ਟੋਰਾਂਟੋ ਪੁਲਿਸ ਸਰਵਿਸ ਦਾ ਕਹਿਣਾ ਹੈ ਕਿ ਸਾਰੇ ਫਰੰਟ-ਲਾਈਨ ਅਧਿਕਾਰੀ ਅਕਤੂਬਰ ਦੇ ਅਖੀਰ ਤੱਕ body-worn ਕੈਮਰੇ ਨਾਲ ਤਾਇਨਾਤ ਹੋਣਗੇ। ਇਸ ਪ੍ਰਾਜੈਕਟ ਦੀ ਨਿਗਰਾਨੀ ਕਰਨ ਵਾਲੇ ਸੁਪਰਡੈਂਟ ਮਾਈਕਲ ਬਾਰਸਕੀ ਦਾ ਕਹਿਣਾ ਹੈ ਕਿ ਇਸ ਸਮੇਂ ਤਕਰੀਬਨ 650 ਅਧਿਕਾਰੀਆਂ ਨੇ ਕੈਮਰੇ ਪਹਿਨੇ ਹੋਏ ਹਨ।
ਟੋਰਾਂਟੋ ਪੁਲਿਸ ਨੇ ਹਾਲ ਹੀ ਵਿੱਚ ਐਕਸਨ ਨਾਲ 34 ਮਿਲੀਅਨ ਡਾਲਰ ਵਿੱਚ ਪੰਜ ਸਾਲਾ ਸੌਦੇ ‘ਤੇ ਹਸਤਾਖਰ ਕਰਨ ਦੀ ਖਬਰ ਦਿੱਤੀ ਹੈ, ਜਿਸ ਵਿੱਚ 2,350 ਕੈਮਰੇ ਅਤੇ ਕਲਾਉਡ ਬੇਸਡ ਸਟੋਰੇਜ ਸ਼ਾਮਲ ਹਨ। ਬਾਰਸਕੀ ਦਾ ਕਹਿਣਾ ਹੈ ਕਿ ਪਿਛਲੇ ਸਾਲ ਦੇ ਅਖੀਰ ਵਿਚ ਅਪਣਾਏ ਗਏ ਕੈਮਰੇ ਇਸ ਗੱਲ ਦਾ ਉਦੇਸ਼ ਹਨ ਕਿ ਪੁਲਿਸ ਅਧਿਕਾਰੀ ਕਿਵੇਂ ਲੋਕਾਂ ਨਾਲ ਪੇਸ਼ ਆਉਂਦੇ ਹਨ।
ਐਸ.ਜੀ.ਟੀ. ਕ੍ਰਿਸ ਮੈਕਕੈਨ, ਨੇ ਕਿਹਾ ਕਿ ਉਹ ਕੁਝ ਮਹੀਨਿਆਂ ਤੋਂ ਬਾਡੀ ਕੈਮਰਾ ਲਗਾ ਰਹੇ ਹਨ ਕੈਮਰੇ ਦੋਵਾਂ ਧਿਰਾਂ ਨੂੰ ਜਵਾਬਦੇਹ ਬਣਾਉਣ ਲਈ ਹਨ। ਉਨ੍ਹਾਂ ਕਿਹਾ ਕਿ ਕਿਸੇ ਨਾਲ ਗੱਲਬਾਤ ਕਰਨ ਦਾ ਤਰੀਕਾ ਨਹੀਂ ਬਦਲਿਆ।ਸਭ ਕੁਝ ਇਕੋ ਵਰਗਾ ਹੈ। ਨਾਲ ਹੀ ਉਨ੍ਹਾਂ ਦਾ ਕਹਿਣਾ ਹੈ ਕਿ ਤਕਨੀਕੀ ਤੌਰ ਤੇ ਕਿਸੇ ਨਾਲ ਗੱਲਬਾਤ ਕਰਨ ਲੱਗਿਆ ਤੁਹਾਨੂੰ ਕੈਮਰਾ ਚਾਲੂ ਕਰਨਾ ਯਾਦ ਰਖਣਾ ਹੋਵੇਗਾ।
ਓਨਟਾਰੀਓ ਦੇ ਮਨੁੱਖੀ ਅਧਿਕਾਰ ਕਮਿਸ਼ਨ ਦੀਆਂ ਦੋ ਰਿਪੋਰਟਾਂ ਤੋਂ ਪਤਾ ਲੱਗਿਆ ਹੈ ਕਿ ਟੋਰਾਂਟੋ ਵਿੱਚ ਬਲੈਕ ਲੋਕਾਂ ਨੂੰ “ਅਣਅਧਿਕਾਰਤ ਢੰਗ ਨਾਲ” ਗ੍ਰਿਫਤਾਰ ਕੀਤਾ ਗਿਆ ਹੈ ਅਤੇ ਪੁਲਿਸ ਦੁਆਰਾ ਉਨ੍ਹਾਂ ਨੂੰ ਤਾਕਤ ਦੀ ਵਰਤੋਂ ਦਾ ਸਾਹਮਣਾ ਕਰਨਾ ਪਿਆ ਹੈ।
