ਜਰਮਨੀ : ਮੀਡੀਆ ‘ਤੇ ਨਿਗਰਾਨੀ ਰੱਖਣ ਵਾਲੇ ਰਿਪੋਰਟਰਜ਼ ਵਿਦਾਊਟ ਫਰੀਡਮ (RSF) ਨੇ ਸਾਊਦੀ ਅਰਬ ਦੇ ਕ੍ਰਾਊਨ ਪ੍ਰਿੰਸ ਮੁਹੰਮਦ ਬਿਨ ਸਲਮਾਨ ਤੇ ਦੂਜੇ ਹੋਰ ਅਧਿਕਾਰੀਆਂ ‘ਤੇ ਮਨੁੱਖਤਾ ਖ਼ਿਲਾਫ਼ ਅਪਰਾਧ ਕਰਨ ਦਾ ਦੋਸ਼ ਲਾਇਆ ਹੈ। ਵਾਸ਼ਿੰਗਟਨ ਪੋਸਟ ਦੇ ਪੱਤਰਕਾਰ ਜਮਾਲ ਖਸ਼ੋਗੀ ਦੀ ਹੱਤਿਆ ਦਾ ਜ਼ਿਕਰ ਕਰਦਿਆਂ ਮੀਡੀਆ ਸੰਗਠਨ ਨੇ ਜਰਮਨੀ ਦੀ ਇਕ ਅਦਾਲਤ ‘ਚ 500 ਪੰਨਿਆਂ ਦੀ ਸ਼ਿਕਾਇਤ ਦਰਜ ਕਰਵਾਈ ਹੈ।
RSF has filed a complaint with the German Prosecutor targeting Saudi Crown Prince Mohammed Bin Salman for crimes against humanity, revealing the widespread and systematic nature of the persecution of journalists and the assassination of #JamalKhashoggi.https://t.co/ooESEemxs4
— RSF (@RSF_inter) March 2, 2021
ਆਰਐੱਸਐੱਫ ਨੇ ਕਿਹਾ ਕਿ ਸਾਲ 2018 ‘ਚ ਇਸਤਾਂਬੁਲ ਸਥਿਤ ਸਾਊਦੀ ਵਣਜ ਸਫ਼ਾਰਤਖਾਨੇ ‘ਚ 30 ਤੋਂ ਜ਼ਿਆਦਾ ਪੱਤਰਕਾਰਾਂ ਨੂੰ ਨਾ ਸਿਰਫ ਗ਼ੈਰ-ਕਾਨੂੰਨ ਢੰਗ ਨਾਲ ਹਿਰਾਸਤ ‘ਚ ਰੱਖਿਆ ਗਿਆ ਹੈ ਬਲਕਿ ਜਮਾਲ ਖਸ਼ੋਗੀ ਦੀ ਹੱਤਿਆ ਵੀ ਕੀਤੀ ਗਈ।
ਆਰਐੱਸਐੱਫ ਦੀ ਸ਼ਿਕਾਇਤ ‘ਚ ਹੋਰ ਕਿਹੜੇ ਸਾਊਦੀ ਅਧਿਕਾਰੀਆਂ ਦੇ ਨਾਂ ਹਨ, ਇਸ ਸਬੰਧੀ ਜਾਣਕਾਰੀ ਨਹੀਂ ਮਿਲ ਸਕੀ ਹੈ। ਸਾਊਦੀ ਸਰਕਾਰ ਨਾਲ ਜੁੜੇ ਮੀਡੀਆ ਵਿੰਗ ਨੇ ਵੀ ਸ਼ਿਕਾਇਤ ਨੂੰ ਲੈ ਕੇ ਕਿਸੇ ਤਰ੍ਹਾਂ ਦੀ ਪ੍ਰਤੀਕਿਰਿਆ ਜ਼ਾਹਰ ਨਹੀਂ ਕੀਤੀ ਹੈ। ਆਰਐੱਸਐੱਫ ਦੇ ਸਕੱਤਰ ਜਨਰਲ ਕ੍ਰਿਸਟੋਫੀ ਡੇਲੋਰ ਨੇ ਕਿਹਾ ਕਿ ਅਪਰਾਧ ਲਈ ਜ਼ਿੰਮੇਵਾਰ ਲੋਕਾਂ ਨੂੰ ਸਜ਼ਾ ਦਿੱਤੀ ਜਾਵੇ। ਉਨ੍ਹਾਂ ਨੇ ਕਿਹਾ ਕਿ ਸਰਵਵਿਆਪੀ ਅਧਿਕਾਰ ਖੇਤਰ ਦੇ ਸਿਧਾਂਤ ਕਾਰਨ ਜਰਮਨੀ ‘ਚ ਮੁਕੱਦਮਾ ਦਾਇਰ ਕੀਤਾ ਗਿਆ ਹੈ।
