ਟੋਰਾਂਟੋ : ਟੋਰਾਂਟੋ ਦੇ ਮੇਅਰ ਜੌਹਨ ਟੋਰੀ ਵੀ ਓਂਟਾਰੀਓ ਦੇ ਉਹਨਾਂ ਸਿਆਸਤਦਾਨਾਂ ਦੀ ਸੂਚੀ ਵਿੱਚ ਸ਼ਾਮਲ ਹੋ ਗਏ ਹਨ ਜਿਨ੍ਹਾਂ ਨੂੰ ਕੋਵਿਡ-19 ਵੈਕਸੀਨ ਟੀਕੇ ਦੀ ਪਹਿਲੀ ਖ਼ੁਰਾਕ ਮਿਲੀ ਹੈ। ਮੇਅਰ ਟੋਰੀ ਨੇ ਸਵੇਰੇ ਕਵੀਨ ਸਟ੍ਰੀਟ ਵੈਸਟ ਵਿਖੇ ਇਕ ਫਾਰਮੇਸੀ ਵਿਚ ਐਸਟਰਾਜ਼ੇਨੇਕਾ ਟੀਕਾ ਦਾ ਸ਼ਾਟ ਲਗਾਇਆ ।
Great experience getting my #COVID19 vaccine today.
Encouraging all eligible Toronto residents to please get vaccinated.
Book your appointment:
💻https://t.co/e5JSvWjSxD
📱1-888-999-6488 pic.twitter.com/ErqVw6f3RT— John Tory (@JohnTory) April 10, 2021
ਮੇਅਰ ਦਾ ਟੀਕਾਕਰਣ ਸੂਬੇ ਦੇ ਪ੍ਰੀਮੀਅਰ ਡੱਗ ਫੋਰਡ ਵਲੋਂ ਸ਼ੁੱਕਰਵਾਰ ਨੂੰ ਐਸਟਰਾਜ਼ੇਨੇਕਾ ਟੀਕਾ ਦੀ ਪਹਿਲੀ ਖੁਰਾਕ ਮਿਲਣ ਤੋਂ ਬਾਅਦ ਹੋਇਆ ਹੈ। ਫੋਰਡ ਨੇ ਈਟੌਬਿਕੋਕੇ ਦੀ ਫਾਰਮੇਸੀ ਵਿਖੇ ਪਹਿਲਾ ਸ਼ਾਟ ਲਿਆ ਸੀ।
ਪ੍ਰੀਮੀਅਰ ਡੱਗ ਫੋਰਡ, ਮੇਅਰ ਜਾਨ ਟੋਰੀ ਅਤੇ ਓਂਟਾਰੀਓ ਦੇ ਸਿਹਤ ਮੰਤਰੀ ਕ੍ਰਿਸਟੀਨ ਇਲੀਅਟ ਨੇ ਟੀਕੇ ਦੀ ਵਰਤੋਂ ਬਾਰੇ ਲੋਕਾਂ ਦੀਆਂ ਚਿੰਤਾਵਾਂ ਨੂੰ ਦੂਰ ਕਰਨ ਅਤੇ ਟੀਕੇ ਦੀ ਝਿਜਕ ਨੂੰ ਦਬਾਉਣ ਦੀ ਕੋਸ਼ਿਸ਼ ਵਿਚ ਐਸਟ੍ਰੈਜ਼ੇਨੇਕਾ ਸ਼ਾਟ ਨੂੰ ਸਾਰਵਜਨਿਕ ਤੌਰ ‘ਤੇ ਪ੍ਰਾਪਤ ਕੀਤਾ।
Got my #AstraZeneca COVID-19 vaccine today.
Encouraging all eligible Toronto residents to get vaccinated.
Find a pharmacy here: https://t.co/J38YXYqByf
Or book an appointment at a City-run clinic:
💻https://t.co/e5JSvWjSxD
📱1-888-999-6488" pic.twitter.com/hKYR1wGsdS— John Tory (@JohnTory) April 10, 2021
ਆਪਣੇ ਟੀਕਾਕਰਨ ਬਾਰੇ ਮੇਅਰ ਜੌਨ ਟੋਰੀ ਨੇ ਆਪਣੇ ਟਵਿੱਟਰ ਅਕਾਊਂਟ ਰਾਹੀਂ ਤਸਵੀਰਾਂ ਸਾਂਝੀਆਂ ਕੀਤੀਆਂ। ਉਹਨਾਂ ਲੋਕਾਂ ਨੂੰ ਵੈਕਸੀਨ ਲੈਣ ਪ੍ਰਤੀ ਪ੍ਰੇਰਿਤ ਕਰਦਿਆਂ ਲਿਖਿਆ, ‘ਮੈਂ ਉਮੀਦ ਕਰਦਾ ਹਾਂ ਕਿ ਲੋਕ ਸਭ ਵੇਖਣਗੇ, ਸਭ ਤੋਂ ਪਹਿਲਾਂ ਇਹ ਕਿ ਟੀਕਾ ਬਿਨਾਂ ਕਿਸੇ ਕਿਸਮ ਦੇ ਦਰਦ ਦੇ ਸੀ ਅਤੇ ਦੂਸਰਾ, ਇਹ ਸਮਝ ਲਓ ਕਿ ਕੈਨੇਡਾ ਸਰਕਾਰ ਵਲੋਂ ਜਿਹੜੀ ਵੀ ਵੈਕਸੀਨ ਮਨਜ਼ੂਰ ਹੋਈ ਹੈ ਉਹ ਸੁਰੱਖਿਅਤ ਹੈ। ਜੇਕਰ ਵੈਕਸੀਨ ਸੁਰੱਖਿਅਤ ਨਾ ਹੁੰਦੀ ਤਾਂ ਹੈਲਥ ਕੈਨੇਡਾ ਨੇ ਇਸ ਦੀ ਮਨਜ਼ੂਰੀ ਨਹੀਂ ਦੇਣੀ ਸੀ।’
ਆਪਣੀ ਵੈਕਸੀਨ ਬਾਰੇ ਉਹਨਾਂ ਦੱਸਿਆ, “ਇਹ ਇਕ ਐਸਟਰਾਜ਼ੇਨੇਕਾ ਦੀ ਖੁਰਾਕ ਸੀ, ਇਹ ਬਿਲਕੁਲ ਸੁਰੱਖਿਅਤ ਅਤੇ ਲਾਭਕਾਰੀ ਹੈ । ਇਹ ਦੁਨੀਆ ਭਰ ਦੇ ਲੱਖਾਂ ਲੋਕਾਂ ਨੂੰ ਦਿੱਤੀ ਗਈ ਹੈ।”
ਮੇਅਰ ਅਨੁਸਾਰ ਟੋਰਾਂਟੋ ਵਿੱਚ ਹੁਣ ਤੱਕ ਸੱਤ ਲੱਖ ਲੋਕਾਂ ਨੂੰ ਵੈਕਸੀਨ ਦਿੱਤੀ ਜਾ ਚੁੱਕੀ ਹੈ।
More than 700,000 doses of COVID-19 vaccines administered in Toronto https://t.co/IFnMK2xOxa
— John Tory (@JohnTory) April 11, 2021
ਜ਼ਿਕਰਯੋਗ ਹੈ ਕਿ ਉਂਟਾਰੀਓ ਸੂਬਾ ਕੈਨੇਡਾ ਦਾ ਕੋਰੋਨਾ ਨਾਲ ਸਭ ਤੋਂ ਵੱਧ ਪ੍ਰਭਾਵਿਤ ਸੂਬਾ ਹੈ। ਸੂਬੇ ਅੰਦਰ ਲੋਕਾਂ ਨੂੰ ਵੈਕਸੀਨ ਦਿੱਤੇ ਜਾਣ ਦਾ ਕੰਮ ਪੂਰੀ ਤੇਜ਼ੀ ਨਾਲ ਜਾਰੀ ਹੈ ।
