ਨਵੇਂ ਸਾਲ ਦੀ ਸ਼ੁਰੂਆਤ ਮੌਕੇ ਰੇਜੀਨਾ ਪੁਲਿਸ ਵੀ ਪੂਰੀ ਤਰ੍ਹਾਂ ਮੁਸਤੈਦ ਨਜ਼ਰ ਆ ਰਹੀ ਹੈ । ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ਨੂੰ ਪੁਲਿਸ ਵੱਲੋਂ ਨਾਲ ਦੀ ਨਾਲ ਜੁਰਮਾਨਾ ਠੋਕਿਆ ਜਾ ਰਿਹਾ ਹੈ। ਸਾਲ ਦੇ ਪਹਿਲੇ ਦਿਨ ਰੇਜੀਨਾ ਪੁਲਿਸ ਸਰਵਿਸ ਦਾ ਕਹਿਣਾ ਹੈ ਕਿ ਉਸਨੇ ਕੋਵਿਡ-19 ਦੇ ਆਦੇਸ਼ ਦੀ ਉਲੰਘਣਾ ਕਰਨ ਲਈ 1 ਜਨਵਰੀ ਨੂੰ ਆਪਣੀ ਅੱਠਵੀਂ ਅਤੇ 2021 ਦੀ ਪਹਿਲੀ ਟਿਕਟ ਜਾਰੀ ਕੀਤੀ ਹੈ। ਪੁਲਿਸ ਨੇ ਰੇਜਿਨਾ ਦੇ ਇੱਕ ਵਿਅਕਤੀ ਨੂੰ 2800 ਡਾਲਰ ਦਾ ਜੁਰਮਾਨਾ ਕੀਤਾ ਹੈ।
ਇਸ ਸਬੰਧ ਵਿੱਚ ਪੁਲਿਸ ਦਾ ਕਹਿਣਾ ਹੈ ਕਿ ਅੱਧੀ ਰਾਤ ਤੋਂ ਥੋੜ੍ਹੀ ਦੇਰ ਬਾਅਦ ਲਿਟਲ ਪਾਈਨ ਲੂਪ ਦੇ 6300 ਬਲਾਕ ਦੇ ਇੱਕ ਅਪਾਰਟਮੈਂਟ ਵਿੱਚ ਇੱਕ ਵੱਡੇ ਸਮੂਹ ਦੇ ਇਕੱਠੇ ਹੋਣ ਦੀ ਸ਼ਿਕਾਇਤ ਮਿਲੀ । ਇਸ ਸ਼ਿਕਾਇਤ ਦੇ ਜਵਾਬ ਵਿੱਚ ਪੁਲਿਸ ਨੇ ਮੌਕੇ ਤੇ ਪਹੁੰਚ ਕੀਤੀ, ਅਤੇ ਪਾਇਆ ਕਿ ਉਸ ਥਾਂ ਤੇ ਸਰਕਾਰ ਵਲੋਂ ਜਾਰੀ ਨਿਰਦੇਸ਼ਾਂ ਨਹੀਂ ਕੀਤੀ ਜਾ ਰਹੀ ਸੀ। ਉਸ ਸਮੇਂ ਘਰ ਵਿੱਚ ਘੱਟੋ ਘੱਟ ਅੱਠ ਲੋਕ ਮੌਜੂਦ ਸਨ। ਇਹ ਨਿਯਮਾਂ ਦੇ ਵਿਪਰੀਤ ਸੀ। ਪੁਲਿਸ ਨੇ ਪੂਰੀ ਸਥਿਤੀ ਵੇਖਣ ਤੋਂ ਬਾਅਦ ਇਸ ਵਿਅਕਤੀ ਨੂੰ 2800 ਡਾਲਰ ਦੀ ਟਿਕਟ ਕੱਟਦੇ ਹੋਏ ਜੁਰਮਾਨਾ ਭਰਨ ਦੇ ਨਿਰਦੇਸ਼ ਦਿੱਤੇ ਗਏ ।
ਜ਼ਿਕਰਯੋਗ ਹੈ ਕਿ ਪੁਲਿਸ ਦੀ ਇਹ ਟਿਕਟ ਸਾਲ 2021 ਦੀ ਪਹਿਲੀ ਟਿਕਟ ਸੀ।