ਅਮਰੀਕੀ ਚੋਣਾਂ ’ਚ ਭਾਵੇਂ ਪੂਰੀ ਤਰ੍ਹਾਂ ਸਾਫ਼ ਹੋ ਚੁੱਕਿਆ ਹੈ ਕਿ ਜੋਅ ਬਾਇਡੇਨ ਹੀ ਦੇਸ਼ ਦੇ ਅਗਲੇ ਰਾਸ਼ਟਰਪਤੀ ਬਣ ਕੇ ਸੱਤਾ ਸੰਭਾਲਣਗੇ ਪਰ ਉੱਧਰ ਡੋਨਾਲਡ ਟਰੰਪ ਹਾਲੇ ਵੀ ਆਪਣੀ ਜਿੱਤ ਦਾ ਦਾਅਵਾ ਕਰ ਰਹੇ ਹਨ। ਇਹ ਦਾਅਵਾ ਉਨ੍ਹਾਂ ਸੋਮਵਾਰ ਨੂੰ ਟਵਿਟਰ ’ਤੇ ਕੀਤਾ। ਟਵੀਟਰ ‘ਤੇ ਟਰੰਪ ਨੇ ਲਿਖਿਆ ਕਿ ਉਹ ਚੋਣਾਂ ਜਿੱਤ ਗਏ ਹਨ।
I WON THE ELECTION!
— Donald J. Trump (@realDonaldTrump) November 16, 2020
ਜ਼ਿਕਰਯੋਗ ਹੈ ਕਿ ਟਰੰਪ ਨੇ ਸਿਰਫ਼ 16 ਘੰਟੇ ਪਹਿਲਾਂ ਹੀ ਬਾਇਡੇਨ ਦੇ ਜਿੱਤਣ ਦੀ ਗੱਲ ਮੰਨੀ ਸੀ ਪਰ ਟਰੰਪ ਨੇ ਇਹ ਵੀ ਕਿਹਾ ਸੀ ਕਿ ਬਾਇਡੇਨ ਚੋਣਾਂ ’ਚ ਹੇਰਾਫੇਰੀ ਨਾਲ ਜਿੱਤੇ ਹਨ। ਜੋਅ ਬਾਇਡਨ ਨੂੰ 306 ਇਲੈਕਟੋਰਲ ਵੋਟਾਂ ਮਿਲ ਚੁੱਕੀਆਂ ਹਨ, ਜਦਕਿ ਡੌਨਲਡ ਟਰੰਪ ਨੂੰ ਹਾਲੇ ਤੱਕ 232 ਇਲੈਕਟੋਰਲ ਵੋਟਾਂ ਹੀ ਮਿਲੀਆਂ ਹਨ।