ਨੋਵਾ ਸਕੋਸ਼ੀਆ ਨੇ ਵੀਰਵਾਰ ਨੂੰ ਕੋਰੋਨਾ ਵਾਇਰਸ ਦੇ ਤਿੰਨ ਨਵੇਂ ਕੇਸਾਂ ਦੀ ਰਿਪੋਰਟ ਕੀਤੀ ਅਤੇ ਕਿਹਾ ਕਿ ਰੈਸਟੋਰੈਂਟ ਅਤੇ ਲਾਇਸੰਸਸ਼ੁਦਾ ਅਦਾਰੇ ਅਗਲੇ ਹਫਤੇ ਡਾਇਨ-ਇਨ ਸੇਵਾਵਾਂ ਲਈ ਮੁੜ ਖੁੱਲ੍ਹ ਸਕਦੇ ਹਨ। ਨਵੇਂ ਕੇਸ ਸਾਰੇ ਕੇਂਦਰੀ ਜ਼ੋਨ ‘ਚੋਂ ਸਾਹਮਣੇ ਆਏ ਹਨ। ਇਨ੍ਹਾਂ ਵਿਚੋਂ ਇਕ ਕੇਸ ਪਹਿਲਾਂ ਦੱਸੇ ਗਏ ਕੇਸ ਦਾ ਨੇੜਲਾ ਸੰਪਰਕ ਹੈ ਅਤੇ ਦੋ ਹੋਰ ਅਟਲਾਂਟਿਕ ਕੈਨੇਡਾ ਤੋਂ ਬਾਹਰ ਯਾਤਰਾ ਨਾਲ ਸਬੰਧਤ ਹਨ। ਸੂਬੇ ਵਿੱਚ ਵੀਰਵਾਰ ਤੱਕ 22 ਸਰਗਰਮ ਮਾਮਲੇ ਹਨ।
ਸੂਬੇ ਨੇ ਇਹ ਐਲਾਨ ਵੀ ਕੀਤਾ ਕਿ ਹੈਲੀਫੈਕਸ ਅਤੇ ਹਾਂਟਸ ਕਾਉਂਟੀ ਖੇਤਰਾਂ ਵਿੱਚ ਰੈਸਟੋਰੈਂਟਾਂ ਅਤੇ ਲਾਇਸੰਸਸ਼ੁਦਾ ਅਦਾਰਿਆਂ ਨੂੰ 4 ਜਨਵਰੀ, 2021 ਨੂੰ ਡਾਇਨ-ਇਨ ਸੇਵਾਵਾਂ ਲਈ ਦੁਬਾਰਾ ਖੋਲ੍ਹਣ ਦੀ ਆਗਿਆ ਦਿੱਤੀ ਜਾਏਗੀ। ਜ਼ਿਕਰਯੋਗ ਹੈ ਕਿ ਪ੍ਰੋਵਿੰਸ ਨੂੰ COVID-19 ਦੀ ਦੂਜੀ ਲਹਿਰ ਵਿੱਚ ਮਾਮਲਿਆਂ ਵਿੱਚ ਵਾਧਾ ਵੇਖਣ ਤੋਂ ਬਾਅਦ 25 ਨਵੰਬਰ ਨੂੰ ਰੈਸਟੋਰੈਂਟਾਂ ਨੂੰ ਖਾਣੇ ਦੀਆਂ ਥਾਵਾਂ ਬੰਦ ਕਰਨ ਦੇ ਆਦੇਸ਼ ਦਿੱਤੇ ਗਏ ਸਨ।
ਛੁੱਟੀ ਦੇ ਮੌਸਮ ਦੌਰਾਨ, ਹੋਰ ਖੇਤਰਾਂ ਵਿੱਚ ਰੈਸਟੋਰੈਂਟਾਂ ਅਤੇ ਲਾਇਸੰਸਸ਼ੁਦਾ ਅਦਾਰਿਆਂ ਨੂੰ ਰਾਤ 10 ਵਜੇ ਤੱਕ ਡਾਇਨ-ਇਨ ਸਰਵਿਸਿਜ਼ ਨੂੰ ਖੁੱਲਾ ਰੱਖਣ ਦੀ ਆਗਿਆ ਸੀ।
4 ਜਨਵਰੀ ਤੋਂ ਐਚਆਰਐਮ ਅਤੇ ਹੈਂਟਸ ਰੈਸਟੋਰੈਂਟ ਅਤੇ ਬਾਰ ਬੈਠਣ ਦੇ ਖੇਤਰ ਖੁਲ੍ਹ ਸਕਦੇ ਹਨ ਜਦੋਂ ਕਿ ਸੂਬੇ ਦੇ ਪ੍ਰੋਟੋਕੋਲ ਦੀ ਪਾਲਣਾ ਕਰਦੇ ਹੋਏ 11 ਵਜੇ ਤੱਕ ਬੰਦ ਕਰਨੇ ਲਾਜ਼ਮੀ ਹਨ। ਇਸ ਦੌਰਾਨ ਸੂਬੇ ਨੇ ਕਿਹਾ ਕਿ ਕੈਸੀਨੋ ਬੰਦ ਰਹਿਣਗੇ।