ਵੈਨਕੁਵਰ: ਕੋਰੋਨਾ ਵਾਇਰਸ ਦਾ ਕਹਿਰ ਰੁਕਣ ਦਾ ਨਾਮ ਨਹੀਂ ਲੈ ਰਿਹਾ। ਸੂਬਾਈ ਸਿਹਤ ਅਧਿਕਾਰੀ ਡਾ.ਬੋਨੀ ਹੈਨਰੀ ਨੇ ਬ੍ਰਿਟਿਸ਼ ਕੋਲੰਬੀਆ ‘ਚ ਸ਼ਨੀਵਾਰ ਨੂੰ ਕੋਵਿਡ-19 ਦੇ 21 ਹੋਰ ਨਵੇਂ ਕੇਸਾਂ ਦੀ ਪੁਸ਼ਟੀ ਕੀਤੀ ਹੈ।
ਬੀ.ਸੀ ‘ਚ ਹੁਣ ਕੁਲ ਕੋਰੋਨਾ ਵਾਇਰਸ ਮਰੀਜ਼ਾਂ ਦੀ ਗਿਣਤੀ 3,170 ‘ਤੇ ਪਹੁੰਚ ਗਈ ਹੈ। ਜਿੰਨਾਂ ‘ਚੋਂ 2,789 ਕੋਰੋਨਾ ਮਰੀਜ਼ ਠੀਕ ਹੋ ਗਏ ਹਨ ਅਤੇ 189 ਪੀੜਿਤਾਂ ਦੀ ਮੌਤ ਹੋ ਚੁੱਕੀ ਹੈ।
ਬ੍ਰਿਟਿਸ਼ ਕੋਲੰਬੀਆ ‘ਚ ਮੌਜੂਦਾ ਸਮੇਂ ‘ਚ ਕੋਵਿਡ-19 ਦੇ 192 ਸਰਗਰਮ ਮਾਮਲੇ ਹਨ, ਜਿੰਨ੍ਹਾਂ ‘ਚੋਂ 15 ਹਸਪਤਾਲ ‘ਚ ਅਤੇ 3 ਗੰਭੀਰ ਦੇਖਭਾਲ ‘ਚ ਹਨ।
ਸੂਬਾਈ ਸਿਹਤ ਅਧਿਕਾਰੀ ਡਾ.ਬੋਨੀ ਹੈਨਰੀ ਨੇ ਦੱਸਿਆ ਕੇ ਪਿਛਲੇ 24 ਘੰਟਿਆ ‘ਚ ਕੋਰੋਨਾ ਵਾਇਰਸ ਨਾਲ ਕੋਈ ਵੀ ਮੌਤ ਨਹੀਂ ਹੋਈ ।
