ਸਰੀ: ਕੈਨੇਡਾ ‘ਚ ਪੰਜਾਬੀ ਨੌਜਵਾਨ ਝੀਲ ‘ਚ ਡੁੱਬ ਗਿਆ ਜਿਸਦੀ ਭਾਲ ਹਾਲੇ ਤੱਕ ਜਾਰੀ ਹੈ। 37 ਸਾਲਾ ਭਵਜੀਤ ਔਜਲਾ ਲਗਭਗ ਇੱਕ ਹਫਤੇ ਪਹਿਲਾਂ ਮੇਪਲ ਰਿਜ ਦੀ ਐਲੂਵੈਟ ਝੀਲ (Alouette Lake) ‘ਚ ਮੋਟਰ ਬੋਟ ਚਲਾ ਰਿਹਾ ਸੀ, ਇਸੇ ਦੌਰਾਨ ਅਚਾਨਕ ਬੋਟ ਬੇਕਾਬੂ ਹੋ ਗਈ ਤੇ ਉਹ ਪਾਣੀ ‘ਚ ਡੁੱਬ ਗਿਆ।
ਸਥਾਨਕ ਪੁਲਿਸ ਅਨੁਸਾਰ ਭਵਜੀਤ ਸਿੰਘ ਇਕ ਕੁੜੀ ਨਾਲ ਪਾਣੀ ‘ਚ ਚਲਣ ਵਾਲੇ ਸਕੂਟਰ ‘ਤੇ ਸਵਾਰ ਹੋ ਕੇ ਮੇਪਲ ਰਿੱਜ ਦੀ ਐਲੂਵੈਟ ਝੀਲ ‘ਚ ਜਾ ਰਿਹਾ ਸੀ ਕਿ ਅਚਾਨਕ ਸਕੂਟਰ ਬੇਕਾਬੂ ਹੋ ਕੇ ਉਲਟ ਗਿਆ। ਉਥੇ ਮੌਜੂਦ ਲੋਕਾਂ ਨੇ ਦੋਹਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ।ਇਸ ਦੌਰਾਨ ਕੁੜੀ ਨੂੰ ਬਚਾ ਲਿਆ ਗਿਆ, ਪਰ ਭਵਜੀਤ ਦੀ ਭਾਲ ਅਜੇ ਜਾਰੀ ਹੈ।
ਰਿਜ ਮੀਡੋਜ਼ RCMP ਦੀ ਕਾਂਸਟੇਬਲ ਜੂਲੀ ਕਲੌਜ਼ਨਰ ਨੇ ਦੱਸਿਆ ਕਿ ਝੀਲ 500 ਮੀਟਰ ਤੱਕ ਡੂੰਘੀ ਹੈ ਅਤੇ ਹੇਠਾਂ ਵੱਡੇ-ਵੱਡੇ ਪੱਥਰ ਅਤੇ ਨੁਕੀਲੀਆਂ ਚਟਾਨਾਂ ਵੀ ਮੌਜੂਦ ਹਨ।ਜਿਸ ਕਾਰਨ ਲਾਸ਼ ਲੱਭਣ’ਚ ਮੁਸ਼ਕਿਲ ਹੋ ਰਹੀ ਹੈ।
ਦੱਸ ਦਈਏ ਕਿ ਬੀਤੇ ਹਫਤੇ ਵਾਪਰੀ ਘਟਨਾ ਤੋਂ ਬਾਅਦ ਬੀ.ਸੀ. ਐਂਬੂਲੈਂਸ ਸੇਵਾ ਵੱਲੋਂ ਰਿਜ ਮੀਡੋਜ਼ ਦੀ ਇਕ ਸਰਚ ਐਂਡ ਰੈਸਕਿਊ ਟੀਮ ਨੂੰ ਬੁਲਾਇਆ ਗਿਆ ਪਰ ਸ਼ੁਕਰਵਾਰ ਤੱਕ ਭਾਲ ਕਰਨ ਦੇ ਬਾਵਜੂਦ ਸਫ਼ਲਤਾ ਨਾ ਮਿਲੀ। ਹੁਣ RCMP ਦੀ ਟੀਮ ਵੱਲੋਂ ਭਾਲ ਸ਼ੁਰੂ ਕੀਤੀ ਗਈ ਹੈ।