ਬਰੈਂਪਟਨ ਵਿੱਚ ਮੰਗਲਵਾਰ ਸ਼ਾਮ ਇੱਕ ਘਰ ਨੂੰ ਲੱਗੀ ਅੱਗ ਕਾਰਨ ਤਿੰਨ ਲੋਕ ਜ਼ਖਮੀ ਹੋ ਗਏ।
ਅਧਿਕਾਰੀਆਂ ਨੇ ਦੱਸਿਆ ਕਿ ਐਮਰਜੈਂਸੀ ਦਸਤੇ ਨੂੰ ਸ਼ਾਮੀਂ 7:50 ਵਜੇ ਦੇ ਕਰੀਬ, ਹਾਈਵੇ 410 ਦੇ ਪੂਰਬ ਵੱਲ, ਨੈਸਿਮਥ ਸਟ੍ਰੀਟ ਅਤੇ ਬੋਵਰਡ ਡਰਾਈਵ ਈਸਟ ਨੇੜੇ ਨੇਵਾਦਾ ਕੋਰਟ ਦੇ ਇੱਕ ਘਰ ਬੁਲਾਇਆ ਗਿਆ ਸੀ।
ਪੀਲ ਪੈਰਾਮੈਡਿਕਸ ਦੇ ਇਕ ਬੁਲਾਰੇ ਨੇ ਦੱਸਿਆ ਕਿ ਕੁੱਲ ਤਿੰਨ ਮਰੀਜ਼ਾਂ ਦਾ ਇਲਾਜ ਕਰ ਰਹੇ ਹਨ। ਉਨ੍ਹਾਂ ਮਰੀਜ਼ਾਂ ਵਿਚੋਂ ਇਕ ਨੂੰ ਗੰਭੀਰ ਹਾਲਤ ਵਿਚ ਹਸਪਤਾਲ ਲਿਜਾਇਆ ਗਿਆ।
ਪੀਲ ਰੀਜਨਲ ਪੁਲਿਸ ਨੇ ਕਿਹਾ ਅੱਗ ਲੱਗਣ ਦੇ ਜਵਾਬ ਵਿੱਚ ਤੁਰੰਤ ਖੇਤਰ ਦੀਆਂ ਸੜਕਾਂ ਨੂੰ ਬੰਦ ਕਰ ਦਿੱਤਾ ਗਿਆ ਸੀ।
UPDATE:
– Fire appears to have started in basement
– 2 occupants of bsmt rescued and have been transported to hospital. 1 adult FML, 1 Child
– Both victims believed to be in Stable condition
– #PRP and @BramptonFireES will remain on-scene for an extended period of time— Peel Regional Police (@PeelPolice) December 2, 2020
ਅੱਗ ਲੱਗਣ ਦੇ ਕਾਰਨਾਂ ਬਾਰੇ ਜ਼ਿਆਦਾ ਬਿਓਰਾ ਨਹੀਂ ਮਿਲਿਆ ਪਰ ਇਹ ਦੱਸਿਆ ਜਾ ਰਿਹਾ ਹੈ ਕਿ ਇਹ ਅੱਗ ਘਰ ਦੇ ਬੇਸਮੈਂਟ ਤੋਂ ਸ਼ੁਰੂ ਹੋਈ ਸੀ ਜਿਸ ਤੋਂ ਬਾਅਦ ਇਹ ਅੱਗੇ ਵਧਣੀ ਸ਼ੁਰੂ ਹੋ ਗਈ। ਬੇਸਮੈਂਟ ਵਿੱਚੋਂ ਦੋ ਜਣਿਆਂ ਨੂੰ ਜ਼ਖ਼ਮੀ ਹਾਲਤ ਵਿੱਚ ਬਾਹਰ ਕੱਢਿਆ ਗਿਆ ਹੈ। ਇਹਨਾਂ ਵਿੱਚ ਇੱਕ ਮਹਿਲਾ ਅਤੇ ਇੱਕ ਬੱਚਾ ਸ਼ਾਮਲ ਹਨ। ਇਨ੍ਹਾਂ ਦੀ ਹਾਲਤ ਫਿਲਹਾਲ ਸਥਿਰ ਦੱਸੀ ਜਾ ਰਹੀ ਹੈ।