ਸ਼ੁਕਰਵਾਰ ਦਿਨ ਮੈਟਰੋ ਵੈਨਕੂਵਰ ਦੀਆਂ ਸੜਕਾਂ ‘ਤੇ ਹਨੇਰਾ ਅਤੇ ਭਾਰੀ ਬਾਰਸ਼ ਕਾਰਨ ਲੋਕਾਂ ਲਈ ਖਤਰਨਾਕ ਦਿਨ ਸਾਭਿਤ ਹੋਇਆ ਹੈ। ਕਈ ਵਾਹਨਾਂ ਦੀ ਆਪਸੀ ਟੱਕਰ ਕਾਰਨ ਕਈਆਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ। ਸਰੀ ਵਿੱਚ ਘੱਟੋ ਘੱਟ ਦੋ ਵਿਅਕਤੀਆਂ ਦੀ ਮੌਤ ਹੋ ਗਈ।
ਇਕ ਘਟਨਾ ਸਵੇਰੇ 8 ਵਜੇ ਤੋਂ ਤੁਰੰਤ ਬਾਅਦ 134 ਵੀਂ ਸਟ੍ਰੀਟ ਅਤੇ 93ਏ ਐਵੇਨਿਉ ਵਿਚ ਹੋਈ ਜਿਸ ‘ਚ ਇਕ ਰਾਹਗੀਰ ਗੰਭੀਰ ਜ਼ਖਮੀ ਹੋਇਆ।
ਇੱਕ 69 ਸਾਲਾ ਔਰਤ ਨੂੰ ਬਾਅਦ ਵਿੱਚ 144 ਵੀਂ ਸਟ੍ਰੀਟ ਅਤੇ 32 ਵੇਂ ਐਵੇਨਿਉ ਦੇ ਨੇੜੇ ਟੱਕਰ ਮਾਰੀ ਗਈ। ਦੋਵੇਂ ਡਰਾਈਵਰ ਘਟਨਾ ਸਥਾਨ ‘ਤੇ ਠਹਿਰੇ ਹੋਏ ਸਨ।
ਵੈਨਕੂਵਰ ਵਿਚ, ਦੋ ਪੈਦਲ ਯਾਤਰੀਆਂ ਨੂੰ ਗੰਭੀਰ ਜ਼ਖਮੀ ਹਾਲਤ ਵਿਚ ਹਸਪਤਾਲ ਲਿਜਾਇਆ ਗਿਆ ਜਦੋਂ ਕੈਮਬੀ ਅਤੇ ਯੁਕਨ ਗਲੀਆਂ ਵਿਚ ਹਾਦਸੇ ਵਿਚ ਸ਼ਾਮਲ ਇਕ ਵਾਹਨ ਫੁੱਟਪਾਥ ਤੇ ਚੜ੍ਹ ਗਿਆ ਅਤੇ ਉਨ੍ਹਾਂ ਨੂੰ ਟੱਕਰ ਮਾਰ ਦਿੱਤੀ।
ਪੁਲਿਸ ਨੇ ਦੱਸਿਆ ਕਿ ਉਸ ਘਟਨਾ ਵਿੱਚ ਦੋਵੇਂ ਡਰਾਈਵਰ ਵੀ ਮੌਕੇ ‘ਤੇ ਰਹੇ ਅਤੇ ਸਹਿਯੋਗ ਕਰ ਰਹੇ ਸਨ।
ਸਰੀ RCMP ਨੇ ਸ਼ੁੱਕਰਵਾਰ ਨੂੰ ਇੱਕ ਚਿਤਾਵਨੀ ਜਾਰੀ ਕੀਤੀ ਜਿਸ ‘ਚ ਖਰਾਬ ਮੌਸਮ ਕਾਰਨ ਡਰਾਇਵਰਾਂ ਨੂੰ ਵਾਹਨ ਹੋਲੀ ਚਲਾਉਣ ਅਤੇ ਸੜਕ ‘ਤੇ ਨਿਗ੍ਹਾ ਰੱਖਣ ਲਈ ਕਿਹਾ ਗਿਆ ਹੈ।
