channel punjabi
Canada News North America

2026 ਤੱਕ 98 ਫੀਸਦੀ ਕੈਨੇਡੀਅਨਾਂ ਨੂੰ ਹਾਈ-ਸਪੀਡ ਇੰਟਰਨੈੱਟ ਨਾਲ ਜੋੜਿਆ ਜਾਵੇਗਾ : PM ਟਰੂਡੋ

ਓਟਾਵਾ : ਕੈਨੇਡਾ ਸਰਕਾਰ ਪਿੰਡਾਂ ਤੱਕ ਅਤਿ-ਆਧੁਨਿਕ ਸੰਚਾਰ ਸਾਧਨਾਂ ਦਾ ਵਿਸਤਾਰ ਕਰਨ ਦੀ ਚਾਹਵਾਨ ਹੈ । ਇਸ ਟੀਚੇ ਨੂੰ ਹਾਸਲ ਕਰਨ ਲਈ ਸਰਕਾਰ ਵੱਲੋਂ ਭਾਰੀ ਭਰਕਮ ਨਿਵੇਸ਼ ਕਰਨ ਦਾ ਫ਼ੈਸਲਾ ਕੀਤਾ ਗਿਆ ਹੈ। ਟਰੂਡੋ ਸਰਕਾਰ ਦਿਹਾਤੀ ਤੇ ਦੂਰ-ਦਰਾਡੇ ਦੇ ਖੇਤਰਾਂ ‘ਚ ਰਹਿਣ ਵਾਲੇ ਕੈਨੇਡੀਅਨ ਨਾਗਰਿਕਾਂ ਤੱਕ ਹਾਈ-ਸਪੀਡ ਇੰਟਰਨੈੱਟ ਦੀ ਸਹੂਲਤ ਪਹੁੰਚਾਉਣ ਲਈ 1.75 ਬਿਲੀਅਨ ਡਾਲਰ ਦਾ ਨਿਵੇਸ਼ ਕਰਨ ਜਾ ਰਹੀ ਹੈ।

ਇਸ ਦਾ ਐਲਾਨ ਕਰਦੇ ਹੋਏ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਕਿਹਾ ਕਿ ਯੂਨੀਵਰਸਲ ਬਰੌਡਬੈਂਡ ਫੰਡ ਰਾਹੀਂ 2026 ਤੱਕ 98 ਫੀਸਦੀ ਕੈਨੇਡੀਅਨਾਂ ਨੂੰ ਹਾਈ-ਸਪੀਡ ਇੰਟਰਨੈੱਟ ਨਾਲ ਜੋੜਿਆ ਜਾਵੇਗਾ, ਕਿਉਂਕਿ ਵਰਚੁਅਲ ਕਮਿਊਨੀਕੇਸ਼ਨ ਰੋਜ਼ਾਨਾ ਜ਼ਿੰਦਗੀ ਦਾ ਇੱਕ ਜ਼ਰੂਰੀ ਹਿੱਸਾ ਬਣਦੀ ਜਾ ਰਹੀ ਹੈ।

ਯੂਨੀਵਰਸਲ ਬਰੌਡਬੈਂਡ ਫੰਡ, 2019 ਦੇ ਸ਼ੁਰੂ ਵਿੱਚ ਲਿਬਰਲ ਸਰਕਾਰ ਵੱਲੋਂ ਲਿਆਂਦੇ ਗਏ ਬਜਟ ਦਾ ਹਿੱਸਾ ਹੈ, ਪਰ ਇਸ ਦੀ ਲਾਂਚਿੰਗ ‘ਚ ਉਮੀਦ ਨਾਲੋਂ ਜ਼ਿਆਦਾ ਸਮਾਂ ਲੱਗ ਗਿਆ।

ਕੈਨੇਡਾ ਦੀ ਦਿਹਾਤੀ ਆਰਥਿਕ ਵਿਕਾਸ ਮੰਤਰੀ ਮਰੀਅਮ ਮੋਨਸੈਫ਼ ਨੇ ਕਿਹਾ ਕਿ ਨਵਾਂ ਯੂਨੀਵਰਸਲ ਬਰੌਡਬੈਂਡ ਫੰਡ ਬੀਤੇ ਮਾਰਚ ਮਹੀਨੇ ‘ਚ ਲਾਂਚ ਹੋਣਾ ਸੀ, ਪਰ ਕੋਰੋਨਾ ਮਹਾਂਮਾਰੀ ਦੇ ਚਲਦਿਆਂ ਇਸ ‘ਚ ਦੇਰੀ ਹੋ ਗਈ। ਉਹਨਾਂ ਕਿਹਾ ਕਿ 1.75 ਬਿਲੀਅਨ ਡਾਲਰ ਫੰਡ ‘ਚੋਂ 150 ਮਿਲੀਅਨ ਡਾਲਰ ਅਗਲੇ ਸਾਲ ਨਵੰਬਰ ਤੱਕ ਮੁਕੰਮਲ ਹੋਣ ਵਾਲੇ ਪ੍ਰੋਜੈਕਟਾਂ ‘ਤੇ ਖਰਚ ਕੀਤੇ ਜਾਣਗੇ।

Related News

ਅਮਰੀਕਾ ਦੀਆਂ ਰਾਸ਼ਟਰਪਤੀ ਚੋਣਾਂ : ਦੋਹਾਂ ਸਿਆਸੀ ਪਾਰਟੀਆਂ ਦੀਆਂ ਨਜ਼ਰਾਂ ਭਾਰਤੀ ਵੋਟਰਾਂ ‘ਤੇ, ਟਰੰਪ ਨੇ PM ਮੋਦੀ ਨਾਲ ਦੇ ਵੀਡੀਓ ਕੀਤੇ ਜਾਰੀ

Vivek Sharma

ਸੱਸਕੈਚਵਨ ‘ਚ ਕੋਵਿਡ 19 ਕਾਰਨ ਮੰਗਲਵਾਰ ਨੂੰ ਸੱਤ ਲੋਕਾਂ ਦੀ ਮੌਤ: ਸੂਬਾਈ ਸਰਕਾਰ

Rajneet Kaur

ਓਨਟਾਰੀਓ ਨੇ ਸੋਮਵਾਰ ਨੂੰ ਕੋਰੋਨਾ ਵਾਇਰਸ ਦੇ 700 ਨਵੇਂ ਕੇਸਾਂ ਦੀ ਕੀਤੀ ਰਿਪੋਰਟ

Rajneet Kaur

Leave a Comment