ਵਾਸ਼ਿੰਗਟਨ : ਅਮਰੀਕਾ ਦੇ ਇੰਡੀਆਨਾਪੋਲਿਸ ਵਿਖੇ ਵਾਪਰੀ ਗੋਲੀਬਾਰੀ ਦੀ ਮੰਦਭਾਗੀ ਘਟਨਾ ਵਿੱਚ 8 ਵਿਅਕਤੀਆਂ ਦੀ ਮੌਤ ਹੋ ਗਈ, ਇਹਨਾਂ ਵਿੱਚ ਚਾਰ ਵਿਅਕਤੀ ਸਿੱਖ ਭਾਈਚਾਰੇ ਨਾਲ ਸਬੰਧਤ ਹਨ । ਇਸ ਘਟਨਾ ਨੂੰ ਇੱਕ ਅੱਲ੍ਹੜ ਉਮਰ ਦੇ ਨੌਜਵਾਨ ਵੱਲੋਂ ਅੰਜਾਮ ਦਿੱਤਾ ਗਿਆ।
ਮੀਡੀਆ ਰਿਪੋਰਟਾਂ ਦੇ ਮੁਤਾਬਕ ਘਟਨਾ ਐਫਐਕਸ ਗਰਾਉਂਡ ਪਲੇਨ ਫੀਲਡ ਅਪਰੇਸ਼ਨਜ਼ ਸੈਂਟਰ ਵਿਖੇ ਵੀਰਵਾਰ ਰਾਤ ਨੂੰ ਵਾਪਰੀ । ਰਿਪੋਰਟਾਂ ਮੁਤਾਬਕ ਪੁਲਿਸ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ ਕਿ ਸ਼ਹਿਰ ਦੇ ਦੱਖਣ ਪੱਛਮ ਵਿੱਚ ਐਫਐਕਸ ਗਰਾਉਂਡ ਸਟੇਸ਼ਨ ਦੇ 19 ਸਾਲਾ ਸਾਬਕਾ ਮੁਲਾਜ਼ਮ ਨੇ ਇਹ ਗੋਲੀਆਂ ਚਲਾਈਆਂ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਹਮਲਾਵਰ ਨੇ ਘਟਨਾ ਮਗਰੋਂ ਖੁਦਕੁਸ਼ੀ ਕਰ ਲਈ।
ਪੁਲਿਸ ਨੇ ਮ੍ਰਿਤਕਾਂ ਦੇ ਨਾਵਾਂ ਦੀ ਪੁਸ਼ਟੀ ਕਰ ਦਿੱਤੀ ਹੈ, ਜਿਹਨਾਂ ਵਿਚ 4 ਸਿੱਖ ਵੀ ਸ਼ਾਮਲ ਹਨ। ਮ੍ਰਿਤਕਾਂ ਵਿੱਚ
ਜਸਵਿੰਦਰ ਸਿੰਘ (68 ਸਾਲ),
ਅਮਰਜੀਤ ਕੌਰ ਜੌਹਲ (66 ਸਾਲ),
ਜਸਵਿੰਦਰ ਕੌਰ (64 ਸਾਲ),
ਅਮਰਜੀਤ ਸੇਖੋਂ (48 ਸਾਲ),
ਜੌਹਨ ਵੀਸਰਟ (74 ਸਾਲ),
ਮੈਥਿਊ ਆਰ ਅਲੈਗਜ਼ੈਂਡਰ (32 ਸਾਲ),
ਕਾਰਲੀ ਸਮਿੱਥ (19 ਸਾਲ) ਅਤੇ
ਸਮਾਰੀਆ ਬਲੈਕਵੈਲ (19 ਸਾਲ) ਦੇ ਨਾਮ ਸ਼ਾਮਲ ਹਨ।
The deceased victims have been identified as 32-year-old Matthew R Alexander, 19-year-old Samaria Blackwell, 66-year-old Amarjeet Johal, 64-year-old Jaswinder Kaur, 68-year-old Jaswinder Singh, 48-year-old Amarjit Sekhon, 19-year-old Karlie Smith, and 74-year-old John Weisert.
— IMPD (@IMPDnews) April 17, 2021
ਇਸ ਘਟਨਾ ਦੌਰਾਨ ਫੱਟੜਾਂ ਦੇ ਨਾਂ ਪੁਲਿਸ ਨੇ ਨਹੀਂ ਦੱਸੇ।
ਇਸ ਮੰਦਭਾਗੀ ਘਟਨਾ ‘ਤੇ ਵੱਖ ਵੱਖ ਸਿੱਖ ਜਥੇਬੰਦੀਆਂ ਨੇ ਅਫਸੋਸ ਪ੍ਰਗਟ ਕੀਤਾ ਹੈ। ਸਿੱਖ ਕੋਆਲੀਸ਼ਨ ਨੇ ਇਕ ਬਿਆਨ ਰਾਹੀਂ ਇਸ ਘਟਨਾ ’ਤੇ ਡੂੰਘਾ ਦੁੱਖ ਪ੍ਰਗਟ ਕੀਤਾ ਹੈ।