channel punjabi
Canada News

ਪਾਬੰਦੀਆਂ ਵਿੱਚ ਢਿੱਲ ਤੋਂ ਬਾਅਦ ਕੈਨੇਡਾ ਦੀ ਅਰਥ ਵਿਵਸਥਾ ਵਿੱਚ ਹੋਇਆ ਸੁਧਾਰ , ਰੁਜ਼ਗਾਰ ਦੇ ਨਵੇਂ ਮੌਕੇ ਹੋਏ ਪੈਦਾ

ਪਾਬੰਦੀਆਂ ਘੱਟ ਕੀਤੇ ਜਾਣ ਤੋਂ ਬਾਅਦ ਵਧੇ ਰੁਜ਼ਗਾਰ ਦੇ ਮੌਕੇ

ਸਰਕਾਰ ਅਰਥਵਿਵਸਥਾ ਨੂੰ ਮੁੜ ਤੋਂ ਮਜ਼ਬੂਤ ਕਰਨ ਲਈ ਚੁੱਕ ਰਹੀ ਕਦਮ

ਅਗਸਤ ਵਿਚ ਕੈਨੇਡੀਅਨਾਂ ਲਈ 1.4 ਫੀਸਦੀ ਰੋਜ਼ਗਾਰ ਦੇ ਮੌਕੇ ਵਧੇ

ਹਾਲ ਹੀ ਦੇ ਮਹੀਨਿਆਂ ਵਿਚ 1.9 ਮਿਲੀਅਨ ਨੌਕਰੀਆਂ ਮੁੜ ਸੁਧਾਰੀਆਂ ਗਈਆਂ

ਓਟਾਵਾ- ਕੈਨੇਡਾ ਵਿਚ ਕੋਰੋਨਾ ਵਾਇਰਸ ਫੈਲਣ ਮਗਰੋਂ ਮਾਰਚ ਵਿਚ 3 ਮਿਲੀਅਨ ਲੋਕਾਂ ਦੀਆਂ ਨੌਕਰੀਆਂ ਚਲੀਆਂ ਗਈਆਂ ਸਨ ਪਰ ਹੁਣ ਕੈਨੇਡਾ ਨੇ ਅਰਥਵਿਵਸਥਾ ਨੂੰ ਮਜਬੂਤ ਕਰਨ ਲਈ ਕੰਮ ਸ਼ੁਰੂ ਕਰ ਦਿੱਤੇ ਹਨ। ਲੋਕਾਂ ਨੇ ਕੰਮਾਂ ‘ਤੇ ਮੁੜਨਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਨਾਲ ਵੱਡੀ ਗਿਣਤੀ ਵਿਚ ਨਵੀਂਆਂ ਨੌਕਰੀਆਂ ਵੀ ਸ਼ੁਰੂ ਕੀਤੀਆਂ ਗਈਆਂ ਹਨ। ਇਸ ਨਾਲ ਦੇਸ਼ ਵਿਕਾਸ ਦੇ ਰਾਹ ‘ਤੇ ਹੈ।

ਅਗਸਤ ਲੇਬਰ ਫੋਰਸ ਸਰਵੇ ਜਿਹੜਾ ਕਿ ਕੁਝ ਦਿਨ ਪਹਿਲਾਂ ਜਾਰੀ ਕੀਤਾ ਗਿਆ ਹੈ, ਜਿਸ ਵਿਚ ਦੱਸਿਆ ਗਿਆ ਹੈ ਕਿ ਜਨਤਕ ਸਿਹਤ ਪਾਬੰਦੀਆਂ ਵਿਚ ਢਿੱਲ ਦੇਣ ਨਾਲ ਕੈਨੇਡੀਅਨਾਂ ਤੇ ਖਾਸ ਕਰਕੇ ਪ੍ਰਵਾਸੀਆਂ ਲਈ ਰੋਜ਼ਗਾਰ ਵਧਿਆ ਹੈ। ਅਗਸਤ ਵਿਚ ਕੈਨੇਡੀਅਨਾਂ ਲਈ 1.4 ਫੀਸਦੀ ਰੋਜ਼ਗਾਰ ਦੇ ਮੌਕੇ ਵਧੇ ਹਨ। ਇਸ ਵਿਚਕਾਰ ਭੂਮੀਹੀਣ ਅਪ੍ਰਵਾਸੀਆਂ ਲਈ 1.6 ਫੀਸਦੀ ਵਧਿਆ ਹੈ। ਸਰਵਿਸ ਸੈਕਟਰ ,ਸਿੱਖਿਆ ਸੇਵਾਵਾਂ ਅਤੇ ਖਾਣ-ਪੀਣ ਵਾਲੇ ਖੇਤਰਾਂ ਵਿਚ ਸੁਧਾਰ ਹੋਇਆ ਹੈ।

ਇਹ ਨਵੀਂ ਰਿਪੋਰਟ ਦਰਸਾਉਂਦੀ ਹੈ ਕਿ ਕੈਨੇਡਾ ਦੀ ਆਰਥਿਕ ਪ੍ਰਕਿਰਿਆ ਸਹੀ ਦਿਸ਼ਾ ਵੱਲ ਵਧ ਰਹੀ ਹੈ। ਹਾਲ ਹੀ ਦੇ ਮਹੀਨਿਆਂ ਵਿਚ 1.9 ਮਿਲੀਅਨ ਨੌਕਰੀਆਂ ਮੁੜ ਸੁਧਾਰੀਆਂ ਗਈਆਂ ਹਨ। ਅਗਸਤ ਵਿਚ 2,46,000 ਨੌਕਰੀਆਂ ਪੈਦਾ ਕੀਤੀਆਂ ਗਈਆਂ ਹਨ । ਜੁਲਾਈ ਵਿਚ 4,19,000 ਨੌਕਰੀਆਂ ,ਮਈ ਤੇ ਜੂਨ ਵਿਚ 1.2 ਮਿਲੀਅਨ ਨੌਕਰੀਆਂ ਵਿਚ ਮੁੜ ਸੁਧਾਰ ਕੀਤਾ ਗਿਆ।

Related News

ਕੈਨੇਡਾ ਨੇ ਫਾਈਜ਼ਰ ਵੈਕਸੀਨ ਦੀਆਂ 4 ਮਿਲੀਅਨ ਡੋਜ਼ ਤੇ ਮੋਡੇਰਨਾ ਦੀਆਂ 2 ਮਿਲੀਅਨ ਡੋਜ਼ ਮੰਗਵਾਈਆਂ, ਜਨਵਰੀ ਤੋਂ ਮਾਰਚ ਤੱਕ ਲੋਕਾਂ ਨੂੰ ਲੱਗਣਾ ਸ਼ੁਰੂ ਹੋ ਜਾਵੇਗਾ ਕੋਰੋਨਾ ਟੀਕਾ :ਸਿਹਤ ਮੰਤਰੀ ਕ੍ਰਿਸਟਾਈਨ ਇਲੀਅਟ

Rajneet Kaur

ਬ੍ਰਿਟਿਸ਼ ਕੋਲੰਬੀਆ ‘ਚ ਕੋਵਿਡ-19 ਦੇ 21 ਹੋਰ ਨਵੇਂ ਕੇਸਾਂ ਦੀ ਪੁਸ਼ਟੀ : ਡਾ.ਬੋਨੀ ਹੈਨਰੀ

Rajneet Kaur

ਪੱਛਮੀ ਬੰਗਾਲ ਪੁੱਜੇ ਸੰਯੁਕਤ ਕਿਸਾਨ ਮੋਰਚਾ ਦੇ ਆਗੂ, ਕਿਸਾਨ ਆਗੂਆਂ ਨੇ ਭਾਜਪਾ ਖ਼ਿਲਾਫ਼ ਕੀਤਾ ਪ੍ਰਚਾਰ – ਜਿੱਥੇ ਜਾਣਗੇ ਮੋਦੀ ਅਸੀਂ ਓਥੇ ਹੀ ਕਰਾਂਗੇ ਪ੍ਰਚਾਰ : ਕਿਸਾਨ ਆਗੂ

Vivek Sharma

Leave a Comment