ਟੋਰਾਂਟੋ : ਓਂਟਾਰੀਓ ਅਤੇ ਕਿਊਬਿਕ ਦੋਵੇਂ ਸੂਬੇ ਕੋਰੋਨਾ ਮਹਾਂਮਾਰੀ ਨਾਲ ਸਭ ਤੋਂ ਜਿਆਦਾ ਪ੍ਰਭਾਵਿਤ ਹਨ । ਦੋਹਾਂ ਸੂਬਿਆਂ ਵਿੱਚ ਐਤਵਾਰ ਨੂੰ ਕੋਵਿਡ-19 ਦੇ ਰੋਜ਼ਾਨਾ ਕੇਸਾਂ ਦੀ ਗਿਣਤੀ 2 ਹਜ਼ਾਰ ਤੋਂ ਵੱਧ ਦੱਸੀ ਗਈ, ਹਲਾਂਕਿ ਬਾਅਦ ਵਿੱਚ ਇਹ ਨਵੇਂ ਸਿੰਗਲ-ਡੇਅ ਰਿਕਾਰਡ ਵਿੱਚ ਤਬਦੀਲ ਹੋ ਗਈ । ਉਧਰ ਨੁਨਾਵਟ ਸੂਬੇ ਵਿੱਚ ਪਹਿਲੀ ਵਾਰ ਕੋਵਿਡ-19 ਕਾਰਨ ਕਿਸੇ ਦੀ ਜਾਨ ਗਈ।
ਉਂਟਾਰੀਓ ਵਿੱਚ 2,316 ਹੋਰ ਪੁਸ਼ਟੀ ਕੀਤੇ ਕੇਸ ਦਰਜ ਕੀਤੇ ਗਏ, ਸਿਹਤ ਮੰਤਰੀ ਕ੍ਰਿਸਟੀਨ ਈਲੀਅਟ ਨੇ ਟਵੀਟ ਕੀਤਾ। ਇਹ ਲਗਾਤਾਰ ਛੇਵੇਂ ਦਿਨ ਸੀ ਜਦੋਂ ਪ੍ਰਾਂਤ ਨੇ ਨਵੇਂ ਸਕਾਰਾਤਮਕ ਟੈਸਟ ਨਤੀਜਿਆਂ ਦੇ ਪੁਰਾਣੇ ਅੰਕੜੇ ਨੂੰ ਪਾਰ ਕਰ ਲਿਆ । ਪ੍ਰਾਂਤ ਵਿੱਚ ਕੋਵਿਡ ਨਾਲ 25 ਨਵੇਂ ਮੌਤਾਂ ਦੀ ਖਬਰ ਮਿਲੀ ਹੈ।
Ontario is reporting 2,316 cases of #COVID19 and over 69,400 tests completed. Locally, there are 486 new cases in Toronto, 468 in Peel, 326 in York Region, 151 in Windsor-Essex County and 128 in Niagara.
— Christine Elliott (@celliottability) December 20, 2020
ਕਿਊਬਿਕ ਵਿੱਚ, ਸਿਹਤ ਅਧਿਕਾਰੀਆਂ ਨੇ ਐਤਵਾਰ ਨੂੰ ਰਿਕਾਰਡ 2,146 ਨਵੇਂ ਕੇਸ ਦਰਜ ਕੀਤੇ ਅਤੇ 21 ਹੋਰ ਮੌਤਾਂ ਹੋਈਆਂ।
ਉਧਰ ਸਭ ਤੋਂ ਹੈਰਾਨ ਕਰਨ ਵਾਲੀ ਖਬਰ ਐਤਵਾਰ ਨੂੰ ਨੁਨਾਵਟ ਤੋਂ ਸਾਹਮਣੇ ਆਈ। ਨੁਨਾਵਟ ਦੇ ਸਿਹਤ ਅਧਿਕਾਰੀਆਂ ਨੇ ਕੋਵਿਡ-19 ਨਾਲ ਇਸ ਖੇਤਰ ਵਿੱਚ ਪਹਿਲੀ ਵਾਰ ਹੋਈ ਮੌਤ ਦੀ ਪੁਸ਼ਟੀ ਕੀਤੀ ਗਈ। ਅਧਿਕਾਰੀਆਂ ਅਨੁਸਾਰ ਇੱਥੇ ਪਹਿਲੀ ਵਾਰ ਦੋ ਵਿਅਕਤੀਆਂ ਦੀ ਜਾਨ ਕੋਵਿਡ ਕਾਰਨ ਗਈ ਹੈ ।ਇਸ ਸਬੰਧ ਵਿੱਚ ਸੂਬੇ ਦੇ ਪ੍ਰੀਮੀਅਰ ਨੇ ਟਵੀਟ ਕਰਕੇ ਜਾਣਕਾਰੀ ਸਾਂਝੀ ਕੀਤੀ
A very, very sad day for Nunavut. Sending my thoughts and strength to their families and friends in Arviat and Rankin Inlet.
*translations will be posted on the Government of Nunavut website as soon as possible pic.twitter.com/PmZpqZhBuF— Premier Joe Savikataaq (@JSavikataaq) December 20, 2020
ਉਨ੍ਹਾਂ ਨੇ ਦੱਸਿਆ ਕਿ ਅਰਵਿਆਤ ਨਿਵਾਸੀ ਮਮਤਾ ਅਤੇ ਰੈਂਕਿਨ ਇਨਲੇਟ ਦੇ ਇਕ ਹੋਰ ਵਿਅਕਤੀ ਦੀ ਸ਼ਨੀਵਾਰ ਨੂੰ ਕੋਵਿਡ-19 ਨਾਲ ਸਬੰਧਤ ਪੇਚੀਦਗੀਆਂ ਕਾਰਨ ਮੌਤ ਹੋ ਗਈ।