ਓਨਟਾਰੀਓ ਕਿੰਗਸਟਨ ਪੁਲਿਸ ਨੇ ਅਕਤੂਬਰ ਵਿੱਚ ਹੋਏ ਇੱਕ ਹਾਦਸੇ ਵਿੱਚ ਦੋ ਕਿਸ਼ੋਰਾਂ ਉੱਤੇ ਦੋਸ਼ ਲਾਇਆ ਹੈ ਜਿਸ ਵਿੱਚ ਇੱਕ 16 ਸਾਲਾ ਲੜਕੇ ਦੀ ਮੌਤ ਹੋ ਗਈ ਸੀ। 21 ਅਕਤੂਬਰ ਦੀ ਰਾਤ ਨੂੰ ਸ਼ਹਿਰ ਦੇ ਪੱਛਮੀ ਸਿਰੇ ‘ਤੇ ਬੈਰਿਜ ਡਰਾਈਵ’ ਤੇ ਦੋ ਵਾਹਨਾਂ ਦੀ ਟੱਕਰ ‘ਚ ਸਕੌਟੀ ਲੈੱਗ ਦੀ ਮੌਤ ਹੋ ਗਈ ਸੀ । ਅਧਿਕਾਰੀਆਂ ਨੇ ਦਸਿਆ ਕਿ ਇਸ ਹਾਦਸੇ ਵਿੱਚ ਅੱਠ ਹੋਰ ਕਿਸ਼ੋਰ ਜ਼ਖਮੀ ਹੋ ਗਏ ਸਨ।
ਵੀਰਵਾਰ ਨੂੰ ਇੱਕ ਅਪਡੇਟ ‘ਚ ਕਿੰਗਸਟਨ ਪੁਲਿਸ ਨੇ ਕਿਹਾ ਕਿ ਹਾਦਸੇ ਵਿੱਚ ਸ਼ਾਮਲ ਦੋਵੇਂ ਵਾਹਨ ਇਕੋ ਦਿਸ਼ਾ ਵਿੱਚ ਤੇਜ਼ ਰਫਤਾਰ ਨਾਲ ਯਾਤਰਾ ਕਰ ਰਹੇ ਸਨ “ਜਦੋਂ ਉਹ ਦੋਵੇਂ ਕੰਟਰੋਲ ਗੁਆ ਬੈਠੇ ਅਤੇ ਰੋਡਵੇਅ ਤੋਂ ਬਾਹਰ ਚਲੇ ਗਏ।
ਪੁਲਿਸ ਨੇ ਦੱਸਿਆ ਕਿ ਵਾਹਨਾਂ ਵਿੱਚ ਨੌਂ ਕਿਸ਼ੋਰਾਂ ਵਿੱਚੋਂ ਚਾਰ ਗੰਭੀਰ ਜ਼ਖ਼ਮੀ ਹੋਏ ਸਨ ਕਿਉਂਕਿ ਉਨ੍ਹਾਂ ਨੇ ਸੀਟ ਬੈਲਟ ਨਹੀਂ ਪਹਿਨੀ ਸੀ।
ਕਿੰਗਸਟਨ ਦੇ ਦੋਵੇ ਡਰਾਇਵਰ 17 ਸਾਲਾ ਦੇ ਹਨ ਜਿੰਨ੍ਹਾਂ ਨੂੰ ਪੁਲਿਸ ਨੇ ਚਾਰਜ ਕੀਤਾ ਹੈ।
ਪੁਲਿਸ ਨੇ ਕਿਹਾ ਕਿ ਉਨ੍ਹਾਂ ਨੂੰ ਹਿਰਾਸਤ ਵਿਚੋਂ ਰਿਹਾ ਕੀਤਾ ਗਿਆ ਸੀ ਪਰ ਹਰ ਇਕ ਉੱਤੇ 10 ਦੋਸ਼ ਹਨ ਜਿਨ੍ਹਾਂ ਵਿਚ ਮੌਤ ਅਤੇ ਸਰੀਰਕ ਨੁਕਸਾਨ ਪਹੁੰਚਾਉਣ ਵਾਲੀ ਅਪਰਾਧਿਕ ਲਾਪਰਵਾਹੀ ਅਤੇ ਖ਼ਤਰਨਾਕ ਆਪਰੇਸ਼ਨ ਜਿਸ ਨਾਲ ਮੌਤ ਅਤੇ ਸਰੀਰਕ ਨੁਕਸਾਨ ਹੋਇਆ ਹੈ।
ਸਰਜੈਂਟ ਸਟੀਵ ਕੋਪਮੈਨ ਨੇ ਕਿਹਾ ਕਿ ਅਸੀਂ ਇੱਥੇ ਸਧਾਰਣ ਹਾਈਵੇਅ ਟ੍ਰੈਫਿਕ ਐਕਟ ਦੇ ਦੋਸ਼ਾਂ ਨੂੰ ਨਹੀਂ ਵੇਖ ਰਹੇ । ਇਹ ਗੰਭੀਰ ਅਪਰਾਧਿਕ ਅਦਾਲਤ ਦੇ ਅਪਰਾਧ ਹਨ। ਦੋਵੇਂ ਨੌਜਵਾਨ 22 ਦਸੰਬਰ ਨੂੰ ਕਿੰਗਸਟਨ ਅਦਾਲਤ ‘ਚ ਪੇਸ਼ ਹੋਣਗੇ।
