਅਮਰੀਕੀਆਂ ਦੀ ਮਦਦ ਦਾ ਰਸਤਾ ਸਾਫ਼ ਹੋ ਗਿਆ ਹੈ। ਇਸ ਅਨੁਸਾਰ ਹਰ ਅਮਰੀਕੀ ਨੂੰ 1,400 ਡਾਲਰ (ਕਰੀਬ ਇਕ ਲੱਖ ਰੁਪਏ) ਦੀ ਸਿੱਧੀ ਮਦਦ ਦਿੱਤੀ ਜਾਵੇਗੀ। ਇਸ ਤੋਂ ਇਲਾਵਾ ਸੰਘੀ ਬੇਰੁਜ਼ਗਾਰੀ ਭੱਤੇ ਤਹਿਤ ਸਤੰਬਰ ਤੋਂ 300 ਡਾਲਰ (ਕਰੀਬ 22 ਹਜ਼ਾਰ ਰੁਪਏ) ਹਰ ਹਫ਼ਤੇ ਮਦਦ ਦਿੱਤੀ ਜਾਵੇਗੀ। ਸੰਸਦ ਦੀ ਸਪੀਕਰ ਨੈਂਸੀ ਪੇਲੋਸੀ ਨੇ ਕਿਹਾ ਕਿ ਇਸ ਫ਼ੈਸਲੇ ਨਾਲ ਕਰੋੜਾਂ ਅਮਰੀਕੀਆਂ ਨੂੰ ਮਹਾਮਾਰੀ ਕਾਰਨ ਆਈਆਂ ਮੁਸ਼ਕਲਾਂ ਤੋਂ ਕੁਝ ਰਾਹਤ ਮਿਲੇਗੀ। ਇਸ ਬਿੱਲ ਤੋਂ ਡੈਮੋਕ੍ਰੇਟ ਨੂੰ ਬੜੀ ਉਮੀਦ ਹੈ। ਚੋਣ ਵਿਚ ਲੋਕਾਂ ਨੂੰ ਮਦਦ ਕਰਨ ਦੇ ਵਾਅਦੇ ਪੂਰਾ ਕਰਨ ਦੇ ਰੂਪ ਵਿਚ ਵੀ ਇਸ ਨੂੰ ਦੇਖਿਆ ਜਾ ਰਿਹਾ ਹੈ। ਇਸ ਦੇ ਮਾਧਿਅਮ ਰਾਹੀਂ ਕੋਰੋਨਾ ਮਹਾਮਾਰੀ ਤੋਂ ਪੀੜਤ ਸਾਰੇ ਲੋਕਾਂ ਨੂੰ ਕਾਫ਼ੀ ਰਾਹਤ ਮਿਲੇਗੀ ।
