ਓਟਾਵਾ : ਕੈਨੇਡਾ ਦੀ ਮੁੱਖ ਜਨਤਕ ਸਿਹਤ ਅਧਿਕਾਰੀ ਡਾ. ਥੈਰੇਸਾ ਟਾਮ ਨੇ ਮੰਗਲਵਾਰ ਨੂੰ ਕਿਹਾ ਕਿ ਕੋਵਿਡ-19 ਵਾਇਰਸ ਦੀਆਂ ਗਤੀਵਿਧੀਆਂ ਅਤੇ ਗੰਭੀਰ ਨਤੀਜੇ ਰਾਸ਼ਟਰੀ ਪੱਧਰ ‘ਤੇ ਘਟ ਰਹੇ ਹਨ। ਉਹਨਾਂ ਕਿਹਾ ਕਿ ਘੱਟੋ-ਘੱਟ ਚਾਰ ਪ੍ਰਾਂਤਾਂ ਵਿੱਚ ਤੇਜ਼ੀ ਨਾਲ ਫੈਲਣ ਵਾਲੇ ਰੂਪਾਂ ਨਾਲ ਜੁੜੇ ਭਾਈਚਾਰੇ ‘ਚ ਫੈਲਣ (Community Spread) ਅਤੇ ‘ਫੈਲਣ ਦੀਆਂ ਗਤੀਵਿਧੀਆਂ’ ਦੇ ਸਬੂਤ ਮਿਲੇ ਹਨ।
ਟਾਮ ਨੇ ਇਹ ਵੀ ਕਿਹਾ ਕਿ ਹੁਣ ਸਾਰੇ 10 ਸੂਬਿਆਂ ਵਿੱਚ ਨਵੇਂ ਰੂਪਾਂ ਦੀ ਪਛਾਣ ਕੀਤੀ ਗਈ ਹੈ।
ਕਿਊਬਿਕ ਨੇ ਮੰਗਲਵਾਰ ਨੂੰ 669 ਕੋਵਿਡ-19 ਕੇਸਾਂ ਦੀ ਰਿਪੋਰਟ ਕੀਤੀ। ਬੀਤੇ ਸਾਲ 25 ਸਤੰਬਰ ਤੋਂ ਬਾਅਦ ਇਹ ਸਭ ਤੋਂ ਘੱਟ ਰੋਜ਼ਾਨਾ ਅੰਕੜਾ ਹੈ, ਜਦੋਂ 637 ਨਵੇਂ ਮਾਮਲੇ ਸਾਹਮਣੇ ਆਏ ਸਨ। ਇਸ ਵਿਚ 20 ਹੋਰ ਮੌਤਾਂ ਦੀ ਵੀ ਖਬਰ ਮਿਲੀ ਹੈ।
ਦੁਪਹਿਰ ਦੇਰ ਸ਼ਾਮ ਇਕ ਨਿਉਜ਼ ਕਾਨਫਰੰਸ ਵਿਚ, ਪ੍ਰੀਮੀਅਰ ਫ੍ਰੈਨਸੋ ਲੇਗੌਲਟ ਨੇ ਮਾਰਚ ਦੇ ਬਰੇਕ ਲਈ ਨਿਯਮ ਨਿਰਧਾਰਤ ਕੀਤੇ : ‘ਮੂਵੀ ਥੀਏਟਰ ਖੁੱਲ੍ਹ ਸਕਦੇ ਹਨ ਅਤੇ ਇਨਡੋਰ ਖੇਡਾਂ ਦੀ ਆਗਿਆ ਦਿੱਤੀ ਜਾਏਗੀ, ਪਰ ਸੂਬੇ ‘ਚ ਰੈਡ-ਜ਼ੋਨ ਪਾਬੰਦੀਆਂ ‘ਆਉਟੌਇਸ ਖੇਤਰ’ ਨੂੰ ਛੱਡ ਕੇ ਬਾਕੀ ਸਭ ਵਿਚ ਰਹਿਣਗੀਆਂ।’
ਲੇਗਲਟ ਨੇ ਕਿਹਾ,’ਸਾਡੇ ਕੋਲ ਕੁਝ ਮੁਸ਼ਕਲ ਹਫ਼ਤੇ ਅੱਗੇ ਹਨ। ਬਸੰਤ ਆ ਰਿਹਾ ਹੈ । ਪਰ ਜੇ ਅਸੀਂ ਇੱਕ ਸੁੰਦਰ ਬਸੰਤ ਚਾਹੁੰਦੇ ਹਾਂ, ਤਾਂ ਸਾਨੂੰ ਸਾਵਧਾਨ ਰਹਿਣਾ ਚਾਹੀਦਾ ਹੈ।’
ਓਂਟਾਰੀਓ ਵਿੱਚ ਮੰਗਲਵਾਰ ਨੂੰ ਕੋਵੀਡ-19 ਦੇ 904 ਅਤੇ ਸੋਮਵਾਰ ਨੂੰ 964 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਫੈਮਲੀ ਡੇਅ ਦੀ ਛੁੱਟੀ ਕਾਰਨ ਸੂਬੇ ਨੇ ਸੋਮਵਾਰ ਨੂੰ ਅਪਡੇਟ ਕੀਤੇ ਅੰਕੜੇ ਨਹੀਂ ਪ੍ਰਦਾਨ ਕੀਤੇ।
