ਵਾਸ਼ਿੰਗਟਨ : ਦੋ ਦਿਨਾਂ ਬਾਅਦ ਹੋਣ ਜਾ ਰਹੀਆਂ ਅਮਰੀਕੀ ਰਾਸ਼ਟਰਪਤੀ ਚੋਣਾਂ ਲਈ ਦੋਵੇਂ ਹੀ ਪ੍ਰਮੁੱਖ ਉਮੀਦਵਾਰਾਂ ਵੱਲੋਂ ਪੂਰੀ ਵਾਹ ਲਗਾਈ ਜਾ ਰਹੀ ਹੈ। ਅਮਰੀਕਾ ਦੀ ਫਸਟ ਲੇਡੀ ਮੇਲਾਨੀਆ ਟਰੰਪ ਨੇ ਚੋਣ ਪ੍ਰਚਾਰ ਦੌਰਾਨ ਇਕ ਜਨ ਸਭਾ ਨੂੰ ਸੰਬੋਧਿਤ ਕਰਦੇ ਹੋਏ ਆਖਿਆ ਕਿ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਧਿਆਨ ਦੇਸ਼ ਦੇ ਭਵਿੱਖ ‘ਤੇ ਹੈ ਅਤੇ ਉਨ੍ਹਾਂ ਨੂੰ ਵੋਟ ਦੇਣ ਦਾ ਮਤਲਬ ਹੈ ਇਕ ਬਿਹਤਰ ਅਮਰੀਕਾ ਲਈ ਵੋਟ ਕਰਨਾ। ਮੇਲਾਨੀਆ, ਵੀਰਵਾਰ ਨੂੰ ਫਲੋਰੀਡਾ ਦੇ ਟੰਪਾ ਵਿਚ ਪਹਿਲੀ ਵਾਰ ਆਪਣੇ ਪਤੀ ਦੇ ਨਾਲ ਕਿਸੇ ਜਨ ਸਭਾ ਵਿਚ ਦਿਖਾਈ ਦਿੱਤੀ। ਇਹ ਉਨ੍ਹਾਂ ਦੀ ਦੂਜੀ ਚੋਣ ਰੈਲੀ ਸੀ।
First Lady Melania Trump: “We are a country of hope, not a country of fear or weakness.” pic.twitter.com/9n1841cdA6
— Team Trump (Text VOTE to 88022) (@TeamTrump) October 29, 2020
ਮੇਲਾਨੀਆ ਨੇ ਆਖਿਆ ਕਿ ਜਿਨ੍ਹਾਂ ਨੂੰ ਹੁਣ ਵੀ ਇਹ ਫੈਸਲਾ ਕਰਨਾ ਹੈ ਕਿ ਉਹ ਮੰਗਲਵਾਰ ਨੂੰ ਕਿਸ ਨੂੰ ਵੋਟ ਦੇਣਗੇ, ਮੈਨੂੰ ਉਮੀਦ ਹੈ ਕਿ ਮੈਂ ਤੁਹਾਨੂੰ ਜੋ ਕਹਾਂਗੀ ਉਸ ਨੂੰ ਤੋਂ ਸਾਬਿਤ ਹੋਵੇਗਾ ਕਿ ਰਾਸ਼ਟਰਪਤੀ ਟਰੰਪ ਨੂੰ ਵੋਟ ਦੇਣ ਦਾ ਮਤਲਬ ਇਕ ਬਿਹਤਰ ਅਮਰੀਕਾ ਲਈ ਵੋਟ ਦੇਣਾ ਹੋਵੇਗਾ। ਉਨ੍ਹਾਂ ਆਖਿਆ ਕਿ ਅਜਿਹੇ ਵੇਲੇ ਵਿਚ ਜਦ ਮੀਡੀਆ ਦੇ ਜ਼ਰੀਏ ਸਾਡੇ ਘਰਾਂ ਵਿਚ ਨਫਰਤ, ਨਕਾਰਾਤਮਕਤਾ ਅਤੇ ਭੈਅ ਦਾ ਸ਼ੰਦੇਸ਼ ਦਿੱਤਾ ਜਾ ਰਿਹਾ ਹੈ ਅਤੇ ਤਕਨਾਲੋਜੀ ਖੇਤਰ ਦੀਆਂ ਵੱਡੀਆਂ ਕੰਪਨੀਆਂ ਸਿਆਸੀ ਦ੍ਰਿਸ਼ਟੀਕੋਣ ਨੂੰ ਕੱਟ-ਵੱਢ ਕੇ ਪੇਸ਼ ਕਰ ਰਹੀਆਂ ਹਨ, ਸਾਨੂੰ ਇਹ ਯਾਦ ਰੱਖਣਾ ਜ਼ਰੂਰੀ ਹੈ ਕਿ ਕੀ ਜ਼ਰੂਰੀ ਹੈ। ਮੇਰੇ ਪਤੀ ਦੇ ਪ੍ਰਸ਼ਾਸਨ ਦਾ ਧਿਆਨ ਅਮਰੀਕਾ ਦੇ ਭਵਿੱਖ ‘ਤੇ ਕੇਂਦ੍ਰਿਤ ਹੈ।
ਮੇਲਾਨੀਆ ਨੇ ਆਖਿਆ ਕਿ ਮੇਰੇ ਪਤੀ ਦੀ ਅਗਵਾਈ ਵਿਚ ਸਾਡੇ ਦੇਸ਼ ਨੂੰ ਫਿਰ ਤੋਂ ਸਨਮਾਨ ਮਿਲਿਆ ਹੈ, ਸਾਡੀਆਂ ਸਰਹੱਦਾਂ ਸੁਰੱਖਿਅਤ ਹਨ, ਅਸੀਂ ਜੰਗਾਂ ਜਿੱਤੀਆਂ ਹਨ ਅਤੇ ਬਾਕੀਆਂ ਨੇ ਦੂਰੀਆਂ ਬਣਾਈਆਂ ਹਨ। ਅਸੀਂ ਮੱਧ-ਪੂਰਬ ਵਿਚ ਸ਼ਾਂਤੀ ਦੇ ਸਮਝੌਤੇ ਕੀਤੇ ਹਨ। ਅਸੀਂ ਸਿਰਫ ਇਸ ਦੇ ਬਾਰੇ ਵਿਚ ਗੱਲ ਹੀ ਨਹੀਂ ਕੀਤੀ ਬਲਕਿ ਯੇਰੂਸ਼ਲਮ ਵਿਚ ਆਪਣਾ ਦੂਤਘਰ ਟ੍ਰਾਂਸਫਰ ਕੀਤਾ ਹੈ।
ਅਮਰੀਕੀ ਰਾਸ਼ਟਰਪਤੀ ਦੀ ਚੋਣ 3 ਨਵੰਬਰ ਨੂੰ ਹੋਣ ਜਾ ਰਹੀ ਹੈ। ਮੌਜੂਦਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਜਿਥੇ ਆਪਣੀ ਦੂਜੀ ਪਾਰੀ ਲਈ ਜ਼ੋਰ ਲਗਾ ਰਹੇ ਨੇ ਤੇ ਦੂਜੇ ਪਾਸੇ ਜੋ ਬਿਡੇਨ ਦੇਸ਼ ਦਾ ਪਹਿਲਾ ਨਾਗਰਿਕ ਬਣਨ ਲਈ ਚੋਣ ਰੈਲੀਆਂ ਰਾਹੀਂ ਹਰ ਉਮਰ ਵਰਗ ਦੇ ਲੋਕਾਂ ਨਾਲ ਸੰਪਰਕ ਕਰ ਚੁੱਕੇ ਹਨ ।
