ਬੀਤੀ ਰਾਤ ਬਾਥਰਸਟ ਤੇ ਲਾਅਰੈਂਸ ਏਰੀਆ ਵਿੱਚ ਵਾਪਰੇ ਗੋਲੀਕਾਂਡ ਤੋਂ ਬਾਅਦ ਇੱਕ ਵਿਅਕਤੀ ਆਪਣੀ ਗੱਡੀ ਵਿੱਚ ਮ੍ਰਿਤਕ ਪਾਇਆ ਗਿਆ। ਕਈ ਗੋਲੀਆਂ ਚੱਲਣ ਦੀਆਂ ਰਿਪੋਰਟਾਂ ਤੋਂ ਬਾਅਦ ਐਮਰਜੰਸੀ ਅਮਲੇ ਨੂੰ ਰਾਤੀਂ 11:30 ਵਜੇ ਬਾਥਰਸਟ ਸਟਰੀਟ ਤੇ ਰੈਨੀ ਐਵਨਿਊ ਸੱਦਿਆ ਗਿਆ।
ਮੌਕੇ ਉੱਤੇ ਪਹੁੰਚੀ ਪੁਲਿਸ ਨੇ ਇੱਕ ਗੱਡੀ ਵਿੱਚ ਇੱਕ ਵਿਅਕਤੀ ਨੂੰ ਬੇਸੁੱਧ ਤੇ ਜ਼ਖ਼ਮੀ ਹਾਲਤ ਵਿੱਚ ਪਾਇਆ। ਉਸ ਨੂੰ ਮੌਕੇ ਉੱਤੇ ਹੀ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਅਧਿਕਾਰੀਆਂ ਨੇ ਪੀੜਿਤ ਦੀ ਪਛਾਣ ਟੋਰਾਂਟੋ ਦੇ 33 ਸਾਲਾ ਸ਼ੇਨ ਸ਼ੈਨਨ ਸਟੈਨਫੋਰਡ ਵਜੋਂ ਕੀਤੀ ਹੈ।
ਚਸ਼ਮਦੀਦਾਂ ਨੇ ਗੋਲੀਆਂ ਚੱਲਣ ਤੋਂ ਬਾਅਦ ਇਲਾਕੇ ਵਿੱਚੋਂ ਦੋ ਗੱਡੀਆਂ ਨੂੰ ਬਾਹਰ ਜਾਂਦਿਆਂ ਵੇਖਿਆ।
Police tow away Acura from Bathurst/Lawrence area where man found shot dead inside. Residents heard 3-5 shots at 11:30pm and saw this car drive up on a front lawn. The driver was pronounced dead on scene. Video shows shot out rear window. It appears gunman fled in a vehicle pic.twitter.com/UVbtnzsOlf
— carl hanstke (@carl680) October 8, 2020
ਇਹ ਵੀ ਮੰਨਿਆ ਜਾ ਰਿਹਾ ਹੈ ਕਿ ਇੱਕ ਗੱਡੀ ਹਾਦਸੇ ਦਾ ਸ਼ਿਕਾਰ ਹੋਇਆ ਵਿਅਕਤੀ ਵੀ ਡਰਾਈਵ ਕਰ ਰਿਹਾ ਸੀ। ਦੂਜੀ ਗੱਡੀ ਸਬੰਧੀ ਕੋਈ ਵੇਰਵਾ ਜਾਰੀ ਨਹੀਂ ਕੀਤਾ ਗਿਆ ਹੈ।
ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਹੋਮਿਸਾਈਡ ਅਧਿਕਾਰੀ ਜਾਣਕਾਰੀ ਨਾਲ ਕਿਸੇ ਨੂੰ ਵੀ ਸੰਪਰਕ ਕਰਨ ਦੀ ਅਪੀਲ ਕਰ ਰਹੇ ਹਨ।