ਬੀ.ਸੀ ਲਿਬਰਲ ਨੇ ਬਰਨਬੀ ਐਡਮੰਡਸ ਤੋਂ ਰੀਅਲਟਰ ਤ੍ਰਿਪਤ ਅਟਵਾਲ ਨੂੰ ਸੂਬੇ ਦੀਆਂ ਚੋਣਾਂ ਲਈ ਉਮੀਦਵਾਰ ਐਲਾਨ ਕੀਤਾ ਹੈ । ਉਹ ਇਸ ਹਲਕੇ ਤੋਂ ਚਾਰ ਵਾਰ ਐਨਡੀਪੀ ਵਿਧਾਇਕ ਅਤੇ ਸਾਬਕਾ ਡਿਪਟੀ ਸਪੀਕਰ ਰਾਜ ਚੌਹਾਨ ਖਿਲਾਫ ਚੋਣ ਲੜੇਗੀ।
ਦਸ ਦਈਏ ਤ੍ਰਿਪਤ ਅਟਵਾਲ, ਜੋ ਲੁਧਿਆਣਾ ਦੀ ਵਸਨੀਕ ਹੈ, ਪੰਜਾਬ ਦੇ ਸਾਬਕਾ ਸਪੀਕਰ ਅਤੇ ਸਾਬਕਾ ਲੋਕ ਸਭਾ ਡਿਪਟੀ ਸਪੀਕਰ ਚਰਨਜੀਤ ਸਿੰਘ ਅਟਵਾਲ ਦੀ ਧੀ ਹੈ। ਉਹ ਸਾਲ 2008 ਤੋਂ ਕੈਨੇਡਾ ‘ਚ ਰਹਿ ਰਹੀ ਹੈ ਅਤੇ ਪਿਛਲੇ ਕੁਝ ਸਾਲਾਂ ਤੋਂ ਸਰੀ ਵਿੱਚ ਰੀਅਲਟਰ( realtor) ਵਜੋਂ ਕੰਮ ਕਰ ਰਹੀ ਹੈ। ਪਿਛਲੇ ਕੁਝ ਸਮੇਂ ਤੋਂ, ਉਹ ਸਮਾਜਿਕ ਅਤੇ ਰਾਜਨੀਤਿਕ ਖੇਤਰਾਂ ਵਿੱਚ ਸਰਗਰਮੀ ਨਾਲ ਹਿੱਸਾ ਲੈ ਰਹੀ ਹੈ।
ਹੁਣ ਲਿਬਰਲ ਪਾਰਟੀ ਵਲੋਂ ਤ੍ਰਿਪਤ ਨੂੰ ਬੀ.ਸੀ ਦੀਆਂ ਹੋਣ ਜਾ ਰਹੀਆਂ ਚੋਣਾਂ ਲਈ ਉਮੀਦਵਾਰ ਬਣਾਇਆ ਗਿਆ ਹੈ।
