ਵਾਸ਼ਿੰਗਟਨ: ਇੱਕ ਹੋਰ ਭਾਰਤੀ ਮੂਲ ਦੀ ਅਮਰੀਕੀ ਨਾਗਰਿਕ ਨੂੰ ਅਮਰੀਕਾ ਦੀ ਨਵੀਂ ਸਰਕਾਰ ਲਈ ਅਹਿਮ ਜ਼ਿੰਮੇਵਾਰੀ ਨਿਭਾਉਣ ਦਾ ਮੌਕਾ ਮਿਲੇਗਾ । ਭਾਰਤੀ ਮੂਲ ਦੀ ਸਰਬੀਨਾ ਸਿੰਘ ਅਮਰੀਕਾ ਦੀ ਨਵੀਂ ਚੁਣੀ ਗਈ ਉਪ ਰਾਸ਼ਟਰਪਤੀ ਕਮਲਾ ਹੈਰਿਸ ਲਈ ਵ੍ਹਾਈਟ ਹਾਊਸ ’ਚ ਡਿਪਟੀ ਪ੍ਰੈੱਸ ਸਕੱਤਰ ਵਜੋਂ ਆਪਣੀ ਸੇਵਾ ਨਿਭਾਏਗੀ। ਅਮਰੀਕਾ ਦੇ ਨਵੇਂ ਚੁਣੇ ਗਏ ਰਾਸ਼ਟਰਪਤੀ ਅਤੇ ਉਪ-ਰਾਸ਼ਟਰਪਤੀ ਦੇ ਸੱਤਾ ਤਬਦੀਲ ਦਲ ਨੇ ਇਹ ਐਲਾਨ ਕੀਤਾ ਹੈ।
The Office of the Vice President will consist of experienced individuals who represent the very best of our country, and who are ready to meet the challenges we’re facing and deliver results for the American people on day one.https://t.co/YCDzAhtq68
— Biden-Harris Presidential Transition (@Transition46) January 8, 2021
ਸਬਰੀਨਾ ਸਿੰਘ ਨੇ ਤਬਦੀਲੀ ਟੀਮ ਵੱਲੋਂ ਕੀਤੇ ਗਏ ਟਵੀਟ ਨੂੰ ਰੀਟਵੀਟ ਕੀਤਾ ਅਤੇ ਲਿਖਿਆ ਕਿ ਉਸਨੂੰ ਕਮਲਾ ਹੈਰਿਸ ਲਈ ਕੰਮ ਕਰਨ ਦਾ ਮਾਣ ਮਿਲਿਆ ਅਤੇ “ਕੰਮ ਜਾਰੀ ਰੱਖਣ ਅਤੇ ਅਮਰੀਕੀ ਲੋਕਾਂ ਲਈ ਨਤੀਜੇ ਦੇਣ ਲਈ ਉਤਸ਼ਾਹਿਤ ਹੈ।
I'm so grateful and incredibly humbled to join this team. It's been an honor to work for @KamalaHarris and I'm excited to continue the work and deliver results for the American people. https://t.co/UZRzRYEUAp
— Sabrina Singh (@sabrinasingh24) January 8, 2021
ਸਰਬੀਨਾ ਸਿੰਘ, Biden-Harris ਦੀ ਚੋਣ ਪ੍ਰਚਾਰ ਮੁਹਿੰਮ ਦੌਰਾਨ ਕਮਲਾ ਹੈਰਿਸ ਦੀ ਪ੍ਰੈੱਸ ਸਕੱਤਰ ਸੀ। ਇਸ ਤੋਂ ਪਹਿਲਾਂ ਉਹ ਮਾਈਕ ਬਲੂਮਰਗ ਅਤੇ ਕੌਰੀ ਬੁਰਕ ਦੇ ਰਾਸ਼ਟਰਪਤੀ ਅਹੁਦੇ ਸੰਬੰਧੀ ਮੁਹਿੰਮ ਲਈ ਸੀਨੀਅਰ ਬੁਲਾਰੇ ਅਤੇ ਨੈਸ਼ਨਲ ਪ੍ਰੈੱਸ ਸਕੱਤਰ ਰਹਿ ਚੁੱਕੀ ਹੈ। ਸਾਲ 2016 ਵਿੱਚ, ਉਹ ਹਿਲੇਰੀ ਕਲਿੰਟਨ ਦੀ ਸੰਚਾਰ ਡਾਇਰੈਕਟਰ ਸੀ। ਉਹ ਕਈ ਹੋਰ ਮਹੱਤਵਪੂਰਨ ਅਹੁਦਿਆਂ ’ਤੇ ਆਪਣੀਆਂ ਸੇਵਾਵਾਂ ਨਿਭਾ ਚੁੱਕੀ ਹੈ। ਸੱਤਾ ਤਬਦੀਲ ਦਲ ਨੇ ਵ੍ਹਾਈਟ ਹਾਊਸ ’ਚ ਉਪ ਰਾਸ਼ਟਰਪਤੀ ਕਾਰਜਕਾਲ ਲਈ ਕਈ ਅਹਿਮ ਨਿਯੁਕਤੀਆਂ ਦੇ ਐਲਾਨ ਤਹਿਤ ਉਨ੍ਹਾਂ ਨੂੰ ਨਾਮਜ਼ਦ ਕੀਤਾ।
Joe Biden ਅਤੇ Kamla Harris 20 ਜਨਵਰੀ ਨੂੰ ਰਾਸ਼ਟਰਪਤੀ ਅਤੇ ਉਪ-ਰਾਸ਼ਟਰਪਤੀ ਅਹੁਦਿਆਂ ਲਈ ਸਹੁੰ ਚੁੱਕਣਗੇ। ਸਬਰੀਨਾ ਇੰਡੀਆ ਲੀਗ ਆਫ ਅਮਰੀਕਾ ਦੇ ਸਰਦਾਰ ਜਗ ਜੀਤ ਸਿੰਘ ਦੀ ਪੋਤੀ ਹੈ। ਸਾਲ 1940 ’ਚ ਜਗ ਜੀਤ ਸਿੰਘ ਨੇ ਆਪਣੇ ਸਾਥੀ ਭਾਰਤੀਆਂ ਨਾਲ ਮਿਲ ਕੇ ਅਮਰੀਕਾ ਦੀ ਨਸਲੀ ਵਿਤਕਰੇ ਵਾਲੀਆਂ ਨੀਤੀਆਂ ਵਿਰੁੱਧ ਦੇਸ਼ ਵਿਆਪੀ ਮੁਹਿੰਮ ਚਲਾਈ ਸੀ। ਇਸ ਤੋਂ ਬਾਅਦ ਉਸ ਵੇਲੇ ਦੇ ਰਾਸ਼ਟਰਪਤੀ ਹੈਰਿਸ ਟਰੂਮੈਨ ਨੇ ਜੁਲਾਈ,1946 ‘ਚ ਪ੍ਰਵਾਸੀ ਕੋਟੇ ਦੀ ਸਥਾਪਨਾ ਵਾਲਾ ਕਾਨੂੰਨ ਬਣਾਇਆ ਸੀ।
