channel punjabi
International News USA

ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੀ ਪਤਨੀ ਮੇਲਾਨੀਆ ਟਰੰਪ ਨੇ ਮੀਡੀਆ ਤੋਂ ਬਣਾਈ ਦੂਰੀ, ਅਟਕਲਾਂ ਦਾ ਦੌਰ ਹੋਇਆ ਤੇਜ਼

ਵਾਸ਼ਿੰਗਟਨ : ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਅਤੇ ਉਨ੍ਹਾਂ ਦੀ ਪਤਨੀ ਮੇਲਾਨੀਆ ਵਾਈਟ ਹਾਊਸ ਛੱਡ ਕੇ ਫਲੋਰਿਡਾ ਜਾ ਚੁੱਕੇ ਹਨ। ਇਸ ਵਿਚਾਲੇ ਵਾਈਟ ਹਾਊਸ ਤੋਂ ਦੋਵਾਂ ਦੇ ਵਿਚ ਰਿਸ਼ਤਿਆਂ ਨੂੰ ਲੈ ਕੇ ਅਹਿਮ ਜਾਣਕਾਰੀ ਸਾਹਮਣੇ ਆਈ ਹੈ।

ਇੱਕ ਅਮਰੀਕੀ ਟੀਵੀ ਚੈਨਲ ਮੁਤਾਬਕ ਟਰੰਪ ਅਤੇ ਮੇਲਾਨੀਆ ਦੋਵੇਂ ਹੀ 4 ਸਾਲ ਦੇ ਕਾਰਜਕਾਲ ਦੌਰਾਨ ਵੱਖੋ-ਵੱਖਰੇ ਕਮਰਿਆਂ ਵਿਚ ਰਹਿੰਦੇ ਸੀ। ਇਹ ਤਾਜ਼ਾ ਜਾਣਕਾਰੀ ਅਜਿਹੇ ਸਮੇਂ ਆਈ ਹੈ ਜਦ ਦੋਵਾਂ ਦੇ ਵਿਚਾਲੇ ਤਲਾਕ ਲੈਣ ਦੀ ਅਟਕਲਾਂ ਤੇਜ਼ ਹੋ ਗਈਆਂ ਹਨ।

ਟਰੰਪ ਸਾਲ 1869 ਤੋਂ ਪਹਿਲਾਂ ਅਜਿਹੇ ਰਾਸ਼ਟਰਪਤੀ ਰਹੇ ਜੋ ਅਪਣੇ ਉਤਰਾਧਿਕਾਰੀ ਦੇ ਸਹੁੰ ਚੁੱਕ ਸਮਾਰੋਹ ਵਿਚ ਨਹੀਂ ਗਏ। ਸੂਤਰਾਂ ਨੇ ਦੱਸਿਆ ਕਿ ਵਾਈਟ ਹਾਊਸ ਤੋਂ ਜਾਂਦੇ ਸਮੇਂ ਮੇਲਾਨੀਆ ਟਰੰਪ ਨੂੰ ਉਥੋਂ ਜਾਣ ਦਾ ਕੋਈ ਦੁਖ ਨਹੀਂ ਸੀ। ਮੇਲਾਨੀਆ ਨੇ ਵਾਈਟ ਹਾਊਸ ਛੱਡਣ ਤੋਂ ਕੁਝ ਦਿਨ ਪਹਿਲਾਂ ਹੀ ਅਪਣਾ ਸਾਰਾ ਸਮਾਨ ਕੱਢ ਲਿਆ ਸੀ। ਸੂਤਰਾਂ ਨੇ ਦਾਅਵਾ ਕੀਤਾ ਕਿ ਵਾਈਟ ਹਾਊਸ ਵਿਚ ਰਹਿਣ ਦੌਰਾਨ ਜ਼ਿਆਦਾਤਰ ਸਮਾਂ ਮੇਲਾਨੀਆ ਅਤੇ ਟਰੰਪ ਅਲੱਗ ਅਲੱਗ ਬੈਡਰੂਮ ਵਿਚ ਸੋਏ।

ਮੇਲਾਨੀਆ 30 ਦਸੰਬਰ ਤੋਂ ਹੀ ਜਨਤਕ ਪ੍ਰੋਗਰਾਮਾਂ ਤੋਂ ਦੂਰ ਸੀ। ਬੁਧਵਾਰ ਨੂੰ ਮੇਲਾਨੀਆ ਅਪਣੇ ਜਹਾਜ਼ ਤੋਂ ਉਤਰਨ ਤੋਂ ਬਾਅਦ ਹੀ ਕਾਰ ਵਿਚ ਚਲੀ ਗਈ ਜਦ ਕਿ ਟਰੰਪ ਨੇ ਇਕੱਲੇ ਹੀ ਫੋਟੋ ਖਿਚਵਾਈ। ਸੋਸ਼ਲ ਮੀਡੀਆ ਵਿਚ ਦਾਅਵਾ ਕੀਤਾ ਜਾ ਰਿਹਾ ਕਿ ਮੇਲਾਨੀਆ ਨੇਣਢਗਇੱਕ ਵਾਰ ਟਰੰਪ ਨੂੰ ਅਣਦੇਖਿਆ ਕਰ ਦਿੱਤਾ। ਮੇਲਾਨੀਆ ਟਰੰਪ ਦੀ ਸਾਬਕਾ ਸਹਿਯੋਗੀ ਸਟੇਫਨੀ ਵੋਲਕਾਫ ਨੇ ਟਰੰਪ ਅਤੇ ਮੇਲਾਨੀਆ ਦੇ ਵਿਆਹ ਨੂੰ ਟਰਾਂਜੈਕਸ਼ਨ ਕਰਾਰ ਦਿੱਤਾ।

Related News

HAPPY NEW YEAR 2021: ਭਾਰਤ ਵਿਚ ਨਵੇਂ ਸਾਲ 2021 ਦੀ ਹੋਈ ਸ਼ੁਰੂਆਤ

Vivek Sharma

ਸਕਾਰਬੋਰੋ ‘ਚ ਟੀਕੇ ਦੀ ਘਾਟ ਕਾਰਨ ਦੋ COVID-19 ਟੀਕੇ ਕਲੀਨਿਕ ਅਸਥਾਈ ਤੌਰ ‘ਤੇ ਹੋਣਗੇ ਬੰਦ

Rajneet Kaur

ਕੈਨੇਡਾ ਦੇ Nova Scotia ਸੂਬੇ ਨੇ ਦੋ ਹਫ਼ਤਿਆਂ ਲਈ ਬੰਦ ਦਾ ਕੀਤਾ ਐਲਾਨ, ਪੀ.ਐਮ. ਟਰੂਡੋ ਨੇ ਕਿਹਾ ਦੇਸ਼ ਭਰ ਵਿੱਚ ਕੋਰੋਨਾ ਦੀ ਸਥਿਤੀ ਗੰਭੀਰ

Vivek Sharma

Leave a Comment