channel punjabi
Canada International News North America

ਨੋਵਾ ਸਕੋਸ਼ੀਆ ਦੇ ਵਿਦਿਆਰਥੀ ਵੋਟ ਪ੍ਰੋਗਰਾਮ ਰਾਹੀਂ ਮਿਉਂਸੀਪਲ ਚੋਣਾਂ ‘ਚ ਲੈਣਗੇ ਹਿੱਸਾ

ਕੈਨੇਡਾ ‘ਚ ਚੋਣਾਂ ਦਾ ਡੰਕਾ ਵੱਜ ਚੁੱਕਿਆ ਹੈ। ਜਿਥੇ ਸਾਰੇ ਨੌਜਵਾਨ ਵੋਟ ਪਾਉਣ ਲਈ ਉਤਸ਼ਾਹਿਤ ਹਨ ਉਥੇ ਹੀ ਹੁਣ ਸਕੂਲਾਂ ਦੇ ਵਿਦਿਆਰਥੀ ਵੀ ਵੋਟ ਪਾਉਣ ਲਈ ਤਿਆਰ ਹਨ।

ਇੱਕ ਕੈਨੇਡੀਅਨ ਚੈਰਿਟੀ ਦੇ ਅਨੁਸਾਰ ਨੋਵਾ ਸਕੋਸ਼ੀਆ ਵਿੱਚ ਲਗਭਗ 10,000 ਐਲੀਮੈਂਟਰੀ ਅਤੇ ਹਾਈ ਸਕੂਲ ਦੇ ਸਟੂਡੈਂਟ ਵੋਟ ਵਿੱਚ ਹਿੱਸਾ ਲੈਣ ਦੀ ਉਮੀਦ ਹੈ। ਇਹ ਉਨ੍ਹਾਂ ਨੌਜਵਾਨਾਂ ਲਈ ਇਕ ਸਮਾਨ ਚੋਣ ਹੈ ਜੋ ਅਜੇ ਤੱਕ ਚੋਣਾਂ ਵਿੱਚ ਵੋਟ ਪਾਉਣ ਦੇ ਯੋਗ ਨਹੀਂ ਹਨ।

ਸਿਵਿਕਸ ਦੇ ਅਨੁਸਾਰ, ਨੋਵਾ ਸਕੋਸ਼ੀਆ ਮਿਉਂਸੀਪਲ ਚੋਣਾਂ ਤੋਂ ਠੀਕ ਪਹਿਲਾਂ ਵੀਰਵਾਰ ਅਤੇ ਸ਼ੁੱਕਰਵਾਰ ਨੂੰ ਵੋਟ ਪਾਉਣ ਦੇ ਨਾਲ, ਪ੍ਰੋਗਰਾਮ ਵਿੱਚ ਹਿੱਸਾ ਲੈਣ ਲਈ 145 ਨੋਵਾ ਸਕੋਸ਼ੀਆ ਸਕੂਲ ਰਜਿਸਟਰ ਹੋਏ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਸ ਤਰ੍ਹਾਂ ਵਿਦਿਆਰਥੀ ਸਰਕਾਰ ਅਤੇ ਚੋਣ ਪ੍ਰਕਿਰਿਆ ਬਾਰੇ ਸਿੱਖਦੇ ਹਨ, ਮਸਲਿਆਂ ਅਤੇ ਉਮੀਦਵਾਰਾਂ ਦੀ ਪੜਚੋਲ ਕਰਦੇ ਹਨ, ਪਰਿਵਾਰ ਅਤੇ ਦੋਸਤਾਂ ਨਾਲ ਚੋਣ ਬਾਰੇ ਵਿਚਾਰ ਵਟਾਂਦਰੇ ਕਰਦੇ ਹਨ ਅਤੇ ਪ੍ਰਮਾਣਿਕ ਵੋਟ ਵਿੱਚ ਹਿੱਸਾ ਲੈਂਦੇ ਹਨ।

ਸਿਵਿਕਸ ਨੇ ਕਿਹਾ ਕਿ ਕੋਵਿਡ -19 ਮਹਾਂਮਾਰੀ ਦੇ ਕਾਰਨ ਵਿਦਿਆਰਥੀ ਵੋਟ ਦੀਆਂ ਗਤੀਵਿਧੀਆਂ ਸਰੀਰਕ ਦੂਰੀਆਂ ਅਤੇ ਆਨਲਾਈਨ ਲਰਨਿੰਗ ਵਰਗੇ ਨਵੇਂ ਸੁਰੱਖਿਆ ਪ੍ਰੋਟੋਕੋਲ ਲਈ ਅਨੁਕੂਲ ਹਨ। ਉਨ੍ਹਾਂ ਕਿਹਾ ਹੈ ਕਿ ਬਹੁਤੇ ਵਿਦਿਆਰਥੀ ਪੇਪਰ ਬੈਲਟ ਦੀ ਵਰਤੋਂ ਕਰਨਗੇ ਪਰ ਆਨਲਾਈਨ ਵੋਟਿੰਗ ਵੀ ਉਪਲਬਧ ਕਰਵਾਈ ਗਈ ਸੀ।

2016 ਦੀ ਨੋਵਾ ਸਕੋਸ਼ੀਆ ਨਗਰ ਨਿਗਮ ਚੋਣਾਂ ਵਿੱਚ 13,000 ਤੋਂ ਵੱਧ ਐੱਨ.ਐੱਸ. 32 ਮਿਉਂਸੀਪੈਲਿਟੀਜ਼ ਦੇ ਵਿਦਿਆਰਥੀਆਂ ਨੇ ਭਾਗ ਲਿਆ । ਹੈਲੀਫੈਕਸ ਖੇਤਰੀ ਮਿਉਂਸੀਪੈਲਿਟੀ ਦੇ ਵਿਦਿਆਰਥੀਆਂ ਦਾ ਨਤੀਜਾ ਮਿਉਂਸੀਪਲ ਚੋਣਾਂ ਦੇ ਨਤੀਜਿਆਂ ਨਾਲ ਮੇਲ ਖਾਂਦਾ ਰਿਹਾ ਕਿਉਂਕਿ ਉਹਨਾਂ ਨੇ ਵੀ ਮੇਅਰ ਮਾਈਕ ਸਾਵੇਜ ਨੂੰ ਚੁਣਿਆ ਸੀ।

ਵਿਦਿਆਰਥੀ ਵੋਟ ਚੋਣ ਦੇ ਨਤੀਜੇ ਉਦੋਂ ਜਾਰੀ ਕੀਤੇ ਜਾਣਗੇ ਜਦੋਂ ਨੋਵਾ ਸਕੋਸ਼ੀਆ ਨਗਰ ਨਿਗਮ ਦੀਆਂ ਚੋਣਾਂ 17 ਅਕਤੂਬਰ ਨੂੰ ਸ਼ਾਮ 7 ਵਜੇ ਬੰਦ ਹੋਣਗੀਆਂ।

Related News

BREAKING : ਅਮੇਰੀਕਨ ਏਅਰਲਾਈਨਜ਼ ਦੇ BOEING 737 ਯਾਤਰੀ ਜਹਾਜ਼ ਦੀ ਨਿਊਜਰਸੀ ਵਿਖੇ ਹੋਈ ਐਮਰਜੈਂਸੀ ਲੈਂਡਿਗ

Vivek Sharma

ਓਂਟਾਰੀਓ ‘ਚ ਸਰਕਾਰ ਸਕੂਲ ਖੋਲ੍ਹਣ ਦੀ ਤਿਆਰੀ ਵਿੱਚ, ਸਕੂਲਾਂ ਨੂੰ ‘ਕੋਰੋਨਾ ਪਰੂਫ਼’ ਬਣਾਉਣ ਲਈ ਫੰਡ ਕੀਤੇ ਜਾਰੀ !

Vivek Sharma

ਆਕਸਫੋਰਡ ਦੀ ਕੋਰੋਨਾ ਵੈਕਸੀਨ ਦਾ ਟ੍ਰਾਇਲ ਰੋਕਿਆ ਗਿਆ , WHO ਨੇ ਕਿਹਾ; ਸੁਰੱਖਿਆ ਸਾਡੀ ਪਹਿਲ

Vivek Sharma

Leave a Comment