ਨਿਊਯਾਰਕ : ਅਮਰੀਕਾ ਦੇ ਨਿਊਯਾਰਕ ਖੇਤਰ ‘ਚ ਪਾਣੀ ‘ਚ ਡੁੱਬਣ ਕਾਰਨ ਇੱਕ 24 ਸਾਲਾ ਭਾਰਤੀ ਵਿਦਿਆਰਥੀ ਦੀ ਮੌਤ ਹੋ ਗਈ ਹੈ। ਯੂਨੀਵਰਸਿਟੀ ਆਫ ਬਫੇਲੋ ਦਾ ਵਿਦਿਆਰਥੀ, ਪਿਛਲੇ ਹਫਤੇ ਬੁੱਧਵਾਰ ਸ਼ਾਮ ਨੂੰ ਵਾਰਨ ਕਾਉਂਟੀ ਦੇ ਐਲੇਗੇਨੀ ਰਿਜ਼ਰਵਾਇਰ ਵਿਚ ਡੁੱਬ ਗਿਆ। ਮ੍ਰਿਤਕ ਦੀ ਪਛਾਣ ਅਰਪਿਤ ਗੋਇਲ (24) ਦੇ ਰੂਪ ‘ਚ ਹੋਈ ਹੈ।
ਮਾਮਲੇ ਦੀ ਜਾਂਚ ਕਰ ਰਹੇ ਮੁੱਖ ਅਧਿਕਾਰੀ ਟੋਨੀ ਚੀਮੈਂਟੀ ਨੇ ਦੱਸਿਆ ਕਿ ਬੀਤੇ ਹਫਤੇ ਬੁੱਧਵਾਰ ਨੂੰ ਅਰਪਿਤ ਗੋਇਲ ਆਪਣੇ ਦੋਸਤਾਂ ਨਾਲ ਵਾਰੇਟ ਕਾਊਂਟੀ ਆਇਆ ਸੀ। ਕਿਨਜੂਆ ਤੱਟ ‘ਤੇ ਉਹ ਅਤੇ ਉਸ ਦੇ ਦੋਸਤ ਪਾਣੀ ਵਿੱਚ ਤੈਰ ਰਹੇ ਸਨ। ਇਸੇ ਦੌਰਾਨ ਅਰਪਿਤ ਗੋਇਲ ਪਾਣੀ ‘ਚ ਡੁੱਬ ਗਿਆ।ਉਨ੍ਹਾਂ ਦਸਿਆ ਕਿ ਗੋਇਲ ਨੂੰ ਘਟਨਾ ਸਥਾਨ ‘ਤੇ ਮ੍ਰਿਤਕ ਐਲਾਨ ਕਰ ਦਿੱਤਾ ਗਿਆ ਸੀ।