ਚੰਡੀਗੜ੍ਹ: ‘ਪੰਜਾਬ ਦਾ ਪੁੱਤਰ ਸੋਨੂੰ ਸੂਦ’ ਪਿਛਲੇ ਇੱਕ ਸਾਲ ਤੋਂ ਲਗਾਤਾਰ ਮੀਡੀਆ ਦੀਆਂ ਸੁਰਖ਼ੀਆਂ ਵਿੱਚ ਰਹੇ ਹਨ। ਕੋਰੋਨਾ ਕਾਰਨ ਹੋਈ ਤਾਲਾਬੰਦੀ ਦੌਰਾਨ ਅਤੇ ਫਿਰ ਉਸ ਤੋਂ ਬਾਅਦ ਹੁਣ ਤੱਕ ਸੋਨੂੰ ਸੂਦ ਵੱਲੋਂ ਜ਼ਰੂਰਤਮੰਦਾਂ ਲਈ ਕੀਤੇ ਜਾ ਰਹੇ ਬੇਮਿਸਾਲ ਉਪਰਾਲਿਆਂ ਦੀ ਦੁਨੀਆ ਭਰ ਵਿੱਚ ਸ਼ਲਾਘਾ ਹੋ ਰਹੀ ਹੈ। ਤਾਲਾਬੰਦੀ ਦੌਰਾਨ ਪਰਵਾਸੀ ਮਜ਼ਦੂਰਾਂ ਲਈ ਮਦਦਗ਼ਾਰ ਬਣ ਕੇ ਬਹੁੜੇ ਫਿਲਮ ਅਦਾਕਾਰ ਸੋਨੂੰ ਸੂਦ ਹੁਣ ਅਧਿਕਾਰਤ ਤੌਰ ’ਤੇ ਪੰਜਾਬ ਵਿਚ ਕੋਰੋਨਾ ਵੈਕਸੀਨ ਨੂੰ ਲੈ ਕੇ ਬ੍ਰਾਂਡ ਅੰਬੈਸਡਰ ਬਣਾਏ ਗਏ ਹਨ।
Chief Minister @capt_amarinder Singh appoints @SonuSood the Brand Ambassador of the Punjab Government for its #COVIDVaccination programme. Chief Minister made the announcement a day after meeting Sonu, who called on him at his residence. pic.twitter.com/aKRk8T1lhL
— Government of Punjab (@PunjabGovtIndia) April 11, 2021
ਐਤਵਾਰ ਨੂੰ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਸੂਦ ਨੂੰ ਬ੍ਰਾਂਡ ਅੰਬੈਸਡਰ ਲਾਉਣ ਦਾ ਐਲਾਨ ਕੀਤਾ ਹੈ। ਸੂਦ, ਮੁੱਖ ਮੰਤਰੀ ਨੂੰ ਮਿਲਣ ਉਨ੍ਹਾਂ ਦੀ ਰਿਹਾਇਸ਼ ’ਤੇ ਪੁੱਜੇ ਸਨ। ਇਸ ਦੌਰਾਨ ਮੁੱਖ ਮੰਤਰੀ ਅਮਰਿੰਦਰ ਸਿੰਘ ਨੇ ਕਿਹਾ,‘ਲੋਕਾਂ ਨੂੰ ਕੋਵਿਡ ਵੈਕਸੀਨ ਲੈਣ ਲਈ ਪ੍ਰੇਰਿਤ ਤੇ ਪ੍ਰਭਾਵਤ ਕਰਨ ਲਈ ਆਦਰਸ਼ ਦੇ ਤੌਰ ’ਤੇ ਸੋਨੂੰ ਸੂਦ ਤੋਂ ਇਲਾਵਾ ਹੋਰ ਕੋਈ ਸ਼ਖ਼ਸੀਅਤ ਨਹੀਂ ਹੋ ਸਕਦੀ ਹੈ। ਸੂਬੇ ਵਿਚ ਲੋਕਾਂ ਵਿਚ ਕੋਵਿਡ ਟੀਕਾ ਲਵਾਉਣ ਨੂੰ ਲੈ ਕੇ ਝਿਜਕ ਹੈ, ਸੋਨੂੰ ਦੀ ਤਾਲਾਬੰਦੀ ਦੌਰਾਨ ਲੋਕਾਂ ਦਰਮਿਆਨ ਪਹੁੰਚ ਤੇ ਪਰਵਾਸੀ ਕਿਰਤੀਆਂ ਦੀ ਮਦਦ ਦੇ ਸਦਕਾ ਵੱਖਰੀ ਪਛਾਣ ਹੈ। ਹੁਣ ਸੋਨੂੰ ਸੂਦ ਕੋਰੋਨਾ ਵੈਕਸੀਨ ਬਾਰੇ ਲੋਕਾਂ ਦੇ ਸ਼ੱਕ ਦੂਰ ਕਰਨਗੇ।’
Happy to share that actor & philanthropist @SonuSood will be the Brand Ambassador of our #Covid19 vaccination drive. I thank him for supporting our campaign to reach out to, and protect, every Punjabi, and appeal to all to get vaccinated at the earliest. pic.twitter.com/1083v6M0FP
— Capt.Amarinder Singh (@capt_amarinder) April 11, 2021
ਮੁੱਖ ਮੰਤਰੀ ਨੇ ਅੱਗੇ ਕਿਹਾ ਕਿ ਜਦੋਂ ਲੋਕ ਵੈਕਸੀਨ ਦੇ ਲਾਭ ਸਬੰਧੀ ਪੰਜਾਬ ਦੇ ਪੁੱਤਰ ਤੋਂ ਇਹ ਸੁਣਨਗੇ ਕਿ ਕੋਰੋਨਾ ਵੈਕਸੀਨ ਕਿੰਨੀ ਸੁਰੱਖਿਅਤ ਤੇ ਜ਼ਰੂਰੀ ਹੈ ਤਾਂ ਉਹ ਜ਼ਰੂਰ ਭਰੋਸਾ ਕਰਨਗੇ ਕਿਉਂਕਿ ਲੋਕ ਉਨ੍ਹਾਂ ’ਤੇ ਵਿਸ਼ਵਾਸ ਕਰਦੇ ਹਨ।
Vaccination against #Covid19 will provide all with required immunity to fight pandemic. We need to ensure that all eligible persons are vaccinated at earliest & that we continue to follow safety protocols. Urge my fellow Punjabis to ensure we triumph against #Covid19. @SonuSood pic.twitter.com/D6I07EHRXJ
— Capt.Amarinder Singh (@capt_amarinder) April 11, 2021
ਇਸ ਸਬੰਧ ਵਿਚ ਸੋਨੂੰ ਸੂਦ ਨੇ ਕਿਹਾ ਕਿ ਜ਼ਿੰਦਗੀ ਬਚਾਉਣ ਵਾਲੀ ਵੈਕਸੀਨ ਦੇ ਬ੍ਰਾਂਡ ਅੰਬੈਸਡਰ ਲੱਗਣ ’ਤੇ ਉਹ ਖ਼ੁਸ਼ੀ ਮਹਿਸੂਸ ਕਰਦੇ ਹਨ। ਉਨ੍ਹਾਂ ਕਿਹਾ ਕਿ ਸੂਬਾ ਸਰਕਾਰ ਦੀ ਇਸ ਮੁਹਿੰਮ ਦਾ ਹਿੱਸਾ ਬਣ ਕੇ ਖ਼ੁਦ ਨੂੰ ਵੱਡਭਾਗਾ ਮਹਿਸੂਸ ਕਰ ਰਿਹਾ ਹਾਂ।
It's an honour to be a part of this drive sir. We will make sure everyone gets vaccinated soon. Together we will reach out to each and every family for a safer tomorrow. https://t.co/X5b6yMr7uj
— sonu sood (@SonuSood) April 11, 2021
ਇਸ ਮੌਕੇ ਸੂਦ ਨੇ ਮੁੱਖ ਮੰਤਰੀ ਨੂੰ ਆਪਣੀ ਕਿਤਾਬ ‘ਆਈ ਐਮ ਨੋ ਮਸੀਹਾ’ ਵੀ ਦਿੱਤੀ। ਸੋਨੂੰ ਨੇ ਕਿਹਾ ਕਿ ਇਸ ਕਿਤਾਬ ਵਿਚ ਮੋਗੇ ਤੋਂ ਮੁੰਬਈ ਜਾਣ ਤੱਕ ਦੀਆਂ ਘਟਨਾਵਾਂ ਦਰਜ ਹਨ। ਯਾਦ ਰਹੇ ਸੂਦ ਨੇ ਲੰਘੇ ਦਿਨੀਂ ਖ਼ੁਦ ਵੀ ਕੋਵਿਡ ਵੈਕਸੀਨ ਲੁਆਈ ਸੀ।