ਵਿਕਟੋਰੀਆ : ਉੱਤਰੀ ਵੈਨਕੂਵਰ ਦੇ ਕਲੀਵਲੈਂਡ ਡੈਮ ਤੋਂ ਵੱਡੇ ਪੱਧਰ ‘ਤੇ ਪਾਣੀ ਨੂੰ ਗੈਰ ਯੋਜਨਾਬੱਧ ਤਰੀਕੇ ਨਾਲ ਛੱਡਣ ਦਾ ਆਮ ਲੋਕਾਂ ਵੱਲੋਂ ਤਿੱਖਾ ਵਿਰੋਧ ਕੀਤਾ ਜਾ ਰਿਹਾ ਹੈ । ਇਸ ਸਬੰਧ ਵਿਚ ਇਕ ਨਵੀਂ ਚੇਤਾਵਨੀ ਪ੍ਰਣਾਲੀ ਨੂੰ ਸਥਾਪਤ ਕਰਨ ਦੀ ਮੰਗ ਕੀਤੀ ਜਾ ਰਹੀ ਹੈ। ਵੀਰਵਾਰ ਦੇ ਦੁਖਾਂਤ ‘ਚ ਹੋਰ ਲੋਕਾਂ ਨੂੰ ਭਜਾਉਂਦੇ ਸਮੇਂ ਇਕ ਵਿਅਕਤੀ ਦੀ ਮੌਤ ਹੋ ਗਈ ਜਦੋਂ ਕਿ ਕੁਝ ਵਿਅਕਤੀ ਹਾਲੇ ਲਾਪਤਾ ਦੱਸੇ ਜਾ ਰਹੇ ਨੇ ।
ਕੋਡੀ ਮੈਥਿਊਜ਼, ਉਸ ਸਮੇਂ ਨਦੀ ਦੇ ਕੰਢੇ ਮੌਜੂਦ ਸੀ ਜਦੋਂ ਇਹ ਹਾਦਸਾ ਵਾਪਰਿਆ, ਉਸ ਨੇ ਉਸ ਵਕਤ ਹੇਠਾਂ ਵਹਿ ਰਹੇ ਪਾਣੀ ਨੂੰ ਇਕਦਮ ਵਧਦੇ ਦੇਖਿਆ । ਘਟਨਾ ਦਾ ਜ਼ਿਕਰ ਕਰਦਿਆਂ ਉਸ ਨੇ ਕਿਹਾ ਕਿ ਜਦੋਂ ਉਸਨੇ ਦੇਖਿਆ ਕਿ ਪਾਣੀ ਨਦੀ ਦੇ ਕੋਨੇ ਦੇ ਆਲੇ-ਦੁਆਲੇ ਇਕਦਮ ਵਧਣਾ ਸ਼ੁਰੂ ਹੋਇਆ ਤਾਂ ਮੈਂ ਚੀਕਣਾ ਸ਼ੁਰੂ ਕਰ ਦਿੱਤਾ ਸੀ, ਨਦੀ ਦਾ ਪਾਣੀ ਲਗਾਤਾਰ ਉੱਚਾ ਹੋ ਰਿਹਾ ਸੀ ਅਤੇ ਸਕਿੰਟਾਂ ਵਿੱਚ ਹੀ ਇਹ ਛੇ-ਸੱਤ ਫੁੱਟ ਉੱਚਾ ਹੋ ਗਿਆ”
ਮੈਥਿਊ ਦੇ ਪੁੱਤਰ ਵਿਲੀਅਮ ਜੋਸਫ਼ ਨੇ ਇਸ ਘਟਨਾ ਦੀਆਂ ਨਾਟਕੀ ਤਸਵੀਰਾਂ ਖਿੱਚ ਲਈਆਂ, ਉਸ ਦਿਨ ਨਦੀ ਵਿੱਚ ਪਾਣੀ ਇੱਕ ਛੋਟੀ “ਸੁਨਾਮੀ” ਵਾਂਗ ਸੀ । “ਇਹ ਬੇਹੱਦ ਡਰਾਉਣਾ ਸੀ, ਪਾਣੀ ਵਾਧੂ ਤੇਜ਼ੀ ਨਾਲ ਵਧਿਆ,ਮੈਂ ਉਮੀਦ ਕਰ ਰਿਹਾ ਸੀ ਕਿ ਕੋਈ ਵੀ ਹੜ੍ਹ ਨਾ ਜਾਵੇ।’ ਮੈਥਿਊ ਨੇ ਕਿਹਾ।
ਕੈਪੀਲਾਨੋ ਦਰਿਆ ਡੈਮ ਤੇ ਜਿਹੜੇ ਵਿਅਕਤੀਆਂ ਨੇ ਦਹਾਕਿਆਂ ਬਿਤਾਏ ਹਨ, ਕਹਿੰਦੇ ਹਨ ਕਿ ਉਨ੍ਹਾਂ ਨੇ ਪਹਿਲਾਂ ਜਿੰਨਾ ਨੇ ਪਾਣੀ ਦਾ ਪੱਧਰ ਦੇਖਿਆ ਹੈ, ਉਨ੍ਹਾਂ ਨੇ ਕਦੇ ਵੀ ਇਸ ਕਿਸਮ ਦੀ ਤੇਜ਼ ਰਫਤਾਰ ਨਾਲ ਵਧਦੇ ਨਹੀਂ ਦੇਖਿਆ। ਇਸ ਹਾਦਸੇ ਤੋਂ ਬਾਅਦ ਦੋਵਾਂ ਵਿਅਕਤੀਆਂ ਨੇ ਇਕ ਸਾਇਰਨ ਪ੍ਰਣਾਲੀ ਦੀ ਮੰਗ ਕੀਤੀ ਹੈ । ਉਹ ਕਿਸੇ ਐਮਰਜੈਂਸੀ ਦੀ ਸਥਿਤੀ ਵਿਚ ਮੱਛੀ ਫੜਨ ਵਾਲਿਆਂ ਅਤੇ ਹੋਰ ਮਨੋਰੰਜਨ ਕਰਨ ਵਾਲੇ ਉਪਭੋਗਤਾਵਾਂ ਨੂੰ ਚੇਤਾਵਨੀ ਦੇਵੇ । ਉਹਨਾਂ ਮੰਗ ਕੀਤੀ ਕਿ ਸਮੁੰਦਰੀ ਡ੍ਰਾਇਵ ਬ੍ਰਿਜ ਦੇ ਹੇਠਾਂ ਇਕ ਰੋਸ਼ਨੀ ਹੋਵੇ, ਇਕ ਰੋਸ਼ਨੀ ਜੋ ਪਾਣੀ ਨੂੰ ਦਰਸਾਉਂਦੀ ਹੋਏ ਸੰਕੇਤ ਦੇਵੇ ਤਾਂ ਜੋ ਅਸੀਂ ਜਾਣ ਸਕੀਏ ਕਿ ਪਾਣੀ ਆ ਰਿਹਾ ਹੈ ਅਤੇ ਅਸੀਂ ਸੁਰੱਖਿਅਤ ਬਾਹਰ ਨਿਕਲ ਸਕਦੇ ਹਾਂ,” ਜੋਸਫ਼ ਨੇ ਸੁਝਾਅ ਦਿੱਤਾ ।
ਉਧਰ ਇਸ ਘਟਨਾ ਤੋਂ ਬਾਅਦ ਪ੍ਰਸ਼ਾਸਨਿਕ ਅਧਿਕਾਰੀਆਂ ਨੇ ਭਰੋਸਾ ਦਿੱਤਾ ਕਿ ਭਵਿੱਖ ਵਿਚ ਅਜਿਹੀ ਘਟਨਾ ਨਾ ਹੋਵੇ ਇਸ ਲਈ ਓਹ ਚੇਤਾਵਨੀ ਪ੍ਰਣਾਲੀ ਨੂੰ ਅਜਿਹੇ ਡੈਮ ਅਤੇ ਦਰਿਆਵਾਂ ਦੇ ਕੰਢੇ ਸਥਾਪਤ ਕਰਨ ਨੂੰ ਯਕੀਨੀ ਬਣਾਉਣ ਲਈ ਕਦਮ ਚੁੱਕਣਗੇ ਤਾਂ ਜੋ ਕੋਈ ਹੋਰ ਇਸ ਤਰ੍ਹਾਂ ਦੇ ਹਾਦਸੇ ਦਾ ਸ਼ਿਕਾਰ ਨਾ ਹੋਵੇ । ਸੀਨੀਅਰ ਅਧਿਕਾਰੀਆਂ ਅਨੁਸਾਰ ਸਾਇਰਨ ਪ੍ਰਣਾਲੀ ਇਕ ਚੰਗਾ ਵਿਕਲਪ ਹੋਵੇਗਾ।
