channel punjabi
International News USA

ਫਾਰਸ ਦੀ ਖਾੜੀ ‘ਚ ਤਣਾਅ ਦੀ ਸਥਿਤੀ, ਅਮਰੀਕੀ ਜੰਗੀ ਬੇੜਿਆਂ ਦੀ ਈਰਾਨ ਦੇ ਜਹਾਜ਼ਾਂ ‘ਤੇ ਫਾਈਰਿੰਗ

ਅਮਰੀਕਾ ਤੇ ਈਰਾਨ ਵਿਚਾਲੇ ਤਣਾਅ ਦੀ ਸਥਿਤੀ ਲਗਾਤਾਰ ਗੰਭੀਰ ਹੁੰਦੀ ਜਾ ਰਹੀ ਹੈ । ਬੁੱਧਵਾਰ ਨੂੰ ਫਾਰਸ ਦੀ ਖਾੜੀ ’ਚ ਗਸ਼ਤ ਕਰ ਰਹੇ ਅਮਰੀਕੀ ਜੰਗੀ ਬੇੜੇ ਦੇ ਨੇੜੇ ਈਰਾਨੀ ਸੈਨਾ ਦੇ ਤਿੰਨ ਜਹਾਜ਼ ਆ ਗਏ। ਚਿਤਾਵਨੀ ਨੂੰ ਨਜ਼ਰਅੰਦਾਜ਼ ਕਰਨ ’ਤੇ ਅਮਰੀਕੀ ਜੰਗੀ ਬੇੜੇ ਤੋਂ ਇਹਨਾਂ ਤੇ ਫਾਇਰਿੰਗ ਕੀਤੀ ਗਈ।

ਅਮਰੀਕੀ ਜਲ ਸੈਨਿਕ ਤਰਜਮਾਨ ਨੇ ਕਿਹਾ ਕਿ ਫਾਰਸ ਦੀ ਖਾੜੀ ’ਚ ਉਨ੍ਹਾਂ ਦਾ ਜੰਗੀ ਬੇੜੇ ਯੂਐੱਸਸੀਜੀਸੀ ਬਾਰਾਨਾਫ ਗਸ਼ਤ ’ਤੇ ਸੀ, ਤਦੇ ਈਰਾਨ ਦੇ ਤਿੰਨ ਜਹਾਜ਼ 62 ਮੀਟਰ ਦੀ ਦੂਰੀ ’ਤੇ ਆ ਗਏ। ਇਹ ਜਹਾਜ਼ ਈਰਾਨ ਦੀ ਪੈਰਾਮਿਲਟਰੀ ਰੈਵੋਲਿਊਸ਼ਨਰੀ ਗਾਰਡ ਦੇ ਸਨ। ਅਮਰੀਕਾ ਨੇ ਇਨ੍ਹਾਂ ਨੂੰ ਰੋਕਣ ਲਈ ਚਿਤਾਵਨੀ ਫਾਇਰ ਕੀਤੇ।

ਅਮਰੀਕੀ ਜਲ ਸੈਨਾ ਦੀ ਤਰਜਮਾਨ ਕਮਾਂਡਰ ਰੈਬੇਕਾ ਨੇ ਕਿਹਾ ਕਿ ਇਸ ਤੋਂ ਪਹਿਲਾਂ ਉਨ੍ਹਾਂ ਦੇ ਜੰਗੀ ਬੇੜੇ ਨੇ ਰੇਡੀਓ ਤੇ ਹੋਰ ਤਰੀਕਿਆਂ ਨਾਲ ਚਿਤਾਵਨੀ ਵੀ ਜਾਰੀ ਕੀਤੀ, ਪਰ ਈਰਾਨ ਦੇ ਜਹਾਜ਼ਾਂ ਨੇ ਚਿਤਾਵਨੀ ਵੀ ਜਾਰੀ ਕੀਤੀ, ਪਰ ਈਰਾਨ ਦੇ ਜਹਾਜ਼ਾਂ ਨੇ ਚਿਤਾਵਨੀ ਅਣਸੁਣੀ ਕਰ ਦਿੱਤੀ ਤੇ ਨਜ਼ਦੀਕ ਆਉਣ ਲੱਗੇ।


ਫਾਇਰਿੰਗ ਤੋਂ ਬਾਅਦ ਈਰਾਨ ਦੇ ਜਹਾਜ਼ਾਂ ਨੇ ਸੁਰੱਖਿਅਤ ਦੂਰੀ ਬਣਾ ਲਈ। ਤਰਜਮਾਨ ਨੇ ਕਿਹਾ ਕਿ ਈਰਾਨ ਦੀ ਜਲ ਸੈਨਾ ਨੂੰ ਅੰਤਰਰਾਸ਼ਟਰੀ ਨਿਯਮਾਂ ਦੀ ਪਾਲਣਾ ਕਰਨੀ ਚਾਹੀਦੀ ਹੈ ਤੇ ਸੁਰੱਖਿਅਤ ਦੂਰੀ ਬਣਾ ਕੇ ਚੱਲਣਾ ਚਾਹੀਦਾ ਹੈ।।

ਈਰਾਨ ਨੇ ਇਸ ਮਾਮਲੇ ’ਚ ਕੋਈ ਟਿੱਪਣੀ ਨਹੀਂ ਕੀਤੀ ਹੈ। ਇਹ ਇਸ ਮਹੀਨੇ ’ਚ ਦੂਜਾ ਮੌਕਾ ਹੈ, ਜਦੋਂ ਈਰਾਨ ਤੇ ਅਮਰੀਕਾ ਦੀ ਜਲ ਸੈਨਾ ਆਹਮੋ ਸਾਹਮਣੇ ਆਏ ਹਨ।

Related News

ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ, ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਮੇਤ ਦੁਨੀਆ ਭਰ ਦੇ ਆਗੂਆਂ ਨੇ Biden-Harris ਨੂੰ ਦਿੱਤੀ ਵਧਾਈ

Vivek Sharma

ਪੁਲਿਸ ਨੂੰ ਹੰਟਸਵਿਲੇ, ਓਂਟਾਰੀਓ ਦੇ ਨਜ਼ਦੀਕ ਇਕ ਅੱਗ ‘ਚ ਸੜ੍ਹੀ ਹੋਈ ਗੱਡੀ ਮਿਲੀ,ਜੋ ਕਿ ਲਾਪਤਾ ਓਰੋਰਾ ਦੀ ਔਰਤ ਨਾਲ ਸੰਬਧਿਤ ਹੈ

Rajneet Kaur

ਕੈਨੇਡਾ ਸਰਕਾਰ ਵਿਰੁੱਧ ਵਿਦੇਸ਼ੀ ਵਿਦਿਆਰਥੀਆਂ ਨੇ ਕੀਤਾ ਜੋਰਦਾਰ ਪ੍ਰਦਰਸ਼ਨ

Vivek Sharma

Leave a Comment